ضايعة في الكلية ومش قادرة أركز💔

Question

انا بنت عندي ١٧ سنة كنت مجتهدة جدًا في الثانوي وبذاكر بالساعات بدون ممل وكنت شغوفة وطموحة ومتفائلة دايمًا والحمدلله جبت مجموع دخلني كلية طب قصر العيني لكن من ساعت مادخلت الكلية وانا حاسه اني ضايعة ومش قادرة اركز خالص ولما بذاكر جزئية بسيطة بحس بالانجاز الفظيع واني كدا خلاص عملت الي عليا وبرضو بقالي كتير عالقة في ذكريات الماضي وكل الحاجات الي شوفتها في ثانوي ومريت بيها وبرضو عندي ذكريات وحشة في الطفولة لسه بتطاردني، مخي شغال بالتفكير بالماضي والمستقبل ومش قادرة خالص اركز ع الحاضر وباقي على اختباري تلات اسابيع وفي حاجات مفتحتهاش ومش عارفة اعمل ايه.. انا ضايعة وتايهة بجد💔

Sugar_41268 🇪🇬 · Answer

اول حاجه لازم تفكري انك لو منجحتيش في الامتحان هتفقدي ثقتك في نفسك و اهلك هيزعلو! 
تاني حاجه خدي شاور و صلي و ابداي بقا فكري كويس جدا و عندي ليكي خطط حلوه للمذاكره المهم انا في اعدادي عامه ً بس صدقيني هقولك حاجات تفيدك المهم فكري كويس 
انا عارفه ان الذكريات مش بتروح بسهوله و مش هتعرفي متفكريش فيها يعني وكدا بس الحياه هتجري. وانتي لسا واقفه!

Blueberry_41057 🇪🇬 · Answer

بصي انا اكتر واحده فهماكي عشان انا زيك بظبط تعبت في ثانوي جامد و مريت بحاجات كتير و دخلت طب برضو و للاسف اول ما بتدخلي الكليه بتلاقي طاقتك خلصت و مش عارفه تقومي تاني بس لازم تبقي عارفه ان من دلوقتي دا بداية المشوار الحقيقي ابدأي بانك تسمعي المحاضرات ورا بعض بعديها امسكي الكتاب او اي داتا عندك عموما و ابدأي ذاكريها و بس و انت بتذاكريها تعمقي في المعلومة و شوفيها علي جوجل و هتنبهري بجد

Biscuit_41182 🇪🇬 · Answer

ياريت والله تديني نصايح للمذاكرة اكون متشكرة جدًا🌹 في ناس لما بشتكي لها بتقولي اني اخر وحده المفروض تشتكي واني الي مفروض ادي نصايح للأصغر مني والشيء دا خلاني ابطل اشتكي لحد من الناس الي اعرفها وكتبت في تووهيل😢💔

Blueberry_41057 🇪🇬 · Answer

عندك مثلا اناتومي حسي بالعضلات علي جسمك انت تطبقي علي نفسك بمعني اصح و مش هتنسي عندك مثلا الباثولوجي افتحي جوجل شوفي المرض شكله عامل ازاي و ترجميه بالعربي عشان تفهمي المرض اكتر و هو مش هيروح عن بالك ف الفكره انك تتعمقي

Blueberry_41057 🇪🇬 · Answer

و طبيعي ولله تبقي فاقده طاقتك جامد كدا في الاول حتي لو مجبتيش تقدير اول سنة دي مش ناهية العالم كفايه انك بتحاولي و لسا قدامك سنين كتير هتعلي فيها و هتنزلي اهم حاجه بجد متقعديش تلومي نفسك علي الدرجات وله انك كدا خذلتي اهلك و الكلام دا بالعكس خليكي فخوره بنفسك انك بتحاولي مع ان طاقتك كلها خلصت

Sugar_41268 🇪🇬 · Answer

بصي يا حببتي اول حاجه خليكي واثقه انك هتجيبي الفل ان شاء الله في كل الكويزات و الامتحانات
اول حاجه اعملي جدول نظمي المواد الي عليكي و رتبيهم من الاهم للممكن يكون مستبعد "مفيش ماده مش مهمه" 
و ابداي مثلا يوم الحد هخلص الماده الفلانيه و خصوصا احنا في بدايه الأسبوع فا جربي و حطي لكل يوم ماده معينه مع السيكشن او المحاضره هتكون من الساعه كذا لكذا فاهمه!

Biscuit_41182 🇪🇬 · Answer

شكرًا جدًا بجد ❤️❤️

بس الموضوع اتقل من كدا بكتير😢💔
مش قادرة افتح الكتاب حتى كل ما اقعد ع المكتب احس بضيقة وخوف ووجع💔

Sugar_41268 🇪🇬 · Answer

و حوار انك كبيره و المفروض تدي نصايح للاصغر منك لا لا كدب كدب صدقيني انتي برضو محتاجه نصايح

Biscuit_41182 🇪🇬 · Answer

ماشي دعواتك😢❤️

Sugar_41268 🇪🇬 · Answer

و لو انتي مسلمه و زي ما بتقولي بتحسي بخوف و وجع وكدا انا زيك بالظبط و مش بحب اقعد علي المكتب ولا اشوف كتاب بس الي بيخليني اذاكر و احيب درجات عاليه الادعيه قبل الدراسه قبل ما افتح الكتاب بدخل علي جوجل و اكتب ادعيه الدراسه و الحفظ و اقرا علي قد ما اقدر و هتلاقي الدنيا معاكي سهله و هتحبي الماده الي بتذاكريها

Avocado_37663 🇪🇬 · Answer

أنا كنت زيك بالظبط بس أبشرك إن كل دا بيعدي ،أول ما دخلت كلية الطب كنت حاسس الكلية تقيلة لدرجة أني كنت عايز أحول ،بس الكلام ده كنت حاسه عشان سنة أولي والواحد لسه مش متعود وكده  ،الكلية فترة حلوه بعيداً عن الامتحانات ،اعملي صحاب جديده ،وكمان نشاطات جديده وركزي في اللي جاي وبس سيبك من اللي فات .

Biscuit_41182 🇪🇬 · Answer

اه انا الحمدلله مسلمة❤️
شكرًا جدًا على نصايحك ربنا يجبر بخاطرك يارب🥺❤️

Biscuit_41182 🇪🇬 · Answer

انا حاسه بتأنيب ضمير اني دخلت الكلية مع اني مش حاسه بأي مشاعر نحيتها ودخلتها بس عشان مجموعي جاب وعشان ابسط اهلي والمقارنات بين عيال عماتي والكلام دا مع اني اصلًا بعشق الرياضيات وعندي ميول للهندسة وبفكر احول من الكلية مع اني عارفه اني مش قد القرار دا 😢💔