صعب اوى انك تحب حد وميبقاش موجود ف حياتك ومجبر انك ولا تكلمه ولا تعرف تشوفه ولا شغل ولا اى حاجه عارفه تشغلك هو موجود ف كل دول حتى معملش حاجه وحشه افتكرها واقول لا ده لازم يتنسي ميستهلش كان الطف حاجه حصلتلى وقتها مكنتش بحس بحاحات كتير اوى عايشه عشان اكل اشرب اشتغل انام اقوم اكرر كل ده تانى دخل حياتى بصدفة بكل خفة حسيت ان باخد نفسي ..بتنفس بجد حبيت الوقت اللى كنت بشوفه فيه ..بقيت بستناه كل يوم عشان اضحك من قلبي معاه هزارنا ورغينا ساعتين كانو بيبقو بالاسبوع كله كنت بشوفه فالشغل بيجيلى شغلي زى اى شخص له شغل اعملهوله وخلاص لحد ما حصل موقف خدت رأيه فيه بحكم انه جوه مجاله ومن هنا ابتدت كل حاجه حلوه بقى ييجي كتير بقيت استناه ييجي .. ولا انا ولا هو صغيرين سناً ومش كبار اوى 😂 انا تلاتينية هو اربعيني المهم ان من كتر ما حبيت وقتى معاه اتعلقت بيه وابتدينا نتكلم شات شويه بشويه حبيت احترامه لنفسه حبيت هدوء اسلوبه حبيت خفة دمه حبيته ف ردود افعاله وهو شايفني مديقه منه انه اتأخر عليا ومجاش اكتر من ٤ ايام ..من غير اى عتاب من غير اى كلام مني ..كان بيصلح حاجات هو مبوظهاش زى مابيقولو😂😂 حبيته ووسط كل الحلو اللى كنت حساه ده اختفى فجاه .. عرفت بعدها انه عنده ظروف وبجد مش حجج هو اصلا متكلمش معايا ف حاجه او حصل حاجه مني او منه يخليه يفكر يخلع مثلا بعدها اختلف هو وحد قريب مني اوى كان بينهم شغل حصل سوء تفاهم بينهم ومتحلش وهو اكتفى انه يبعد بكل هدوء زى ما ظهر اتكلمنا بعدها مره ومن بعدها محاولتش اتكلم تانى ولا هو حسيت بفضا رهيب بعد ما مبقاش يظهر ولا اسمع صوته ولا يبقى موجود ف حياتى اصلا عدى شهور دلوقتى سحلت نفسي ف شغل اكتر وصحابي وبعيش يومي عادى بس يوم عادى يوم بيجر يوم بيجر يوم.. عادى قلبي مفرحش ولا مره زى ماكنت بفرح مجرد ماالمحه من بعيد نفسي احس انى بتنفس تانى وحشنى اوى اوى 💔

0

3