جرح القلب

Sugar_65376 🇪🇬

منذ يومين

شعور متوتر

موضوع:

انفصلت عن حد ولسه بتحبه؟ ولا الوقت فعلاً بينسي؟

الوقت مش بينسي بس فيه شخص بيمحي اسر شخص لو صادفت شخص اسوأ من شخص مش أتصدق حد وهتعيش خايف علشان كدا القلب للمرة التانيه لازم يصدق بحرص قلبك اهم مليون مرة في زمن كله بيدور علي مصلحته فيه بجد محدش يستاهل

Avocado_64142 🇪🇬

منذ أسبوع واحد

شعور مكسور القلب

موضوع:

انفصلت عن حد ولسه بتحبه؟ ولا الوقت فعلاً بينسي؟

عبّر عن شعورك بشكل مجهول

لاول مرة اتكلم عن الموضوع دا من فترة بس للاسف دا الموضوع اللي موقفني بقاله كتير هي اللي سابتني للاسف بس الموضوع مكنش كدا لاني ولاول مره اتكسر بالشكل دا عدي عليا بنات كتيرة بس دي كانت اكتر واحده حبيتها أو ممكن تكون الوحيده اللي حبيتها الحكايه بدت لما اتعرفنا ع بعض ف نفس الشغل المهم كنت بعملها شادوينج للشغل وكدا وبعرفها ع الشغل مع الوقت مكنتش حاسس بحاجه نحيتها بس تصرفاتها معايا وكلامنا كل يوم لدرجه ان ف مره كلمتني وقعدنا ست ساعات بنتكلم كل شويه بتبين قد ايه هي معجبه ومع الوقت اعجبت بيها مش هكدب كانت حلوة و دمها خفيف يعني الفتاة اللي مناسبه ليا فكرنا مش شبه بعض بس اهو ممكن التغيير هو اللي يخلينا منملش من بعض اعترفتلها مش هكدب انا الاول لاني حسيتها مش هياخد الفيرست ستيب و بما اني حاسس نفس احساسها قولت ليه لا انا اللي اتكلم مع الوقت كانت ايامنا سوا حلوة خروجات وكلام وشات كل حاجه تقول أننا هنكمل بس لحد ما كل لما اكلمها ع حاجه إذا كان طريقه كلامها مع الولاد أو اي حاجه تقولي دي طريقتي ودي عيشتي مع انها العكس وانا محترم دا لوحدي اصلا قطعت كل علاقتي باي بنت ف حياتي عشانها مع الوقت واحنا بنتكلم كلامها عن الاكس بتاعها وخروجاتهم حتي الصور اللي ما بينهم والشات كله لسه موجود لما سالت قالتلي انت بتفتش ورايا مع اني شوفت كل دا صدفه لما كنا بنشوف حاجه ف تليفونها سوا ظهرت مره واحده عديت كل حاجه وعديت مره واثنين وتلاته معرفش ايه جرالي بس بحبها لحد ما جات قالتلي نسيب بعض طب انا غلط في ايه معاها بتقولي تستاهل حد احسن طب انا عايزك ملكيش فيه عايزك مش عارف اختفت مره واحده وبعدها كل شويه لما تحب تخرج تكلمني المشكله اني كنت المفروض اقول لا بس أخرج معاها من غير ما افكر بقت ضامنه اني مستنيها في أي وقت عارفه اني مستحيل ابص لحد غيرها ومع الوقت قولت خلاص لازم اخرج اشوف ناس اقابل بنات احلي واحسن كمقياس اللي صحابي بيقولهولي ومش يرضي اخد قرار ف علاقه تانيه دايما مبرراتي انا اسف مش حاطط الموضوع في دماغي انتي زي اختي انا والله عايز اركز ف مستقبلي بس انا بضحك ع نفسي انا مستنيها هي لحد من شهر رنت عليا سته الصبح ورديت قالت عرفت انك هترد وقعدت تتكلم ولما حست انها مش عايزاني قفلت ومبقتش تكلمني من وقتها عارف اني في منظور ناس معنديش كرامه بس بجد بحبها كل شويه اشوف صور ليها خروجات أو مثلا شلتها واشوف ناس بتتكلم معاها طب انا عملت ايه طيب ايه خلاني ابقي ف الزووون دي ليه مش عارف اطلع انا كنت واعد نفسي مكتبش حاجه ومع اني واخد جوايز من وانا صغير ف الكتابه هي الوحيده اللي خلتني اخاف الوعد دا واكتب ولاول مره اكتب لحد من قلبي ليه الشخص اللي رجعني اكتب يبقي السبب اني حتي مكسل اقول حرف أو اتكلم جربت ادخل علاقه تانيه بس تاني يوم قولتلها اني مش قادر وبجد هظلمك جربت ادخل عالم خاص بيا اروح الجيم العب اونلاين مفيش فايده دايما ف بالي ودا مش حتي واحد ع مليون من اللي عايزه هل هي مستغلاني ولا انا ظالمه وبجد مينفعش نبقي سوا مش عارف حاجه ومش عارف ارد ع حاجه

Watermelon_27203 🇪🇬

منذ شهر واحد

شعور مستنزف

كنت مرتبط ببنت وسبنا بعض ووحشاني بطريقة مش طبيعية يعلم الله اني حبتها من كل قلبي مع انها كانت شخصية ساعات كتير مكنتش بتقدر المشاعر دي او بتقلل من مجهود اللي ببذله علشانها هي شافت من شخصيتي جزء عمر ماحد من اهلي حتي شافوه جزء بيحب الشخص نفسه يمكن اكتر من نفسه جزء ممكن يعدي اي اساءة منها ويخلق اي عذر ل

Croissant_60799 🇪🇬 كنت استبن فوق ياحبيبي محدش بيموت من الحب هي محبتكش انت بس علقت نفسك واديت بدون مقابل بزياده درس ليك ربنا يهون عليك يارب ويخرج حبها وتعلقك بيها من قلبك اشتغل علي نفسك جسديا وماديا علشان تبقي قوي وعندك ال تقدمه ومتعلقش قللبك اوي بالشكل ده غير بال تستاهلك وال تلاقي منها مقابل ف المشاعر والافعال

عرض الكل 3 نصيحة

Coffee_56870 🇪🇬

منذ شهر واحد

شعور غير مكتمل

هل يمكن لهذا القلب ان يدق لغيرك هل تنظر هذه الروح لغيرك بل هل استطيع التنفس الي جوار غيرك لم لا وقد كان تنفسي بجوارك دموعا والما لكن يبدو ان الخوف سكن القلب كان اولى بملحمه الحب خاصتنا ان تنتهى نهايه تليق بي لكنها انتهت كما يليق بمثلك اتعلم كنت محقا فقط عندما قلت انى لن انسي بسهوله لكن من أخبرك

Mango_58800 🇪🇬

منذ شهر واحد

شعور محبط

محتاجه رأي حضرتك في مشكلتي ربنا يعلم اني طول عمري إنسانه مش ضعيفه ودايما سانده نفسي بنفسي ارجو قبول مشكلتي لاني حزينه جدا ومحتاجه رأي فيها انا إنسانه مجروحة جدا وحزينه اوي كميه كسر خاطر جوه قلبي وظلم لا يعلمه إلا الله ٣٦ عام من ٤ شهور فاتوا اتقدم لي شخص ٤٢ عام عن طريق ناس اصحابي زمايل اخته في ا

عبّر عن شعورك بشكل مجهول

محتاجه رأي حضرتك في مشكلتي ربنا يعلم اني طول عمري إنسانه مش ضعيفه ودايما سانده نفسي بنفسي

ارجو قبول مشكلتي لاني حزينه جدا ومحتاجه رأي فيها 
 انا إنسانه مجروحة جدا وحزينه اوي كميه كسر خاطر جوه قلبي وظلم لا يعلمه إلا الله 
٣٦ عام من ٤ شهور فاتوا اتقدم لي شخص ٤٢ عام عن طريق ناس اصحابي زمايل اخته في الشغل، وحسيت انه انسان كويس وارتاحت له رغم إني أول مره ارتاح لانسان كده 
قعد اسبوعين وبعدها طلب لقاء أخر لان كنت مش بتكلم في اللقاء الاول وبالفعل حصل وحصل قبول بناء وراحه 
وبعدها بيومين جه البيت هو ووالده واتقدموا وقالوا انه عنده الاجهزه واوضه سفره وانتريه ومحتاجين تجديد بس لأنهم عنده من سنتين وافقنا وهو قال دي ظروفي وكان زوج اختي بيحضر الاتفاقيات عشان ميبقاش بابا لوحده
وانا كنت مبسوطه بالشخص ده جدا وبعد كده اخد ردنا بالتليفون على الاتفاقيات وكان بين كل مره يجلنا يقعد حوالي اسبوع او اتنين وجه قبل شهر رمضان هو وابن خالته وتكلموا انه مش عايز يكتب قايمه ونكتب الحاجات اللي اجبها بس اتكلمت مع والدي ووافقنا  وقال انه مش هيعرف يجي في رمضان 
بابا كلمه عشان يرد عليه في موضوع القايمه بس كان بتواصل معايا وقالي انه تعبان ويكلمني كل اسبوع مره لغيت ما خلص شهر رمضان وكلم بابا يعيد عليه وبعد كده قاله انه جاي وجه لوحده وقال على المؤخر  يكتب ٢٠ الف وطلبنا منه مؤخر ١٠٠ الف بما ان مفيش قايمة لكنه رفض
وكلم والدي وانا اقنعت والدي انه يوافق لان هو حد كويس وانا مرتاحه له وبابا قاله نكتب ٥٠ الف قاله انا عايز ٢٠ الف 
فوالدي وافق 
وبعد كده قاله هكلم حضرتك وكلمه بعدها بحوالي أسبوع وكان بيتواصل معايا كل اسبوع مره وساعات ابعت له رسايل لخجلي اني اتصل بيه لان مكنش فيه ارتباط رسمي لسه وفاتحة 
مره كلمني قالي انت فين وقالي انه في نفس المكان وعايز يشوفني سلمت عليه واتكلم كلمتين ومشيت
حسيت انه كان عايز يشوفني على طبيعتي رغم اني اصلا مش بحط ماكياج
وبعد كده مره كلمني وخلال الكلام قالي على لبسي انه بنطلونات جينس بتبقى حلوة وعليها حاجات محترمه وانا لبسي كلاسيك فساتين وقالي انه كل مره يشوفني بفستان 
احترمت ده وبعدها قلت له اني نازله اشوف لبس بنطلونات وكده وكان عايز اصوره لما اشتري بس انا طبعا معملتش كده لاني بحاول اراعي ربنا في كل تصرفاتي وكنت فاكره ان دي حاجه تفرحه
واتفق مع بابا ننزل نشتري الشبكة ونزلنا ويومها كلمته سألته على والدته هنا لأنهم من محافظة تانيه وهو قاعد في نفس محافظتي عشان شغله فيها 
وقالي انها موجوده وجايه معاه وكان قبلها كلم بابا وقاله انه هيجيب شبكة ب٣٠الف وبابا كان قايل له انها هديه وهات اللي يريحك
وقاله ماشي على مبلغ الشبكة
ونزلنا وانا قعدت كتير عقبال اما اخترت عشان كان نفسي اجيب حاجه حلوة وكمان الخيارات مكنتش متاحه اوي عشان نجيب في حدود المبلغ 
مامته قالت لي انت متردده ومدلونة اختها بهزار 
وأما مشينا سلمت عليها انا واختي وزوج اختي ومشينا وهو اخد الشبكة معاه وكتب الفاتوره باسمه 
عادي مكنش فارق الماديات خالص لان هو كان فارق معايا ومتمسكه بيه جدا واتعلقت بيه خلال ال٤ شهور 
وبعدها اتواصل معايا وبتكلم في موضوع اللبس وعرفته اني بجيب من محلات راقيه وكده وبقيت ابعت له رسايل اقوله اني نازله وكده لانه كان طلب مني ده
وكلم بابا بعدها بأسبوع وحددنا يوم لقراءه الفاتحه 
كلمته بعدها بيوم قولت له مكلمتنيش تقولي نعمل ايه وايه تصورك عن اليوم ده
قالي وانت 
قولت له مش عارفه قالي انت كل حاجه مش عارفه 
وقالي على موضوع الكوشة في البيت وصينية الشبكة وقالي هيبعت لي اقتراحات 
وبعت لي وانا دخلت على صفحات تانيه وكده 
وتاني يوم نزلت اتفرج على فستان ولسه كل الفتره دي مكنتش قولت لاصحابي من ايام الكليه وهما في محافظة تانية وزمايلي في الشغل، ولما عرفوا فرحوا اوي انا اصلا مش بتكلم مع حد كتير بس لما عرفوا كلهم فرحولي وبقوا يتصلوا بيه كل شويه عشان يختاروا معايا لأنهم عارفين اني لوحدي ومامتي متوفيه واختي عندها أطفال مش هتعرف تنزل معايا
هو قالي لو عايزه تشتري الفستان انزل معاكي بس كنت هلف كتير  فحبيت الف لوحدي الأول 
وقالي ممكن تبعتي اختار معاك بس بصراحه مردتش ابعت صوري 
وكنت ناويه لما استقر اقوله ينزل معايا يشوفه أو تخليه مفاجأه
وكمان قولت له على فستان عندي من فرح اختي وكان قالي صوريه بس معرفتش اصوره لان قولت بلاش اجيب جديد احسن
رغم انه فستان غالي جدا ربنا يعلم
وكان عايزني اجيب بدله بس قولت له هقيس  اشوف الاحلى عليه وقولت له لما سأل ملقتش،بدل حلوة فبشوف فساتين 
وفي اليوم التالي نزلت اتفرج تاني على الفساتين وكنت ببعت لبعض اصحابي المقربين والشخصيه اللي جيبالي العريس يقولوا لي رأيهم 
احنا كنا قايلين هنعمل عائلي، لما قولت لاصحابي صمموا يجوا
وقولت له على اصحابي وان هما عايزين  يقنعوني اعمل في نادي وكده  قالي خلاص نوسع المكان وتجيبي كراسي وبعتلي اقتراحات
وكنت بختار مع اختي الكوشه 
وبعتله صور وبعتلي 
وسألني على اصحابي هل هرقص معاهم قولت لا طبعا هما ممكن 
وانا اصلا عمري ما كنت هعمل كده ولا هما كمان كان قصدي انهم عايزين يفرحوا يصقفوا بس جايز وصلت غلط
وعلى بالليل ومن خلال كلامي مع حد زي والدتي قالت لي بلاش موضوع الصحاب عشان ميتضايقش 
بعت له رساله بالليل قولت له ايه رأيك انا بفكر اخليهم ميجوش ويبقى عائلي احسن وبسأله البس فستان بسيط أو فستان ظاهر وعشان أهله ميتضايقوض

بعتلي بالليل قالي هملمك الصبح وبعد كه الصبح قالي انه ناسي الموبايل في البيت وهيكلمني اما يروح من الشغل
اتصل بيه لما روح وقالي هو احنا مش كنا اتفقتا ليه بتغيري الرأي انت انسانه متردده واخذ أراء كتير بيشتت وانت اعتمادية واتكاليه بصوت حاد كل ده 
وقالي انت مبترديش ليه قولت له انا بسمع انا اتخضيت من صوته واسلوبه وقولت انا مش اعتماديه انا بخلص كل حاجتي في دراستي وشغلي بنفسي وقولت له انا بس كنت بشركك معايا لما بعت الرساله
وقالي انه من فتره أن بيفكر وان احنا مفيش بنا توافق وربنا يرزقك بحد احسن مني وأهلي موافقتي الرأي وسلام وقفل 
ورنيت عليه مردتش وبعد كده كنسل 
انهرت 
وكلمت اللي كانت جيبهولي وقالت لي كان في تنازلات كتير ممكن هو فهما غلط، وكلهم وقفوا ضدي 
بس انا متمسكه ومقتنعه بيه واتعلقت بيه جدا وأول مره اتعلق بحد كده
وعلى بالليل لقيته عامل لي بلوك
وتاني بوم خليت االي جيبهولي اتصلت باخته لما لقتني منهاره 
اخته عنفتها وقالت لها دي قالت له أن معندهاش أصحاب ويطلع بها أصحاب من كل مكان وعايزين يجوا يرقصوا ولبسها احنا تقبلنا رغم انه مش اد كده بس قولنا هتبقى واحده مننا وزوج اختها بيتدخل في الاتفاقيات واخوها مجاش،يحضر ولا مره  ومش،بيشتغل 
هو اخويا في محافظتنا القديمه بعد وفاه والدتي وشغله مش ثابت وانا صارحته بده
وهي انسانه مترددة قعدت تختار الشبكه في ٤ ساعات ودول ناس مش شبهنا 
فالوسط قالت لها وافقوا على المؤخر وكده قالت لها؛ ماديات ايه، هو عند الجواز حد المفروض يتكلم في ماديات دي حياه بين اتنين 
ولا اكننا بكده كنا شارينهم
وقفلت معاها الموضوع وان اخويا الوحيد واعصابه تعبت من الموضوع وهو كان موافق على الحاجات دي عشان كان معجب بيها في الأول
انا نفسيتي تعبانه اوي ونفسي ارد على الكلام ده واوضح له انه مش كلام حقيقى والله وربنا عالم انا كنت بتعامل معاه بصفاء نيه 
وانا انسانه كويسه وبعتمد على نفسي في كل حاجه بس من فرحتي كنت بعلن اني هتخطب وكان اصحابي فرحانين عشاني وانا في الطبيعي ولا بخرج اصلا خالص وهو عارف كده وقليل لما بتكلم مع حد ماعدا اليومين اللي قولت لهم اني هتخطب 
وقالت لها اني مسلمتش على مامته يوم شراء الشبكة 
وهي كانت لابسه يومها كمامه ومكنتش شفتها غير مره واحده فمكنتش عارفها في الأول بس بوستها وحضنتها لما اشترينا الشبكة وكنت فرحانه أوي واحنا بتشتري الشبكة سألته هتجيب دبله ايه ليك وكده 
واخته قالت للوسيط انه محسش منها باهتمام ومش بتسأل عليه وهو تعبان رغم اني والله كنت ببعت له رسايل بس مكنش الموضوع رسمي فكنت براعي ربنا أني متصلش غير لما نلبس،دبل ونقرأ فاتحه ولاني انسانه خجوله بطبعي 
ودي أول تجربه ليه 
وكنت قايله له أن كان متقدم لي ناس وممكن بعد تاتي قاعده وهما بعد ما يتفقوا يقولوا نقرأ فاتحه حصل ده حوالي ٣ مرات 
طلعوا عليه اني اتخطبت ٣ مرات رغم ان ده اقسم بالله ما حصل وكان مجرد ناس متقدمالي 
وقالت لها تقوله مش بحط مبك اب ويوم ما قابلها مكنتش عامله حواجبها وهو كان مقابلني فجأة
وأنا محتاجه ابعت له أوضح له اني مش كده وان كل ده غلط والله وربنا عالم وان متهمه برأيه جدا وكنت عايزه أعمل اي حاجه تفرحه هو وأهله وكنت عايزه اشاركه معايا بس واني بأخد قراراتي لوحدي بس اليومين دول أول مره كنت اتكلم كتير مع اصحابي لاني فرحانه اوي

ودي الرساله اللي نفسي ابعتها

يمكن كان كلام كتير عايزه اقوله لما اتصلت بيك ومردتش مدتنيش فرصة حتى اقولك متزعلش انت عندي اهم والله من كل حاجه واي حاجه ممكن تتحل
وان كانت الرساله بعد ما فكرت وقولت بلاش دوشه نبقى لوحدنا احسن عشان مكنش حد عندي اهم غيرك 
ليه لما بعتلك اقولك مش عايزه اجيب صحابي عشانك لما فكرت انك ممكن تتضايق فقولت بلاش عشان تبقى مبسوط وميبقاش في دوشه عشان مكنش يهمني حد غيرك انت وطنط وعمو واختك كان نفسي تكون صاحبتي وربنا يعلم كنت بحبهم اوي عشانك
ربنا يعلم باللي جوايا ليه تفسر أن وجود مامتك كان هيضايقني رغم ان والله العظيم انا كنت بتمنى تبقى موجودة يوم الشبكة
بس نفسي اعرف ليه كل ذنبي اني كنت بتكلم معاك بشفافية وانت كل كلمه كنت بتحللها وتفسرها بسوء ظن 
ليه كل حاجه كنت اقولهالك أو تشوفها تقولها 
ليه كم التجريح وانا عمري ما قولت في حقك كلمة وحشه الف ليه وليه 
نفسي أسألهم 
كنت ممكن اي حاجه اعملها عشانك وربنا يعلم 
ليه تخلي الإنسان يحس ان احترامه وحدوده اللي عاملها عشان ربنا إنها تبقى كل ذنبه 
كان نفسي تنزل معايا تشوف الفستان بس مرضتش اضايقك غير لما استقر على ٣ وتنزل تختار معايا ومكنش ينفع ابعت صور 
حواجب ولبس وميك اب اكيد في بيتي انت تعرف انا ايه ولا لازم ازعل ربنا مني ادام الناس 
ليه لما كنت بقولك ميكب اب كنت فاكراك هتفرح اني على طبيعتي 
وبراعي ربنا
انت تعرف انا كنت يوم الخطوبه اكيد اي بنت هتتمنى تبقى أجمل واحده يوم خطوبتها دانا لفيت كل المحلات عشان الاقي فستان جميل 
ليه مقدرتش أنك أول حد في حياتي واني عندي خجل في التعامل وخصوصا ان لسه مكنش في خطوبه رسمي
حرام عليك لما كنت بتسألني على شعري والناس اللي كانت بتتقدم لي وكنت برد عليك بعفوية  
ليه مقدرتش اللي جوايا 
والخوف والقلق اللي عيشتني في طول ال٥ شهور من الانتظار والخطوات اللي بتأخدها بتردد في اوقات طويلة
لدرجه خلتني انسان خايف طول الوقت مع اني أقوى انسان ممكن تقابله ودايما سانده نفسي بنفسي حتى لما نزلت اشتري حاجات للخطوبه نزلت لوحدي لان من يوم وفاه والدتي وانا بعتمد على نفسي في شرا اي حاجه بشرك اختي بس وده طبيعي
كنت اول مره اليومين اللي اصحابي وزمايلي عرفوا فيهم يتواصلوا معايا عشان عارفين ان ماما مش موجوده فحبوا يكونوا جنبي وناس محترمة جدا ربنا يعلم هما عارفين ربنا ازاي 
وانا لما سألتني في أول قاعده 
قولي ملكيش أصحاب 
قولتلك باللفظ ليه أصحاب كتير بس قليل لما بنتقايل والقريب مني قله جدا وده حقيقي 
دانت طوال ال٥ شهور ملقتنيش خارجه يوم مع حد
واصلا مكنش حد مهم عندي وربنا يعلم غيرك والله وربي شاهد
تعرف ان اليوم ده كان يوم عيد ميلادي وكنت محرجه اقولك 
كان نسي اوي تقولي كل عام وأنت طيبة 
بس اتصدمت من كلامك
ليه تحكم عليه من مواقف تافهه كنت فيها فرحانه وتحت ضغط اسبوع وعايزه اخلص كل حاجه وأول مره اتخطب وكان نفسي ابقى جميله اليوم ده عشانك اكيد
مع ابسط موف تقولي حطاك تحت ضغط
ضغط ايه انت اللي كنت بتبعتلي صفحات كتير  كل شويه 
وانا كنت فرحانه لأننا بختار سوا 
عشان مش عايزه اعمل حاجه تعجبني وانت لا
انا مكنتش مهتمه بيك 
انا كنت بسأل عليك لما تبقى تعبان على طول الا مره اللي مكنش اعرف
كنت بتحرج اتصل لأنك مكنتش،بتكلمني من الاول غير كل اسبوع مره واحده
رغم كده كنت بقول هو جايز متدين ومستني لما نتخطب رسمي عشان يتكلم
وكنت بلتمس العذر رغم اني كان نفسي نتكلم كل يوم وكل وقت

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mushroom_58782 🇪🇬

منذ شهر واحد

شعور مكتئب

الموضوع طويل فشخ يسطي بس استحملني معلش اخوك تعبان فشخ معلش يا جماعه هطول عليكو شويه بس عايز احكيلكم علي حاجه وهمسح الابلكيشن تاني عشان مش عارف اتكلم مع حد في الموضوع ده ..... البدايه : اتعرفت علي بنت بمحض الصدفه الكامله من علي الفيسبوك ويصادف أنها قريبه مني بمسافه تقارب 10 دقائق مشي ومع الكلام ات

عبّر عن شعورك بشكل مجهول

الموضوع طويل فشخ يسطي بس استحملني معلش اخوك تعبان فشخ

معلش يا جماعه هطول عليكو شويه بس عايز احكيلكم علي حاجه وهمسح الابلكيشن تاني عشان مش عارف اتكلم مع حد في الموضوع ده .....

البدايه :
اتعرفت علي بنت بمحض الصدفه الكامله من علي الفيسبوك ويصادف أنها قريبه مني بمسافه تقارب 10 دقائق مشي ومع الكلام اتصاحبنا وحبه في حبه بقي في بينا مشاعر وطبعا بحكم أننا قريبين من بعض كنت يشوفها كتير المهم اننا عيشنا قصه جميله جدا بدون الدخول في تفاصيل بس كانت دائما بتحسسني اني مش لوحدي بالاخص اني وقتها كنت بتعافي من حادثه قعدتني في البيت 10 شهور مش بمشي علي رجلي ولا بتحرك من سريري 
عشان مطولش عليكو اكتر من كده حصل بينا مشاكل زي اي مشاكل بتحصل وكنا كل مره بنتخطاها لحد ما حصل سوء تفاهم وشافت شات بيني وبين واحده كانت صديقه قديمه ليا ورجعت تكلمني تاني فا للاسف شافت اني خونتها المهم بعدها حاولت كتير جدا وبكل الطرق ارجع ليها وفعلا رجعت لكن للاسف كانت دائما بتتكلم عن ناس معاها في الشغل بيعاملوها ازاي وقد اي شايلينها من فوق الارض شيل مع العلم اني فعلا مكنتش مقصر معاها وكنت بسعي كل الطرق لاسعادها ( استني يسطي انا مش بعيش دور الضحيه) حتي اني كان نفسي اشتري بايك عشان هي بتحبهم وكنت عايز اجبلها قطه عشان بنحبهم برضو غير لو حاجه عجبتها بسعي كل الطرق اجيبها ليها( ومكدبش عليكو هي كانت تستاهل) بس موضوع ده اثر عليا نفسيا وللاسف كلامنا وقتها بدأ يقل جدا وترد عليا بعد يوم او يومين بحجه أنها تعبانه في الشغل ومش بتمسك الفون وانا الفتره دي كنت مطرود من البيت وبيات في الشغل علي البلاط والدنيا كانت خربانه معايا وحسيت اني لازم انزل بنفسي شويه ولما انعزلت طولت شويه بعد اول شهر حسيت جدا أنها وحشتني بس كنت دائما بقول هكلمها ب انهي وش وانا يعتبر سايبها ومبررتش وخربت الدنيا وحرفيا لما حاولت ارجع اكتشفت أن فيه شخص تاني في حياتها وجاهز عني وهي مش هتسيبه عشان ملهوش ذنب ومأنكرتش أنها لسه بتحبني وقتها حسيت باليأس مع العلم قبل ما أمر بفتره الانعزال كنت جايبلها القطه ومسميها باسم الدلع بتاعها وجبت البايك وحسنت من نفسي كتير وبطلت شرب سجاير ومايه واموري اتحسنت كتير بس للاسف اكتشفت أن سعادتها مش معايا تقريبا
الفكره يشباب ويبنات اني فعلا مش قادر اكمل واتخطاها يجدع ويجدعه دنا كنت بفكر فيها كل يوم حتي وهي بعيده عني وحاليا كل شئ اعتزلته رجعتله واوسخ من الاول حتي البايك مبعملش حاجه غير اني بجري بيها علي سرعه وانا بسمع اغاني لمجرد انسي التفكير انا عارف اني مش سوي نفسيا واني سبتها بس صدقوني مش عارف اقولكم ايه بس انا فعلا بحبها وعملت كتير اوي هي بنفسها ممكن تشهد بيه علي حبي ليها ( يجدع ده انا في عز ما كنت بمشي علي عكاز  نزلت اجري في نص الليل عشان عرفت أن حصل مشكله وسابت البيت ورايحه لابوها وأبوه يسطي ابوها وامها منفصلين المهم نزلت من غير العكاز وجريت في الشارع زي المجنون لحد ما رجلي اتفتحت تاني ونزفت لحد ما وقعت علي وشي ) المهم انا مش مجنون ومش عاقل برضو انا مشيت وانا اللي بحبها وحزين فشخ عشان عارف ان ممكن يكون حد تاني دلوقتي بياخد حبها واهتمامها وانا مش بلومها بالعكس أنا كلامي ده كله بحكيلكم عشان تفهمو قد ايه الواحد وصل لمرحله كراهيه الذات والندم......
اسف لو طولت اوي بس حقيقي كنت محتاج اتكلم 
وشكرا جدا ليك أو ليكي لو قريت كل ده

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

French Fries_57634 🇪🇬

منذ شهر واحد

شعور مكسور القلب

انا من فترة ارتبطت بواحدة وقضينا مع بعض مده مش كبيرة بس كنا متافهمين وبقينا بنتفق ع حاجات كتير ف حياتنا وانا كنت رايح اخطبها وانا اعترفت ليها بحبي وهي برده بس فجأة بدون اي مقدمات هي شافت ان احنا مش شبه بعض وقالت اسباب مش مقنعة زي مثلا حته اللبس كنا اتفقنا ع طريقة لبس معينه وهي كانت موافقة ومقتنعة وق

Pistachio_56152 🇪🇬 ملكش نصيل فيها دلوقتي ولو هي نصيبك او حصل ايه هتبقي بتاعتك ... سيل كل حاجه لظروفها

عرض الكل 5 نصيحة

Cherry_55740 🇪🇬

منذ شهر واحد

شعور مكسور القلب

اعمل اي عشان انسى البنت اللي كنت بحبها .. كنا بنحب بعض لمده تلات سنين متواصله وكنت ناوي على خطوبه لما اخلص الدراسه وكلمت امي عنها وعرفتهم على بعض بس من بعد ما عرفتهم على بعض بقت بتتعمد تضايقني بقت بتتعمد تعمل الغلط اللي عارفه أنه بيضايقني اللي كلمتها قبل كدا عنه كتيير جدا وميأستش أنها تتصلح ولما بكل

Avocado_15520 🇴🇲 انا في حاجة لفتت نظري، انا عارفة انك تسيب او تبعد عن اللي بتحبه صعب اكيد بس بردو مكنش ينفع اكمل من الاول لما عرفت ان عندها سلوكيات مش حلوة، انت المفروض تصاحب او تتجوز( لان المصاحبة حرام) البنت بكل اللي فيها انت مش هتقدر تغير حد لان فعلا الانسان صعب يتغير.فكر في سلوكياتها شوية وفكر انها فعلا لو كان مش قصدها تضايقك كانت هتعتذرلك بعد خناق حتى لو مرة لكن هى ممكن قصدها تضايقك عشان بتحب حد تاني؟

عرض الكل 3 نصيحة

Chilli_55557 🇪🇬

منذ شهر واحد

شعور مستنزف

كنت بحب بنت من سنين… كانت مختلفة… مش شبه حد. كانت بتسمعني وأنا ساكت، بتضحك على تفاهتي، وبتفهمني من غير ما أشرح. وأنا؟ كنت شايفها كل الدنيا… بس اللي ماكنتش أعرفه… إن قلبي كان بالنسبالها “ترانزيت”، تحط فيه حزنها لحد ما تهدى، وبعدين تمشي. أنا كنت طوق نجاة، مش حب. عدى وقت… وقلبي غرق أكتر. كنت ببعتلها

Avocado_54972 🇪🇬 مش دي اللي تزعل عليها اكتر من ٢٤ ساعه لو هتزعل فأزعل علي نفسك ووقتك ومشاعرك اللي اهدرتهم معاها كلنا بنقابل ناس مؤذيين وبنتأثر بيهم لكن المفروض نجمع نفسنا وطاقتنا تاني علشان لما يجي اللي يستحق يلاقي حاجه نقدمهاله انزل جيم وحسن علاقاتك بربنا واصحابك وقرب من عيلتك واهلك هتلاقي مع الوقت نفسك بقيت احسن وان هي كانت مجرد اعجاب مش حب مفيش حب بيجي وبنحس بيه غير لما اللي قدامك يقدم فعلا تصرفات تخليك تحبه

عرض الكل 3 نصيحة

Banana_55502 🇪🇬

منذ شهر واحد

شعور عاطفي

فيه حاجة عايز احكيها تعباني نفسيا فيه بنت كنت اعرفها هي اصغر مني بتلت سنين كنا بنحب بعض لمدة سنتين وكنت داعم ليها ايام الثانوي لاني كنت في طب وكده ومجرد ما دخلت الكلية تغيرت عليا بعدها قالتلي مش عايزة اكمل تاني وبعدنا بقت كل فترة تبعت تتطمن وبعدين تبعد.تاني والفكرة اني مهما كنت قاسي برضو بتكون لا

Chilli_52693 🇪🇬

منذ شهرين

شعور منزعج

موضوع:

هل في يوم اتعلقت بحد؟

للاسف حبيت بنت ولما اعترفتلها قالت مش وقته الخرا في الموضوع انها كلمتني تاني واديتني الامل ان ممكن يجي وقت وتوافق وبعد كده بدات تبعد واحده واحده وبطريقه زباله الي انا مش فاهمه طب طالما هي مش مرتاحه معايا كلمتني ليه بعد ما اعترفتها ولا هو حرق عالفاضي يعني

Hazelnut_52786 🇪🇬 عزيزى : من لا تستحقك . لا تنظر لها . لا تستحق حتي ثانيه من اهتمامك او مشاعرك . ابعد عنها . حتي الألفاظ التي تخرج من لسانها صعب . حاول تاخد اللي شبهك . في كلامك . في تربيتك . واتمني لك كل التوفيق

عرض الكل 5 نصيحة

Coffee_52367 🇪🇬

منذ 3 أشهر

شعور مكسور القلب

موضوع:

هل في يوم اتعلقت بحد؟

اه حبيت عشقت أو اغرمت. 💔اغرمت بشخص 💔 مكنتش في دماغه 💔 خلاني اكسر قلوب ناس تانين يستاهلو عملت حجات متعاملتش لدرجه أن ناس حبوني بسبب طريقه حبي.. 💔 حبيت لدرجه أن لو حد شاف إلي كنت بعمله و حبي دا كانو هيقولو إني طالعه من روايا.. 💔 بس دي جزاتي في الآخر.. 💔 بقيت عندي كلاكيع بسبب حجات في الماضي و ترو

Sugar_44866 🇪🇬 انتي مزعله منفسك ليه هو اللي ميستهلش عارف انك حبيتي بصدق بس كان اختيارك غلط ولازم تختاري صح وتختبري الا قدامك الاول وغير كدا ربنا محرمش العلاقات دي من فراغ شفتي حصل فيكي ايه

عرض الكل 3 نصيحة

Coffee_29532 🇪🇬

منذ 6 أشهر

شعور مرهق

عايز احكي حاجه لأني محتاج اتكلم كنت كاتب نص قبل كده كنت بقول.. أيظل المرء مجروحًا، وأنت هنا؟ وأنت الذي يُعيد للعمر معنى، وللقلب نبضًا جديدًا؟ ألا ترى أن وجودك هو التدخل الأعظم؟ كل نهايات الألم تبدأ بك، وكل بدايات الحب تتفتح حين تبتسم. أي اتجاهٍ في هذا الطريق؟ ما دمت معي، كل الطرق تؤدي إليك، كل ج

عبّر عن شعورك بشكل مجهول

عايز احكي حاجه لأني  محتاج اتكلم كنت كاتب نص قبل كده كنت بقول..

أيظل المرء مجروحًا، وأنت هنا؟
وأنت الذي يُعيد للعمر معنى، وللقلب نبضًا جديدًا؟
ألا ترى أن وجودك هو التدخل الأعظم؟
كل نهايات الألم تبدأ بك، وكل بدايات الحب تتفتح حين تبتسم.

أي اتجاهٍ في هذا الطريق؟
ما دمت معي، كل الطرق تؤدي إليك،
كل جرح يلتئم بصوتك، وكل مسار مظلم ينير بحضورك.
معك، لا أحتاج لبدايات أخرى،
فأنت البداية، والنهاية، وكل شيءٍ بينهما.

و جيت بعد فترة كتبت دي

تَبْعُدُنَا أَيَّامٌ عَلَى ذِكْرَى أَوَّلِ حَدِيٍث بَيْنَنَا أُودُّ أَنْ أَكْتُبَ لَكِ لَعَلَّهَا تَصِلُ إلَيْكِ يَوْمًا.

أَيَظَلُّ الْمَرْءُ مَجْرُوحًَا وَأَنْتِ هُنَا؟
الْآنَ أَنْتِ لَمْ تَعُدِي هُنَا، فَمَنْ يُسَعِّفُنِي؟
أَنْتِ الَّتِي تُعِيدُ لِلْعُمْرِ مَعْنًى، وَلِلْقَلْبِ نَبْضًا جَدِيدًا.
أَشْعُرُ أَنَّنِي مُنْذُ رَحِيلِكِ، قَدْ كَبَرْتُ مِائَةَ عَامٍ، كَأَنِّي مَيِّتَهٌ بَيْنَ الْأَحْيَاءِ.

أَلَا تَرَيّ أَنَّ وُجُودَكِ هُوَ التَّدَخُلُ الْأَعْظَمُ؟
وَلِأَنَّ وُجُودَكِ هُوَ التَّدَخُلُ الْأَعْظَمُ فَغَيَابُكِ غُرْبَتِي.
كُلُّ نِهَايَاتِ الْأَلَمِ تَبْدَأُ بِكِ، وَكُلُّ بِدَايَاتِ الْحُبِّ تَتَفَتَّحُ حِينَ تَبْتَسِمِين.

الْآنَ لَا أَجِدُ سِوَى الْأَلَمِ،  وَأَيُّ حُبٍ هَذَا فِي رَحِيلِكِ فَأَنَا لَمْ أَعْرِفْ مَعْنَاهُ إِلَّا بِكِ،  كَأَنَّ إِنَاثَ الْكَوْنِ كُلَّهُ أَنْتِ.
أَيَّ اتِّجَاهٍ فِي هَذَا الطَّرِيقِ؟
مَا دُمْتِ مَعِي، كُلُّ الطُّرُقِ تُؤَدِّي إلَيْكِ.
أَنْتِ لَسْتِ هُنَا، وَلَازَالَتْ كُلُّ الطُّرُقِ تُؤَدِّي إلَيْكِ.

كُلُّ جَرْحٍ يَلْتَأِمُ بِصَوْتِكِ، وَكُلُّ مَسَارٍ مُظْلِمٍ يُنِيرُ بِحُضُورِكِ.
لَا أَجِدُ النُّورَ بِدُونِكِ، لِأَنَّكِ نُورِي، لَا أَعْرِفُ مَنْ يُشْفِي رُوحِي الْآنَ.
 مَعَكِ لَا أَحْتَاجُ إلَى بِدَايَاتٍ أُخْرَى، وَبِدُونِكِ لَا أَحْتَاجُ إلَاَكِ، لِأَنَّكِ الْبِدَايَةُ وَالنِّهَايَةُ، وَكُلُّ شَيْءٍ بَيْنَهُمَا.

حقيقي مفتقد الشخص ده رغم ان بقالنا سنه ونص بعاد و رغم استحالة الظروف انها تجمعنا تاني.. ربنا يريح قلبي و ينزع حب الشخص ده من جوايا لأن الموضوع اوقات بيبقي مُهلك بجد و هفضل كده لحد امتي!!!

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coffee_44073 🇹🇳

منذ 6 أشهر

شعور عاطفي

رأيتُكِ في حلمي ودمعي يسيلُ *** كأنّكِ جئتِ تعتذرينَ وتَقولُ أراكِ تُنادينَ، وقلبِي يئنُّ *** ولكنَّ كبريائي جدارٌ ثقيلُ قلتُ: ارحلي، والجرحُ في القلبِ باقي *** وفي عمقِ نفسي، حنينٌ ذليلُ أتوقُ لبقياكِ، ولَكِن عزائي *** بأنّي إذا سامحتُ قلبي يَميلُ فودّعتُ حُلمي، والظلامُ يحيطُني *** وأيقنتُ أنَّ ال

التجربة أفضل عبر التطبيق

حمّل تطبيق توهيل على هاتفك لتجربة أسرع