ليه بتعملو فينا كده وانا بحبك واتكسرت؟

Question

مساء الخير يجماعة أنا عايزة اسئل سؤال بس للولاد انتو لي بتعملو فينا كدة لي لمة الواحدة فينا تحب واحد فيكم من جواها لازم يكسرها هتقولولي لي بتسألي السؤال دا انا كنت بحب واحد من ونا ف اعدادي وسبنا بعض كتير اوي ونا دلوقتي ف تانية جامعة ولسة بحبه هو بعتلي امبارح لما فكيت البلوك وكلمني وقالي انو بيحبني وعايزني لسة أنا وافقت ارجعله بس بشرط اننا منتكلمش لحد مهو يخلص جيش ويجيلي اتفاجأت انهاردة انو باعتلي بيقولي أن مامته جابتله بنت من دفعتي وانو عايزها أنا قلبي واجعني اوي وحاسة اني اتكسرت من جوايا هو لي رجع يعشمني بحاجة زي كدة مدام هو عايز غيري انا تعبت من الدنيا كلها وبقيت خايفة ادخل اي علاقة اتأذي أنا والله العظيم عمري ما أذيت حد أنا فحالي علطول بس لي اتأذي كدة من حد انا بحبه أنا قولتله مش هنتكلم لحد متخطبني لاني فقت لنفسي وبقيت اصلي وبخاف من ربنا بس الي جوايا مش بأيدي يجماعة غصب عني بجد عايزاكم تنصحوني اعمل اي أنا بجد تعبت

Coffee_33188 🇪🇬 · Accepted Answer

المفروض المبدأ دا قدامك." البدايات التي لا تُرضي الله..نهايتها لن تُرضي صاحبها".. ليه بقي علشان العلاقة دي حرام مش بيجي من وراها إلا كسر النفس والقلب… عامةً انا گ شاب بقولك ان تفكير اي شاب دلوقت ف الزمن دا لما بيكلم واحدة بيكلمها ب دافع التسلية مش اكتر..ولما يجي يخطب بيدور ف دماغه ع بنت متكونش ليها علاقة قبل كدا ومش بيبص للي بيكلمها هيقول زي ما كلمتني هتكلم غيري..ف علشان كدا حافظي ع نفسك وارضي ربك

Strawberry_46607 🇪🇬 · Answer

ملحوظة يجماعة أنا نزلت بوست قبل كدة وفي ناس قالتلي اديله فرصة وارجعله ولمة عملت كدا دا الي حصلي

Chilli_43122 🇪🇬 · Answer

بصي لان دي كلها علاقات محرمه فلازم لما ربنا ينهيها تنتهي بي عظاء عشان تعرفي انو كان حرام ثانيا ما انتو برضو فيكو حاجه واحشه الواحد لما يحب الوحدة فيكو يعشقها مش يحبها بس ويرفض فكرت الحرام ويقولها انو عايزهها في الحلا توهمو الواحد انو خلاص انتي ملكو وانتو أصلا بتقولو اي حاجه مش صادقين

Orange_40977 🇪🇬 · Answer

مش هتقف علي حد عادي يعني 
وهو مش هيزعل مامته علشان يرضيكي 
اه هو غلط فعلاً ان عشمك بس تقبلي دا والله ما هتقف علي حد عيشي حياتك في غيره وأحسن 
وهو كلمك في فتره الجيش تقريباً مكلمك علشان كان 
فاض وبيتسلي  مش علشان محتاج يرجع

Strawberry_46607 🇪🇬 · Answer

مش كل البنات كدة أنا عمري ما كلمت حد غيره بس هو آذاني برغم اني كنت عايشة مرتاحة اه كنت بفكر في وكنت عايزاه معايا بس كنت عايشة حلو دلوقتي رجع خلاني ندمت اني فكيت البلوك

Strawberry_29159 🇮🇹 · Answer

اولا انتي غلطانه مينفعش كنتي تكلميه ولا تطلعيلو كل مشعرك لزم تكوني متاكده انو بيحبك ويدخل البيت من بابو احنا في زمان التسالي بس

Avocado_44206 🇪🇬 · Answer

كل علاقة بدايتها لا ترضي الله نهايتها لن ترضيك 
سواء بنت او ولد وبس