انا بقيت مقسومة نصين ... نص قصاد الناس بيضحك و بيحب الحياة .. لا بيشكي ولا بيبكي و كأنه ملك الدنيا و طال السحاب بايديه .... و النص التاني بيني و بين نفسي .. حزين و موجوع .. مبقاش عارف يعني طعم الفرح . كل احلامه اتكسرت و اتحولت لجرح مابيهداش .. وبين النصين بقيت مشتتة و ملخبطة .. التحول بينهم يكفي انه يسبب ضغط نفسي رهيب و صعب حد يتحمله .. انك تكون بتضحك و صوتك مسمع لاخر الدنيا و انت من جواك نفسك تصرخ بأعلي صوتك .. انك تكون مبسوط و من جواك الحزن بيعصر قلبك عصر .. حرفيا احساس صعب اوي انك تدوس علي نفسك عشان تظهر بعكس احساسك و مشاعرك الحقيقية .. اوقات كتير بنضطر اننا نظهر للناس عكس اللي جوانا .. غصب عننا بنظهر اللي الحياة و الواقع فرضوه علينا .. بس مااعرفش هنفضل لغاية امتي قادرين نعيش بالشخصيتين دول ..

حاول تدنى نفسك حقها من كل حاجه زى الفرح والحزن

من و انا صغيرة، صغيرة جدا قبل ما ابقى واعية حتى يعني بيبي وكدة كان عندي مشكلة اني بحط ابهامي في فمي، من وقتها وماما شافت اني مريضة حاولت معاها في كل حاجة ربطت ايدي، حطتلي شطة وغيرها من المحاولات ولكن دي حاجة لا ارادية كبرت ولغاية دلوقتي كلهم بيبصوا ليا بنظرة الشخص اللي عنده عاهة دائمة، قالوا لي اني بخلي شكلي وحش وان الناس هتكره شكلي وهيتنمروا عليها، بس مفيش حاجة اذتني وجرحتني قدهم، محدش اتمنر عليا غيرهم، حاولت كتير اتغير اكتر من 15 سنة بحاول بس الموضوع لا ارادي تماما وبالاخص ساعة ما اتوتر وكأني حاجة لا ارادية عشان اهدي نفسي، بعد الانترنت والسوشيال ميديا قررت اتقبل نفسي واحب نفسي زي ما انا وخلاص وان دي حاجة مش بارادتي اختارها (ده مش معناه اني تقبلت الموضوع بالعكس لما بوعى لنفسي بوقف نفسي) بس الموضوع بقى بيقهرني جامد من وانا صغيرة واخواتي كل ما يشوفوني كدة يضربوني ولسة لغاية دلوقتي بيحصل نفس الموضوع واختي الكبيرة كانت بتقرصني لغاية ما تسيب علامات على جسمي وماما دايما بتعاملني وحش وتقول اني مش صغيرة وبتزعل مني وتخاصمني.... حد يقولي اعمل ايه لاني فكرت اقطع كل صوابعي بس مش هقدر اعمل كدة حتى

عادي جدا في ناس كتير عندها عادات سيئة وعايشين بيها من غير مايغيروها بل بالعكس اتعودوا يعيشوا بيها خلاص واتأقلموا عليها .. المهم حبي نفسك زي ماهي ومتديش فرصه لحد يتنمر عليكي ولا يضايقك

صراع نفسي بين الذنوب والعبادات وعيشتين في جوايا

Q: مش فاهمه وبمر بصراع نفسي وجلد ذات

مش فاهمه انا بعمل اي بس حاسه بمر بصراع نفسي لما تكون مش عارف ازاي ترضي نفسك وسط مانت عايز ترضي صحابك و ترضي ضميرك جلد ذات بقا و مثاليه فالتفكير و توهان بكل خطوه باخدها تفكير كتير و كل حاجه ملغبطه

Pear_51951 🇪🇬's post

Pear_51951 🇪🇬

2 days ago

Feeling Pissed

والله ما جهر بالمعصية ولكن لعل احدكم اقرب مني الي الله وليدعولي وربما دعوة تكون سبب في نجاة انسان ، انا عندي ٢٤ سنة ، شربت مخدرات من ونا ابن ١٧ سنة ، اتولد ف قرية تلتها بيشرب بيئة خرا يعني مع اني من بيت محافظ واتربيت ع الصلاة من صغري وفي المسجد ولحد ما تميت ال١٦ سنة لحد دلوقتي انا شخصين ، واحد بيعمل ذنوب كتير لفترة معينة ، والتاني بيعمل عبادات كتير لفترة معينة داخل في صراع نفسي ما بين اصدقاء السوء اللي اثرو ع شخصيتي وما بين التربية اللي اتربيتها في البيت

You can’t see any advice on this post because the publisher chose to receive advice privately. If you’d like to share your advice, simply type it in the box below.

It’s better in the app

Download Toheal on your phone for faster experience.