جماعه انا كنت مختفيه من السوشيال زي شهر كده بعدين رجعت تاني وفتحت الاسناب وقبلت ناس جديده وكده وبقبل كله عادي ومحدش يفهم غلط ويحسب اني بقبل عشان اكلم شباب وكده هي بتبقى استريك بس واللي بيبقى عايز يتكلم وكده ببلكه المهم انا قبلت اد واحد وشوفت الاستوري بتاعته الصراحه اتشديت ليه بعدين وانا بطلع من الاستوري اتعمل رياكت بالغلط والتلفون كان علق ف مسحتها هو قالي كنتي باعته ايه ف قولتله حاجه بالغلط قالي بلاش الحوارات دي قولتله انا اعرفك عشان احور عليك وعشان ايه اصلا ؟ف قعد يتكلم بطريقه وحشه معايا وادايقت بعدين قولتله خلاص طيب وقفلت الموضوع خالص ومبعتش تاني امبارح بقى انا طول النهار بنزل حاجات من يومي مثلاً شوفت بودكاست فادني ف ببعت اللينك بتاعه استريك وابعت حته منه استريك مثلاً نزلت بصور الشوارع والقطط وكده بعمل الحاجات اللي بحبها يعني المهم لقيته باعتلي بيقولى انا حاسس اني ظلمتك قولتله ظلمتني ليه انا اصلا الموضوع كنت شيلته من دماغي عشان مفكرش فيه كتير ف هو قالي عشان اول كلام بينا اتكلمت معاكي بطريقه وحشه ف قولتله كان سوء تفاهم وحصل خير وقلي اتمنى متكونيش لسه زعلانه ف قولتله لا خلاص ف بعدين عملت رياكت وقفلت الكلام دقيقتين كده ولقيته بيقولى كنتي باعته ايه بقى ومسحتيه ف قولتله ان التلفون علق وحصل كذا كذا قالي وفيها اي يعني قولتله معرفش بقى دا اللي حصل وقالي انتي منين وكده بعدين لقيته بيقولى ان ال 👊🏻 دا اللي حطاه جنب اسمي دا اللي استفزه وخلاه يتكلم كده فاهمني وكنت منزله استريك بصورتي اخر حاجه وعمل ريبلاي دلوقتى ومش عارفه اعمل ايه متوتره🙂 جماعه بجد فيدوني اعمل ايه انا عمري ما ارتبط اصلا ولا حصل حوار كده بيني وبين ولد وهو الصراحه مش عارفه اشيله من دماغي

6

0