بقيت وحش علشان مدافعتش عن كرامتي

Question

بعد كل اللي عملته علشانها بقيت أنا وحش ، من اول يوم خطوبه وانا كنت بعمل علشانها كل حاجه من قبل ما تفكر تلمح ليها ، خروجات و هدايا وحب وخوف وكنت بديها عنيا عن طيب خاطر وباجي ع نفسي علشانها ، حتي اهلها كنت بجيب ليهم هدايا وحب و تقدير لحد ما حصل سوء تفاهم بينا من شهرين واهلها غلطوا فيا وقالولي كلام معرفتش اقبله ، رديت عليهم و اخدت معاهم رد فعل ، لقيتها مغلطاني أنا وتقولي انت ازاي ترد عليهم بالشكل دا ، بقيت وحش علشان مقبلتش اجي ع كرامتي اللي هي اغلي منها ومن اهلها كلهم ، بقيت وحش بعد خطوبه سنه ونص وكنت هحدد فرحي كمان كام شهر

Jackfruit_51332 🇺🇸 · Accepted Answer

طلاما حصل كدا يبقي هيا مش مناسبه من الاول ان اكيد بتحبها بس بردو كرامتك فوق كل شيء زي ما قولت انت مش مقصر ولا قصرت في حاجه في الاخر يغلطوك وهيا كمان تدافع عنهم ما هما اهلها ا طبيعي يعني مين هيسمع ان حد بيغلط فيه وهيسكت السكوت مش صح واكيد انت رديت ليهم بحكم الدفاع عن نفسكً كدا كدا مكنتش هتهاجمهم

Sugar_49831 🇪🇬 · Answer

انا فاهمة ان سنة ونص فترة مش قليلة وان اكيد جواك مشاعر ليها 
بس حاول تشوف من جانب تانى وهو ان ربنا لحقك ويمكن ربنا مخبيلك حد احسن 
واكيد انفصالك دلوقتي افضل من انك تطلق بعدين 
محتاج تاخد فترة نقااهه وتتخطى الفترة اللى عشتها معاها 
قبل ما تفكر ترتبط تانى 
وان شاء الله ربنا هيعوضك الاحسن ومش هيضيع صبرك ابدا بس خلى يقينك بربنا كبير
ومعاك رجب ورمضان قرب ادعى كتير ان ربنا يعوضك ويرزقك احسن منها 🤲🏻🌿

Apple_51890 🇪🇬 · Answer

كنت عايزها تقول كلمه حق ، كنت عايز تقدر اني عملت علشانها كتير ، كنت متوقع انها هتصلح من عند الطرفين مش تيجي عليا معاهم بدون اسباب ومن غير ما اجي جنبها ، أنا صنت العيش والملح واتعاملت معاهم بالأصول وكنت عارف يعني ايه تدخل بيت ناس وكنت بتقي ربنا فيها

Apple_51890 🇪🇬 · Answer

بحمد ربنا وبقول الحمد لله ع كل شئ بس اللي جوايا محدش حاسس بيه ، الذكريات و المشاعر اللي بينا دي تعباني لحد دلوقتي ، احساس ان الخطوبه بتتفركش قدام عيني واني هُنت بالشكل دا تاعبني ، صورنا و الأماكن وحاجات تانيه كتير مخلياني مش كويس ، خسرت كتير اوي ، خسرت قلبي ومشاعري و فلوسي لما قررت ان أديهم نص فلوس الخشب اللي دفعوها معايا حسب الاتفاق و اتفاجئ ان ابوها يقولي لا الفلوس دي ايام لما اشتريت زمان

Apple_51890 🇪🇬 · Answer

اتفاجئت اني مكنتش اعرف الناس دي ولا كانت تستاهل اي حاجه من اللي عملتها علشانهم ، اتصدمت من حاجات كتير حاسس انها مأثره عليا بشكل كبير مش عارف افكر صح ولا احسب خطوتي الجايه ازاي ، حاسس اني تايهه

Sugar_49831 🇪🇬 · Answer

مقدرة احساسك 
بس عشان تاخد اى خطوة لقدام لازم تنسى كل حاجه فاتت 
خد وقتك بس كل حاجه كانت بتربطك بيها لازم تنتهى سواء صور او ذكريات او هدايا وحاجات مشتركة بينكم 
صدقنى يمكن دة اختبار من ربنا وهيعوضك والله بكرمه ورحمته 
اللى بتمر بيه دلوقتى حالة خذلان مع الوقت هتتخطاها وتختفى بس اصبر وقول يارب🤌
وخليك محتفظ بحالة الرضا اللى ربنا زرعها جواك للاخر 
وصدقنى ربنا مش هينساك ابدا وهيعوضك

Sugar_49831 🇪🇬 · Answer

اهم حاجه انك متحاولش تدخل في اى علاقه لحد ما تتخطى الفترة دى والصدمة بشكل نهائى عشان متظلمهاش وتظلم نفسك 
وقرب اكتر من ربنا على قد ما تقدر عشان تحافظ على التوازن النفسى اللى انت فيه 
وربنا يكتبلك كل خير يارب ويبعتلك الزوجه الصالحة اللى تعينك وتعوضك ان شاء الله 🤲🏻🌿

Marshmallow_51321 🇪🇬 · Answer

انت ممكن تعمل حاجه حلوه تستخير ربنا وربنا هينورلك طريق وع فكره اي كان سواء التفاهم دا هيا ممكن تكون غلطتك وبتعمل كدا ومش بعيد بردو تكون غلطتك وغلطت أهله ف مش شرط تبينلك دا اصبر لعلو خير وبعدين مفيش حب أو جواز أو خطوبه بدون مشاكل ياما هيحصل مشاكل سيبك م اللي بيقولك فشكل والكلام دا بص للي الأمور بي الجانب الإيجابي وفكر واقعد مع نفسك وفتكر ليها و للي أهله حاجه حلوه واقعد وحل مشاكلك مع الاهل بردو