سنتين مش عارف أنساها بالرغم من الخيانة

Question

بقالي سنتين ومش عارف وجربت كل الطرق اللي ممكن تتعمل ومش عارف اطلعها من دماغي مع انها خانتني والمفروض ان الادوار تكون متبدلة بس انا اللي طلعت متعلق جدا بيها ومش عارف اعمل ايه تاني ووصلت لمرحلة اني شايف ان ده ابتلاء من عند ربنا وهوا ابتلاني فيها وفي اني احبها القدر ده من الحب وكمان معرفش انساها

Jackfruit_71403 🇪🇬 · Answer

ممكن سوال

Avocado_71541 🇪🇬 · Answer

اكيد

Jackfruit_71403 🇪🇬 · Answer

كان بينكما تجاوزات؟

Strawberry_71514 🇪🇬 · Answer

ممكن تبدأ تتعامل مع د.كتور نفسي لان دي تعلق مرضى والموضوع صعب جدا   حاول تجرب موضوع الدكتور النفسي ممكن يجيب معاك نتجي واسفه لو ضايقتك في كلامي

Cherry_55017 🇪🇬 · Answer

الموضوع مش مستاهل دكتور ولا حاجه كل اللي عليك انك تقرب من ربنا و تقول الحمدلله متعرفش لو كنت كملت كان ممكن تكون مش سعيد ف الاخر ربنا مش بيعمل حاجه وحشه و محدش بيموت من الفراق الحياه بتكمل و هتقابل حد احسن و يستاهل حبك ده والله

Mango_71491 🇪🇬 · Answer

هو ممكن حد يبقي ربنا ابتلاه بحب شخص

Avocado_71541 🇪🇬 · Answer

ابقي كداب لو قولت لا لكن احيانا ومش تجاوزات بالمعني الحرفي الكبير اه غلط طبعا مش هنبرر ده لكن حاجات تافهة جدا

Avocado_71541 🇪🇬 · Answer

فاهمك اكيد وطبعا مدايقتش لكن انا لما كتبت اني عملت كل حاجة فا حرفيا انا عملت كل حاجة وفعلا روحت لدكتورة نفسية بس مرتحتش للاسف كان مجرد اني بحكي بس وخلاص شكرا مفيش اي تقدم

Avocado_71541 🇪🇬 · Answer

والله انا فعلا بحاول اقرب من ربنا وانا مش هكذب انا فعلا كنت بعيد عن ربنا وبحاول اقرب تاني واحدة واحدة علي قدر استاعطي وربنا يهدينا جميعا

Avocado_71541 🇪🇬 · Answer

انا مش شيخ طبعا ومش اهل دين يعني وهفتي وكدا بس اللي انا اعرفه علي قدر معلوماتي ان ده نوع من انواع الابتلائات فعلا واحيانا الموضوع بيكون صعب اوي وان الواحد يعدي ازمة زي دي خصوصا انه احيانا ببشوف حاجات تخليه فاكر وتضايقه اكتر بحكم السنين والعشرة والغيرة اللي كانت موجودة صعب تروح فجاة

Mango_71491 🇪🇬 · Answer

لو لسه مش فحياتك حب تاني شخص كويس وتعوضك واكيد هتنسي اللي قبل كده

Strawberry_71514 🇪🇬 · Answer

ربنا معاك

Avocado_71541 🇪🇬 · Answer

والله انا فاهم كلامك اكيد ونقطة اني اعرف حد تاني دي سهلة جدا طبعا لكن موضوع اني انسي اللي قبل كدا دي بتعتمد علي الشخص اللي هيكون موجود معايا وانا يعني الحقيقة كل اللي عرفتهم فكروني اكتر فا قولت كفايا بقا كدا 😅

Jackfruit_71403 🇪🇬 · Answer

بقول يمكن بسبب كدا حصل التعلق دا🥲

Jackfruit_71403 🇪🇬 · Answer

طب لى فكروك اكتر

Avocado_71541 🇪🇬 · Answer

ممكن طبعا ويمكن اكيد كمان ده سبب كبير

Avocado_71541 🇪🇬 · Answer

عشان دايما السيرة لازم تتفتح معايا واسئلة كتير ودايما لازم الاقي حاجات كانت بتحصل زمان بتحصل دلوقتي ويمكن اكتر كمان وعلي طول كنت بسمع كلمة انت بتقارن الناس بيها ليه او بتدور علي واحدة شبهها ليه مع ان ده محصلش والله انا اصلا كنت بتعمد مفتحش سيرتها عشان محدش يفكر كدا

Jackfruit_71403 🇪🇬 · Answer

طب ولما اتعرفت على حد بعدها حصل بينكوا تجاوزات برظو؟ يعنى لو دا العامل الاساسى كنت نسيتها ولا ايه

Avocado_71541 🇪🇬 · Answer

لا طبعا اكيد محصلش لان ده مكنش السبب اني احبها طبعا ولو ده اللي كان سبب اكيد كنت حبيت غيرها بسرعة