سنة من الندم بعد فشل أول حب في حياتي

Question

بقالي اكتر من سنة مش كويس من بعد اول تجربة حب في حياتي و انا مبقتش حاسس بحاجة ولا بزعل ولا بفرح بقى في حاجة جوايا نقصاني مخلياني مش عارف انبسط بكل دقيقة بعيشها بقيت خايف من الجاي و زعلان على البنت اللي ضيعتها بسبب غبائي انا غلطت كتير بس لما اجي احلو اصلح بلاقي كله ضدي و مفيش حل عملت كل حاجة عشان ارجعها بس هي مش طيقاني لاني غلطت و روحت لواحدة تانية ساعة طيش و التانية دي طلعت انقص خلق الله فضلت ندمان بحد دلوقتي و بدفع تمن غلطتي لحد دلوقتي مش عارف اعمل اي حتى لما بقيت انجح في دراستي مش مبسوط مع اني لما كنت فاشل بردو مش مبسوط انا بس بدور على الحب الحقيقي المتبادل بس هم شايفين اني طفل و تافه مع اني شايف ان الحب ده اهم و احلى حاجة في الدنيا بس مش راضي يظبط معايا بقيت احس ان العيب فيا عشان بيظب مع ناس متستاهلش

Watermelon_38175 🇩🇪 · Accepted Answer

في حاجة اسمها، الحاجة اللي انت بتدور و تجري عليها بتجري منك هي كمان. 
الحب يا عزيزي مبيجيش بالطريقة دي، و الحب الحقيقي لما بيجي مبيمشيش بسهولة، وربنا هو اللي متحكم بالقلوب و يلقي الحب في قلوبنا يعني بلاش تدور على حاجة انت ملكش أي تدخل فيها 
يمكن ده وقت انك تركز على حياتك و مستقبلك و عقلك و يمكن ربنا اداك فرصة انك تحسن من حالك عشان المرة الجاية لما يجي الشخص الصح فطريقك تكون جاهز كل حاجة ليها وقتها

Sugar_38098 🇪🇬 · Answer

بص هو طول ما احنا بندور على الحاجه و عايزنها تجلنا عمرها ما هتجلنا و لو عملنا ايه عشان الحب الحقيقي و المناسب هيجي لوحده من غير ما ندور عليه و نبقى عايزين نحب دلوقتي هو حرفياً بيجي في الفتره اللي مش بيبقى في دماغنا الارتباط ولا الحب ولا الكلام ده

Cookies_38172 🇺🇸 · Answer

منا بدأت اركز في دراستي و كل حاجة و الحمدلله بقيت اجيب درجات مكنتش متخيل اني هجيبها بس المشكلة اني مش عارف انبسط بده او بأي انجاز بعمله حاسس اني بضغط نفسي عشان انجح وخلاص مش عارف انبسط باي حاجة

Marshmallow_37896 🇪🇬 · Answer

داين تدان مش قصدي ازعلك ولااقولك حاجه وحشه 
بس تحاول بعد كده متأذيش حد 
اظاهر ان البنت دي حبتك وانت لما سبتها وروحت لغيرها اكيد قلبها اتكسر وبقي ذنب عليك 
 
نصيحه تاني مره لماتيجي تختار خليك جد واختار صح ف الوقت الصح عشان متاذيش حد ولاتاذي نفسك 
وكل ده ف بدايه الطريق اي انسان مر بتجارب زي دي وخسر ناس حتي ساعات بنخسر نفسنا وسعادتنا وراحتنا 
وربنا عاوز يعلمك حجات تفائل بكره افضل مع الصبر والسعي

Cookies_38172 🇺🇸 · Answer

المشكلة انه مكنش قصدي ازعلها او ائذيها لكن انا خدت قرارات غبية لاني كنت متأثر باللي حواليا لكني غيرهم خالص و مش زيهم لانهم ميعرفوش ربنا