حزن عميق

Cookies_25419 🇪🇬

منذ 11 ساعة

شعور مكسور القلب

عبّر عن شعورك بشكل مجهول

هحكى هنا لان مش هعرف احكى لحد للاسف وحدش هيفهمنى انا كنت بحب شخص اوى انا عرفته من ٣ سنين بحكم مكان يعنى بس فى الاول ولا كان يفرقلى بجد شوية شوية انا بدأت اعجب احب وعمرى كانت أتخيل أن تبقا كدا احنا متكلمناش عموما بس انا محستش كدا من فراغ بجد فى أول سنة كان عادى بس بعد كدا فى الوقت اللى بيجمعنا فية المكان يعنى يبصلى بتركيز أوى حرفيا مش بيشيل عينة الا بسيط مع أن فى ناس كتير اوى معانا فوق ماتتخيلو يعنى حتى صحابى لاحظوا اصلا كذا واحدة المهم انا للاسف حبيتة اوى واكتشفت أن كان كل يوم حبى لية بيزيد اصلا من غير ماخد بالى وتعلق كمان وان ادعى أن اتجوزة واظعيلة بكل خير عموما معرفش ازاى انا عمر ماذكرت حد فى صلاتى الا امى واتنين من صحابى علشان بجد بحبهم دا لقيت نفسى بظعيلة ولسانى متيشر ويدعى يكون من نصيبى وخوف لو خطب حد تانى المهم كانت حاسة بكدا فعلا النهاردة عرفت أنه خطب وتقريبا هى البنت اللى انا كنت حاسة أكنت مصدومة لما شوفت الدبله ووقلبى وجعنى اوى وعيطت عياط انا بجد معرفش ازاى فى أسوأ حالة حرفيا ولسة لغاية دلوقتى حاولت اغير الحو اعمل اى حاجة علشان مفكرش بس فعلا فى وجع انا عمرى ماحسيت بية قبل كدا مش عارفة ازاى وصلت للمرحلة دى انا عمرى ماكلمت حد فى حياتى ولا حبيت ولا واحد قدر يدخل دماغى اصلا بجد معرفش دا اى بجد والله مش قادرة أحدد انا كنت فاكرة أن عادى هيحصل اى يعنى لو خطب بس لنا عيط بالشكل دا والوجع اللى انا حاسة بية ودماغى اللى هتفكرتك ومش عارفة اقول لحد من اللى حواليا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Pear_51536 🇪🇬

منذ يومين

شعور متوتر

حاسه ب اليتم اووي حرفياااا بعيط بقهره كل يوم تقريبا تعبت و بقعد اقول ليه بابا اتوفي طيب كنت سيبه معانا شويه احنا بنتين بس و الحوار صعب جداااا فوق ما حد يتخيل الحمد لله على كل حال بس الحوار ده مؤذي جدا و نفسيتي انا واختي وحشه اوي بسبب كده و يمكن انا اكتر تعبت من شيل المسؤوليه بدري بدعي ربنا كل يوم أ

Tofu_21517 🇪🇬

منذ 3 أيام

شعور محبط

موضوع:

تجربتك مع الوداع؟

تجربة مؤلمة جدا بصراحة، يعني تخيل بتودع شخص كان بالنسبالك كل حاجه بس أنت هونت عليه عادي و كان لازم تبعد عنه عشان متتأذاش أكتر من كده، و المؤلم أكتر إن ده كان وداع فى مخيلتك، عشان مكنش فى وداع حقيقي.

Banana_62728 🇪🇬 من ترك شيئا لله عوضه بخيرا منها ربنا بيبعدنا عن عشان يبعتنا للي احسن منهم وفي النهاية حكمه ربنا يمكن ربنا كفاك شرهم

عرض الكل 1 نصيحة

Marshmallow_28254 🇪🇬

منذ أسبوع واحد

شعور مكسور القلب

عبّر عن شعورك بشكل مجهول

بقالي كتير مجتش هنا يمكن بس اهو اديني رجعت تاني 
انهارده كان يوم عادي لحد الساعه حداشر وبعدها توالت الصدمات فكرة انك تكون شايف شخص من مجرد كام ساعه وفجأه يختفي ! يختفي من الوجود شعور بشع..
انهارده جارتنا توفت من غير إنذار من غير اي حاجه فجأه كدا عرفنا الخبر صدمه ومن بعدها توالت الذكريات وكأني كنت محتاجه الصدمه دي عشان افتكر لما كانت بتلعب معايا وانا صغيره لما كانت تطلع تقعد معانا لما ماما كانت تسبني عندها وتروح مشوار كنت عايزه الصدمه دي عشان اعرف قد اي انا بحبها رغم اني مش بتعامل معاها بس انا دلوقتي مش قادره اصدق اني مش هسمع صوتها تاني بتنادي علي ابنها اللي فوقيها بدور بدل ما ترن عليه  واني لما اطلع مش هلاقيها فاتحه باب شقتها واقولها إذيك يا طنط حاجات كتير اوي وحشتني من انهارده صدمه حتي مش مخلياني عارفه اعيط 
 اللي صعبان عليا اكتر اولادها انا نفسي مش متخيله أني أكون نايمه اصحي علي خبر ذي دا ولو ربنا يحققلي حاجه واحده بس من كل حاجه بتمناها منه يبقي أنه مايدوقنيش مراره الشعور دا ابدا الموت علينا حق لكن مرارة فراق حد حتي ولو كان بيوسيئ إليك لكن فلاول  والأخر مُر ربنا يرحمها ويغفرلها ويسامحها ويسكنها فسيح جناته ربنا يرحم موتنا وموتي المسلمين أسألكم الدعاء ليها بالرحمه واسفه لو طولت عليكم

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_40044 🇪🇬

منذ أسبوعين

شعور وحيد

عبّر عن شعورك بشكل مجهول

انا مصدومة جامد من فترة لحد الآن كنت في آخر اولى جامعة اتعرفت على بنوتة معايا المهم قعدت تمثل عليا دور الصداقة وانتي اختي وصاحبتي وكل اللي ليا المهم قالتلي في سنة تانية هنكون مع بعض اخوات وأصحاب وعمري ما هبعد عنك  لاخر العمر انتي كل حاجة ليا المهم انا انجذبت لطريقتها واعتبرتها صديقة بجد كانت كل يوم تسأل عليا  وانا أسأل عليها مكنتش مدلوقة عليها في الاول لكن لما قعدت تلفني انجذبت لها اكتر وحكيتلها حاجات عني الشخصية المهم كان عندها صديقة قبلي بتعبرها My world بالنسبة لها فلما حكت عني لصدايقتها دي صديقتها اضايقت ازاي حد يصاحبها غيرها 
وبدأت احبها حب مش طبيعي عاوزة اكلمها طول اليوم لكن هي في محافظة وانا في محافظة بقولها انتي اختي وصاحبتي وكل حاجة ليا كنت انا اللي بجري وراها  حاسة إن انا مدمنة صداقتها  واقولها انا متعلقة بيكي ليه كده يا بنتي انا بحسك اختي اللي من دمي قالتلي لو سحر متفكهوش  المهم في الوقت ده قعدت استفرغ جامد اسود المهم الدراسة بدأت فقالتلي انتي هتنزلي وتجيبي المحاضرات وتبعتهالي المهم علشان بحبها ويعتبرها اختي مش صاحبتي فكنت بوافق وببعتلها المحاضرات ففي قالتلي انا نازلة الجامعة فرحت إني هشوفها جداً اليوم اللي شوفتها فيه قعدت استفرغ جامد وبعدين استغربت اشمعنا دي اللي بستفرغ لما بشوفها هي لما شافتني بستفرغ محبتش تكلمني تاني فبعدين لما بقتش تنزل الجامعة اتصلت بيها 9 مرات وبعتلها مسدجات مردتش عليا وبعتلها عاملة اي انتي فين يا بنتي قلقانة جداً عليكي المهم لقيتها فتحت ومردتش عليا وهي اون لاين وشالت البروفايل فجأة من قدامي واخر ظهور ليها  على الواتس فبعدين انهارت جامد لقيت صاحبتها دي اللي هي صديقتها اووي جات تقولي معليش تليفونها بايظ مش بتعرف تكلمك وهي بتكدب طبعاً لاني يشوفها اون لاين فبعدين لقيت صاحبتها دي بتنزل استوري أنها متصورة معاها وتقولها الحمدلله احنا اتنين مفيش بينا تالت المشكلة أنها خاصمتني بدون سبب لما استفرغت وتجاهلتني لما بعت اطمن عليها حقيقي نفسي يتردلها وتعرف صاحبتها على حقيقتها لأنها خذلتني 
انا بعدت عنها اصلا لكن نفسي يتردلها  اصلها خذلتني,

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Avocado_59214 🇺🇸

منذ 3 أسابيع

شعور مكسور القلب

صحيح انا اتوجعت جامد من اعز صاحب ليا (my best friend) بس انا بحبو اوي والله اخر رسالة وداع بعتهالو كانت فيها كسره كبيره وكمية دعاء عليه مش طبيعيه وعشان عارف ان ردو هيفشخني اكتر عملت بلوك وانا دموعي مغرقه مخدتي ونمت وحلمت بيه صحيت عايط وقومت كملت عياط طب انا انساه ازاي دلوقتي

Coffee_58305 🇪🇬

منذ 3 أسابيع

شعور مكسور القلب

موضوع:

اتخدعت ف حد قبل كدة؟

اتخدعت في صحابي وحبايبي اللي ضحتلهم بكل شئ املكه واهمال صحه وكل حاجه عشانهم ولقيت نفسي وحدي في الاخر، محدش جنبي ولا حدي حاسس باللي جوايا كل بيركز علي الجزء اللي يخصه بس والباقي يهمله وشكرا

Banana_57039 🇪🇬 انها الحياة

عرض الكل 4 نصيحة

Coffee_56037 🇪🇬

منذ 4 أسابيع

شعور مكسور القلب

موضوع:

قادر تكمل حياتك بعد وفاة شخص قريب منك

بعد وفاة جدتي والدة امي الله يرحمها حاسس كأن حرفيا انا بشوف العالم بلون غير اللون وان الزمن قبلها غير الزمن بعدها مهما فات السنين انا مش هنا وكأن في حتة مني راحت. مكنتش بحس بكلام اي حد بيقول كدا قدامي الا لما جربت ده.

Pistachio_56152 🇪🇬 ربنا يرحمها ويصبرك بس للاسف الحياه مبتقفش حاول تستعيد نفسك

عرض الكل 3 نصيحة

Mango_53629 🇪🇬

منذ شهر واحد

شعور مكتئب

أيمكن للمرء أن يتفوّه بالوداع وقلبهُ قاصداً المكوث . . .💔 الموضوع اشبه ما يكون ب أعراض انسحاب شخص واحد بس ف حياتك قادر انه يخليك مش قادر ولا هتقدر تعيش من بعده وده حقيقي ربنا يهون علي قلوبنا ويلهمنا الصبر ... حقيقي الواحد مش عارف يتكلم ولا يقول ايه ف بقي يلزم نفسه بالصمت. . . بس الصمت الأبدي

Apple_51890 🇪🇬

منذ شهر واحد

شعور مكسور القلب

خطوبتي انتهت بعد سنه ونص ، عدي بعدها 7 شهور ومش قادر ولا عارف أنساها بفكر فيها كتير وبشوفها قدامي طول الوقت ، بفتكر الذكريات وكل حاجه عشتها معاها مش عارف اعيش قصه حب جديده ولا قادر ارجع للي فات تاني حاسس بخنقه كبيره اوي وبيجي عليا الليل شريط ذكريات يعدي عليا

Marshmallow_28254 🇪🇬 طيب ليه ماتحولش تصلح إللي حصل بينكم وتوصلوا لنقطه تتقبلوا فيها واعترفلها بحبك دا يمكن هي كمان ذيك كدا

عرض الكل 6 نصيحة

Mango_25275 🇪🇬

منذ شهرين

شعور وحيد

ماما اتوفت وانا عندى ٧سنين ولحد النهارده وصلت لعمر ٣٣ سنه ولسه حاسه ان فى حاجه كبيره نقصاني وكإنى مستنيه حضنها ورجوعها والمشاعر اللى بشوفها مع صحابى مع انى بقيت ام بس لسه بستخبى فى حضن ابنى كإن انا اللى محتجاله مبعرفش اتكلم عنها طول الفتره اللى فاتت من عمرى حاسه بفجوة فى حياتى ولكن عاوزة اقول ان ب

French Fries_52243 🇪🇬 انا اسف لكل الحاجات اللي حاسة بيها بس لحياة من بدايتها وربنا قال عنها لقد خلقنا الانسان في كبد الانسان عموما مش اشخاص بعينهم اقتنصي منها اوقات تحسي فيها بذاتك عشتن تقدري تقاومي الكبد

عرض الكل 16 نصيحة

Tofu_51771 🇪🇬

منذ شهرين

شعور مكسور القلب

ازاي اقدر اتخطى وفاة جدي و ازاي اقدر اتخطى ان اقرب صديق ليا بِعد عني و موقفش جنبي ف أكتر وقت انا محتجاه فيه مع اني عاتبته و قالي هيكلمني و اختفى بدون أسباب جوايا كلام كتير محتاجه اقولهوله و ف نفس الوقت مش قادره اكلمه

French Fries_14743 🇪🇬

منذ 3 أشهر

شعور وحيد

موضوع:

هل في يوم اتعلقت بحد؟

بخاف قبل ما اقرب من اى شخص واحبه، بعمل حساب للحظة التعلّق المرضى احساس غريب اوى ان يكون فيه حياتك حد مالى كل يومك واسبوعك وشهرك!! ده غير الذكريات اللى مستحيل تتنسى من الذاكرة يعنى اية تنام تصحى فيوم تلاقى الشخص ده مش موجود فى وقتٍ ما فحياتك… لأى سبب هل إنت متخيل حجم الألم والحزن اللى هتعيش فيه لفتر

Strawberry_49842 🇪🇬 هي دي الحياه😂💔+ الحقيقة اللي عقلنا مش عايز يقتنع بيها ان مافيش حد فاضل للأبد او عقلنا مقتنع بس القلب لأ💔

عرض الكل 6 نصيحة

Blueberry_29908 🇪🇬

منذ 4 أشهر

شعور ضائع

أول مرة سمعت الأغنية حسيت كإني بفتكر حاجة، بس مش عارفة هي إيه. كان الإحساس غريب، كأن في ذكرى في دماغي بس مش واضحة. كل ما كنت أسمعها، الشعور ده كان بيزيد، لحد ما في مرة شفت المشهد ده لأول مرة. لقيت قدامي ورقة على الأرض مكتوب عليها "2015" باللون الأحمر، وكانت متلطخة بالدم. كنت قاعدة قدامها، لابسة لبس

عبّر عن شعورك بشكل مجهول

لقيت قدامي ورقة على الأرض مكتوب عليها "2015" باللون الأحمر، وكانت متلطخة بالدم. كنت قاعدة قدامها، لابسة لبس أسود، وكف إيدي الشمال كله كان مليان دم. كنت ببُصّ لإيدي ومبحلقا فيها، مش مستوعبة ولا فاهمة اللي بيحصل، بس الإحساس بالحزن كان طاغي عليا جدًا. كأن في حد عزيز عليا راح، وأنا فقدته، بس مش قادرة أفكر مين أو إزاي.

بعدها لقيت نفسي واقفة قدام باب خشب قديم، مددت إيدي وخبطت عليه، بس لحظة ما خبطت، حسيت إن الصوت مش برا، كأن الطرق كان جوه دماغي، كأن حد خبط على جبهتي من جوه، مش على الباب. كان إحساس غريب ومربك، وكأن الواقع نفسه بيتهز حواليّا.

الباب اتفتح، وعدّيت من خلاله، ولقيت قدامي ممرين. مكنتش عارفة المفروض أروح فين، بس اخترت الناحية اليمين. فضلت أمشي لحد ما وصلت لغرفة معيشة، بس شكلها مكانش طبيعي. كل حاجة فيها كانت بألوان غريبة، كأن المكان متشوّه أو مش ثابت.

لكن اللي كان مرعب أكتر إن في كيانات سوداء واقفة هناك، بتبُصّ عليا، وبتبتسم بطريقة غريبة. ملامحهم مكانتش واضحة، كانوا مجرد أشكال سودا، بس عيونهم كانت ثابتة عليا، كأنهم مستنيني من زمان. كان في إحساس غريب جوه قلبي، كأن المكان ده مألوف بطريقة تخوف.

كل حاجة في الأوضة كانت ألوانها مش طبيعية، إلا الأباجورة السودا، كانت الحاجة الوحيدة اللي لونها ثابت وواضح. حاولت أتحرك بس حاسّة إن في حاجة مسكني، كأن المكان نفسه بيشدني، أو كأن الهوى تقيل حواليا.

فضلت واقفة لحد ما قلت بصوت عالي: "إنت ماسكني ليه؟!"، وفجأة، القيد ده اتفك. لقيت شخص طالع لي، مكانش واضح، بس كان واقف قدامي، ساكت. مكنش بيحاول يقرب مني، بس عيونه مكنتش بتتحرك عني. تجاهلته، وفضلت ماشية، بس كنت حاسة إن عيونه لسه متعلقة بيا.

في مرة تانية، لقيت نفسي واقفة فوق منحدر عشبي. كنت لابسة نفس اللبس الأسود، وكف إيدي الشمال كان متغطّي بالدم زي ما هو. نفس المشاعر، نفس الحزن، بس الفرق إني كنت بهرب.

وقفت على حافة المنحدر، وبصيت للمدينة اللي تحت، وأنا مش فاهمة حاجة، بس لقيت نفسي بقول بصوت عالي: "أنا بهرب ليه؟!"

وفجأة، سمعت صوت دخل دماغي، كان نبرة اتهامية قوية، وقال: "عشان إنتي..."، وبعدها سكت.

الصوت ده مكانش صوت حد غريب، كان كأنه جزء مني، بس في نفس الوقت، كأنه مش أنا. كان بيقول حاجة عميقة، حاجة أنا مش قادرة أفهمها بس حساها جوايا.

من بعدها، كل مرة بسمع الأغنية، المشاهد دي بترجعلي. نفس الأماكن، نفس الإحساس، كأنها مش مجرد خيال، كأنها حاجة حقيقية، بس متدفنة جوايا. بقى عندي إحساس إن حياتي الحالية ناقصة، كأنها مجرد صورة لحاجة تانية أعمق، حاجة أنا المفروض أعرفها، بس حد مخبيها عني.

وبقيت بسأل نفسي: هل دي حياتي الحقيقية؟ ولا في حياة تانية، وأنا مش فاكرة؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Olive_20286 🇪🇬

منذ 5 أشهر

شعور مرتبك

مشاعر مستنزفه مفيش حاجه تقدر توصف كم الألم اللي بعد ما حد يخذلك تشتت وومنتش عارف انت بتعمل ايه الموضوع برمته يشعرك بالاسى مش عارف انا بقول ايه والكلام ملوش علاقه ببعضه بس انا الصراحه بكتب اي حاجه علشان متضايق بس كده

التجربة أفضل عبر التطبيق

حمّل تطبيق توهيل على هاتفك لتجربة أسرع