زهق من الفراغ العاطفي وجزء مني مفقود

Question

الواحد زهق من احساس الفراغ العاطفي ده و ان دايما حاسس بإن في جزء مني مفقود و عاوز الاقيه بس كل ما حد يدخل حياتي دايما بيكون في الاول هو الشخص المناسب لكن في الاخر بنبعد مبيكونش هو الشخص اللي فكرته مناسب الواحد زهق كده كده معادتش فارقه مين يفضل و مين يمشي بس احساس انك تكون عايز تملا فراغ حد سابه جواك دي حاجه مش حلوة بصراحه و احساسها متعب و مرهق جدا لكن اهه هي دي الحياة

Almond_63696 🇪🇬 · Answer

زود واحده بتقول نفس كلامك بالظبط ✊🏼•••••

French Fries_65480 🇪🇬 · Answer

معلش عشان قرأت نفس الكلام مرتين نأسفلك عن الازعاج

Almond_63696 🇪🇬 · Answer

اخدت وقت لغاية مفهمت انت بتقول ايه 
(مبفهمش الردود الكريتڤ او اللي فيها فكره) 
(انا غبيه)

Potato_64725 🇪🇬 · Answer

كلنا عاوزين حد للاسف يكون في الفراغ دا

Marshmallow_65940 🇪🇬 · Answer

جرب جوازة الصالونات لو منفعتش جرب غيرها لحد متلاقي الشخص المناسب ودور علي فراغك العاطفي ومتيأسش ياصحبي ...

Marshmallow_65940 🇪🇬 · Answer

خش دغري مبقاش فيه حب ولاف لافة دلوقتي كله بقاا مصالح واستغلال وفشخرة ع الفاضي ...

Chocolate_65953 🇪🇬 · Answer

نفس كلامك ده ينطبق على العبد لله

Ice Cream_63106 🇪🇬 · Answer

فراغ ايه يا جماعه
الفراغ ده احنا اللي خلقناه ببعدنا عن ربنا
انا مقدره الواحد محتاج شخص يكون جمبه والانسان عامة مش بيحب الوحده
لكن ميكونش ده سبب عقدتنا في الحياه
دوري بنفسك عن حاجات تسعدك و قربي لربنا وبري اهلك
انتي كده مش هتحتاجي حاجة من الدنيا خلاص

Chocolate_65745 🇪🇬 · Answer

والله عندك حق انا كمان كده مش لقيه شخص يملي فراغي ويملي قلبي رغم وبدور علي ده بس مش عارفه القيه فا مش لوحدك بجد أو ممكن يكون مافيش حد يقدر علي المسؤوليه دي

French Fries_65480 🇪🇬 · Answer

مقصدتش التقليل من شأنك بصراحه كنت مخنوق وقتها و رديت بطريقة مش كويسة انا حقيقي متأسف على اللي قولته

French Fries_65480 🇪🇬 · Answer

دلوقتي حضرتك انا الى حد ما علاقتي بربنا كويسه و ان كان في بعض السقطات اللي بنحاول نتعافى منها كل اللي اقصده ان بجد الواحد زهق و بقى نفسه في حد يشاركه حياته عشان بجد الايام بقت بتمشي بالعافيه