علاقات فاشلة

Cherry_27435 🇪🇬

منذ 3 أسابيع

شعور ضائع

انا انسانة بلا مشاعر لان عدى عليا علاقتين افشل من بعض اول واحدة كان اول شخص اكلمو في حياتي و يبقى في بينا كلام فيه مشاعر استغل مشاعري و لما زهق قالي اصلي فقدت الشغف بس لازم نفضل صحاب و لاني مش فاهمة الدنيا وقتها قولت مفيش مشكله هيحبني مع الوقت و محبنيش فى الاخر و كل اللي خدتو من العلاقة دي انو فضل

Apple_77849 🇪🇬 دا بسبب انك كملتي في علاقة لا تصح انك تكملي فيها مع اشخاص ليسو بناضجين لا تقنعي نفسك باللي وصلتي فيه فوقي وربنا هيبعتلك العوض الأفضل اللي لسه هيجلك نصيبك اللي يخرجك وينسييكي وينعش قلبك من تاني ربنا يسعدك❤️

عرض الكل 9 نصيحة

Apple_72958 🇪🇬

منذ شهرين

شعور محبط

بقا عندي ٣١ ولسه مش خطبت حتي قريت فاتحه مره وطلعت بتحب واحد تاني وسبتني فجاه واتخطبت بعدها بشهرين ويمكن اقل وخطبت واحده طلعت شمال وبعته صور نودز لواحد وصور قذره وكلام قذر وكنت لسه خطبها مش كملنه ١٠ ايام بس شوفت كل ده بعيني بعد ما خطبتها حسيت اني كبرت ومحتاج للجواز جداا سن الشباب بيطير

Blueberry_46540 🇪🇬 هذا نصيب اصبر ربنا يعوضك بالاحسن

عرض الكل 6 نصيحة

Apple_75318 🇪🇬

منذ شهرين

شعور مرهق

هو لية الحب بيبقي من طرف واحد بس يعني أنا كنت بحب وحدة حب عمياني وعمري ماشوفت منها أي اهتمام وهيا معرفاني أنها بتحبني و مكملناش وعرفت وحدة تانية ونفس الكلام بس التانية كانت بصه لجيبي قبل عيني .... بجد نفسي اتحب زي ما بحب الحب جميل والله بس للي يستهلو

Potato_74757 🇪🇬 هتلاقي حد زيك بس ركز علي شغلك و نفسك بس و هتقابلها

عرض الكل 3 نصيحة

Apple_73577 🇪🇬

منذ شهرين

شعور محبط

انا هتجنن حرفيا هتجنن والله ما بقتش عارف انا بعمل ف نفسي ليه كدا حاسس إني بقيت حابب الحزن ومش عايز اطلع منه كاني مرتاح فيه شهرين عدوا وما اتحسنتش شهرين عدوا وانا لسه مضيع وقتي ولسه بتكلم ف الموضوع ولسه بفكر فيه انا غلطان فيه غلطان اني اديت الامان لواحده وانا عارف انها مش كويسه غلطان اني اول مرة حبي

Cherry_75229 🇪🇬

منذ شهرين

شعور محبط

ازيكم يا جماعه انا مشكلتي اني معنديش صحاب خالص ولا اي حد معنديش حد احكيلو لما اكون زهقان او مضايق و اهلي كمان علطول ضعطين عليا لغايه ما خلوني بكره نفسي اوي بجد و انا معنديش حد يهون عليا ولا يخفف عليا انا كل الناس بتهرب مني منغير سبب انا مش ملاك انا اه بغلط و عندي حاجات وحشه كتير زي اي حد عادي بس انا

Cherry_74710 🇪🇬

منذ شهرين

شعور Bad 😞

ازاي بتتخطوا حد خذلكم وكسكركوا بعد ماحبتوه ووعد انه مش هيسيبك مهما حصلانا كنت بحبه اوي وسلمتله نفسي ضعفت حسيت اني كنت محتجاه واني اخيرا لاقيت حد فاهمني وعايزني مكنتش عايزا حاجة منه غير اني اكون معاه بس لكن هو اختار انه يسبني انا قلبي واجعني اوي

Blueberry_67063 🇪🇬

منذ شهرين

شعور متعب

انا حسه فيوزات مخي ضربت زمان كنت متقطعه عن الاختلاط خالص وحبيت واحد سنتين من غير ميعرف واكتشفت انو خطب ومن سعتها بقيت اتكلم مع ناس كتير اوي وكنت بحب بزنب فا ببعد بسرعه دوقت بقيت كل ومن سعتها وعلي ده الحال كل شويه اتكلم مع ناس كتير واقفل لدرجه اني حسيت طقتي نفزت حسه اني مش طايق حد وفي نفس الوقت حصل

Mushroom_74773 🇪🇬

منذ شهرين

شعور مرهق

Strawberry_74772 🇪🇬 غلطانه قدمتي في راجل متساق انا شوفت قصتك بتكرر بظروف بنت اصغر و كان الرجولة ما عادت موجودة ولا لإحساس 15 الف و ما حس و ما قدر حبك يولع ام الحب قدام التفاهم و المادة ما كل راجل اتقدم له بيطلع وفي انتي استعوضي ربنا و هيجيلك الي هيعوضك عن كل دا لان غالبا ربنا اختبر معدنك و انتي غالبا حد اصيل ما مهتم تردي عليا انا ما عايز اكلمك بس اعرفي انك حد قلبه نضيف بجد و انا عيل أصغر اه بس تجربتك دي شفتها كتير

عرض الكل 4 نصيحة

عبّر عن شعورك بشكل مجهول

انا حبيت واحد حب عميق جدا كنت فترة سيئة في حياتي وكنت محتاجة حد اتسند عليه كنت خايفة من الزواج عشان كل العلاقات الفاشلة اللي شوفتها حواليا حتى ابويا وامي مش استثناء وهو دخل طمني وحسسنني انه الدنيا بخير دكتور بيطري وبيدرس الماني عشان يسافر ويحسن حياته حسيت انه احنا شبه بعض اقنعني انه لازم نتجوز ونخلف وانه هيعوضني عن كل حاجة وانه استحالة هيسمح لحد ياخدني منه طلب مني نتجوز في الشقة الإيجار اللي انا قاعدة فيها مع والدتي بس انا كنت حابة اطلع من المكان دا فماوافقتش لكن بعد فترة اتكلمنا تاني وقولتله ماشي بس اهلك هيوافقوا يدولك ١٥٠ الف نجدد حاجات في الشقة ومهر وشبكة ونصرف لحد ما تخلص الكورس ونسافر قالي اه هقنعهم شوفي انتي اهلك هيوافقوا ولا لا كلمت ماما واختي ووافقوا على مضض بس من ناحيته بقى اهله ما وافقوش فبدأ أهلى يقولولي يعني اتنازلتي عن حاجات كثير وكمان اهله اللي مش عاجبهوم وهو مش بيشتغل ليه ويصرف هو وخناقات كثير في الوقت دا كان بدا يكون بينا مشاكل لانه كل شوية يبعتلي شات ما بينه وبين واحدة كان يعرفها بتكلمه ويقولي أصلها بعتت كثير وفي الاخر كل واحدة تكتبله هو انا لازم اتذللك عشان توافق تكلمني فقال تصعب عليه فيرد عشان بيتحرج ونتخانق واقوله بطل ترد عليهم انت مش حابب انه يكون في حياتي رجالة وبتغير انا كمان كدا ونتفق ويرجع تاني ونتخانق واعدي حتى اتعرف على واحدة من جروب الكورس واتعلقت بيه لدرجة انها حكيته انه واحد بيهددها بصور مركبهالها وبرده اتخانقنا انه ليه وصلتها انها تحكيلك حاجة زي كدا بالإضافة انه عدى عيد ميلادي وماجاليش ولا جاب هدية ولا تورتة ولا حتى شوفته عشان مش قادر ينزل او مش معاه فلوس وكل ما ااقوله عايزة اشوفك يقولي ربنا يسهل اصل مش معايا فلوس طلب مني ١٥٠٠٠ عشان بقى عليه ديون وأهله بيعايروه وانا عشان مش عايزة عينه تتكسر قدام حد سحبت المبلغ كاش من كارت المشتريات بتاعي واديتهومله نزل طبعا عليا فوايد كثير لدرجة انه بقى عليا ٢٣٠٠٠ مش عارفة اسدهم بحاول اجي على نفسي في الأكل والشرب واللبس والاحتياجات عشان اسدد في الاخر اضطريت اكسر شهادة عشان اسدد والا كنت هتداين بأكثر من كدا لما سددهوملي مادريتش ااقوله انهم زادوا اخدتهم زي ما هما كنت بحاول ازقه انه يشتغل هو مش مبسوط في البيت مع اهله ومش معاه فلوس فالشغل الحاجة الوحيدة اللي هتنقذه ولما في الاخر جاتله فرصة في مزرعة دواجن رفضها فأنا غضبت وقولتله يعني يوم ما تجيلك فرصة تنقذك وتقدر تيجي تتقدملي تضيعها وبعدت لقيت نفسي مش قادرة عايزة اعرف هو عمل كدا ليه رجعت كلمته وسألته قالي دي بيديرها جيش واخاف ما يرضوش يمشوني ومش هتكتب عقد فحقوقي هتضيع المهم رجعنا تاني نتكلم شوية وجاتله وظيفة تانية برده ما راحش المرة دي عشان كان تعبان ومطبق وعايز ينام وانه عمره ما اشتغل سلامة وصحة مهنية المهم انه اتخانقنا تاني وبرده بعدها باسبوعين ثلاثة ما قدرتش على نفسي ورجعت كلمته لقيته متغير في تعامله سألت قال الديون والحوجة بتخلي الراجل ينطفى انا كنت قولتله انه والدتي باعت أرض ونصيبي منها ٤٠٠ الف بس هتعملهم شهادة هبة في البنك المهم انه طلبهم مني عشان عايز يهاجر كندا قولتله هما مش معايا وهي هتعملهم هبة حتى مش هتدهوملي وبقيت من جوايا يعني المبلغ الكبير الوحيد اللي هيبقى موجود في حياتي هتاخده انا ماحدش بيصرف عليا فهصرف منين لو الأسعار زادت ومعاملته بقيت وحشة لا بيسأل عليا لو رحت لدكتور مابقاش يقولي اي كلمه حلوة عايزة اشوف بيرفض او يسوف وفي الاخر قالي انا ما بقيتش قادر انتي بتضغطيني وكذا مرة كنت ببقى عايز امشي وانتي بتتمسكي بيا وانتي مش فاهمة اي حاجة انا ماعنديش مستقبل فسيبنا بعض شهرين ونصف بعاني كل يوم بعيط ومش قادرة انسى اي حاجة المهم اني داخلة على عملية فتح بطن عشان اشيل ورمين لفيين في الرحم وفكيت شهادة ب ٥٠ الف عشان العملية ومصاريف الدكتور والأدوية رجع يكلمني عشان عايزة مساعدة ماقدرتش أرفض قالي انه كل الناس باعوه وانه مالقاش غيري اللي عارف انه عمرى ما هرفض ااقف جمبه لو بأيدي كان طالب ١٠٠ الف بس انا مش باقي معايا بعد مصاريف الدكاترة غير ٤٠ الف فقولتله هبعتهوملك وقال هيردهم شهر ٢ فيه وظيفة شكلها هتظبط وهيحوش ويرجعهوملي قالي انه مش بيحاول يرجع حاجة قديمة بس في نفس الوقت فضل كل يوم يكلمني ويسترجع مواقف حصلت بينا ويقولي فاكرة لما حصل كذا المهم انه من يومين قالي انا فيه حاجة كاتمة على صدرى وبعد ما وافقتي تساعديني ولقيت منك طيبة ما شوفتهاش من ااقرب الناس ليا مش قادر اخبي عليكي طلع الاستاذ كان قاعد في يوم متضايق فقال لنفسه انا يمكن ما فلحتش عشان مفيش مسئولية في حياتي فقرر يدخل جروب زواج وطلب من الادمن تنزله بوست وكذب فيه وقال انه بيشتغل المهم انه الست جابتله عروسة وكلم مامتها وبعدين كلم باباها وراح قرأ فاتحة وكلم والدته تديله فلوس عشان الشبكة بس مارضيتش وبيقولي انا مش مبسوط كلم البنت نفسها على الماسنجر وعمل اكونت فيك عشان يختبرها وبيقولي البنت مش عاجباني وانا مش مبسوط وحاسس اني بخدعهم انا اتعصبت وزعقت وعيطت واتخانقت وفي الاخر بيقولي خلاص هكلمهم اقفل الموضوع انا بحبك انتي تاني يوم قالي انا بعتت لباباها انه انا اسف ومش هينفع اكمل وبعت لماما تها والبنت نفسها وهي عمليتله بلوك والنهارده ماماتها كلمته هزقته انك بتلعب ببنات الناس وكلام كثير وبرده راجع يقولي انا بحبك انتي وانا في الموضوع دا ما كنتش مبسوط بس انا دخلت فيه عشان احرجت انا بعد ما طلبت من الادمن تنزلي منشور قولتلها تمسحه بس هي احرجتني والست احرجتني فا اضطريت اكلم باباها ودلوقتي خايف من خالها لأحسن يعمله حاجة كل ما افتكر كم الهدايا اللي جيبتهاله ولامه واخته كل ما افتكر اني كنت هتنازل عن المهر وأننا اتفقنا انه بعد ما يديني المهر والشبكة هياخدهم ونصرف منهم لحد ما يسافر كل ما افتكر اني وافقت اتجوز في شقة ابويا الإيجار وانه كان مجرد هيدفع ١٢٠ جنيه كل شهر كل ما افتكر اني قعدت طول الشهرين ونصف اللي احنا بعاد فيهم اعيط واتمنى انه يرجع ومابقبلش صداقات من اي رجل اخر او ارد على اي حد عشان صايناه وهو رايح يقرأ فاتحة كل ما بتقهر غلطتي اني بجد يسرتها على حد بزيادة كان مفروض تبقى حاجة كويسة في الزمن دا بس شكل الصفات الكويسة اللي بتبقى في حد بتبقى سيئة في الزمن دا 
انا بقيت محبطة وتعيسة اكثر ماكنت ومش عارفة اطلع من كل دا ازاى

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Chocolate_74019 🇪🇬

منذ شهرين

شعور مكسور القلب

انا مش عارفه ابدا منين او ازاى بس هو اول سنه تتغير في حياتي للاسوء لما كان عندى 8 سنين امى كانت تضربني بالكفوف وفى بطني وساعات تسحب شعرى وما كان حد يدافعو عني حتى اخويا كانيقف يضحك عليا وانا بنضرب وبدا العزاب الاكبر لما اخويا الكبير اتحرش بيا كان بيستغل اهلى لما يطلعو وكان بيتحرش بيا وانا كنت عارفه

عبّر عن شعورك بشكل مجهول

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coffee_54538 🇪🇬

منذ شهرين

شعور عاطفي

عبّر عن شعورك بشكل مجهول

مساء الخير 
فالاول بس حابب اوضح الشريط من اوله بختصار : 
كان ليا ٣ علاقات فالاول 
اول واحده استمرت ٧ سنين و فجأه و بدون مقدمات عرفت ان البنت اتجوزت 
تاني علاقه مطولتش بس البنت سابتني 
( بعدها حسيت انه خلاص مش هعرف احب تاني ) 
ف خدت الخطوه و رحت اتقدمت لبنت صالونات و اتخطبنا بس للاسف بعد الخطوبه بيوم البنت كلمتني و قالتلي تعالى خد حاجتك مفيش نصيب بينا و لما رحت اخد حاجتي كنت رايح بنية اشوف ايه المشكله و احاول اوصل لحد بس اتفاجت ان الباب مقفول بنسبالهم تماما و اهلها رافضين ان العلاقه دي تكمل … 
مرت سنتين كامله و انا مش عايز ادخل اي علاقه لحد ما قابلت بنت اسمها يارا كنت اعرفها عن طريق الشغل و بقينا صحاب جدا و فالوقت ده هي كانت بتحاول تنسى شخص كان في حياتها و انا فضلت واقف ف ظهرها و بساعدها تتخلص من الم العلاقه دي ،، 
اتطورت العلاقه بينا لحد ما هي قالتلي انها فعلا مبقتش تفكر فالعلاقه القديمه دي و ابنتدينا نقرب لبعض جدا لحد ما اعترفنا لبعض اننا بنحب بعض و فضلنا فتره مع بعض و انا قولتلها عن كل الي حصل قبلها و عرفتها اني خايف اتعلق بحد و يمشي تاني و اني هدي لنفسي اخر فرصه اني ادخل ف علاقه ف ياريت متخذلنيش و طبعا وعدتني ان ده مستحيل يحصل مهما حصل  
 لحد ما جت فجأه و قالتلي انها مش حابه تكمل فالعلاقه دي و بعدها انا تعبببت جداا و قررت ادخل مصحه نفسيه اتعالج و مده العلاج بتكون ٦ شهور .. 
عدى اول شهر و جت ماما تزورني و قالتلي انه يارا بتسأل عليا ف خليتها تكلمهالي و لما كلمتها قالتلي اني وحشتها جدا و تلقائيا لقيت نفسي بقولها ان هي وحشتني اكتر و اني مستني بس اقف على رجلي و هخرج اتقدم لها و اخطبها و طبعا خلال فتره العلاج ممنوع يكون معايا موبيل غير بعد الشهر الرابع ف كنت بستنى كل زياره كن امي عشان اتصل عليها و اكلمها لحد ما جيه يوم عيد الحب كلمت امي و قولتها هاتي لـ يارا هديه قالتلي تمام 
بعدها امي جالتي ورتني المسدج بعد ما هي كانت جابت الهديه و بتقولها انا عايز اقابلك عشان اديكي الهديه الي" انا" جبتهالها ردت عليها قالت لها 
يا طنط انا في حد هيتقدملي و مش هعرف اخد هديه منه و اصلا هو كل حاجه بينا كانت اتنتهت من قبل ما يدخل المستشفى 
و بعدها بفتره قليله انا اخدت موبيلي و بدات انزل ستوري ف لقتها بتكلمني و بتقولي هو انت خرجت ؟ ف قولتلها انه مظنش انه يفرقلك و كدا و عامةً احنا اخوات لما تحتاجيني ف اي وقت انا موجود لحد ما خرجت و قالتلي انها حابه تقابلني و اتقابلنا و قالتلي انه مفيش حد في حياتها و لا حاجه و ان هي مش عارفه ليه قالت كدا ،، و انا اصلا كنت متاكد انه مفيش حد في حياتها و فالوقت ده رجعنا لبعض تاني و اتقابلنا بعدها حوالي ٧ مرات بكل حب و ود و المفروض انه هتقدملها الايام الجايه بس فجاه قالتلي انه مش هنيفع تكمل معايا و حاولت افهم منها ليه طب ايه الي حصل معرفتش اوصل لأي حاجه و اتفقنا نفضل صحاب و ده الي حصل بس بعدها بأقل من اسبوع هي عملتلي بلوك في كل حته حتى على الاتصال و عدى شهرين و انا محاولتش اكلمها تاني 
بس امبارح حنيت لها اووووي و اتصلت عليها من رقم مش متسجل عندها و ردت عليا 
فضلت اسالها ليه عملتي بلوك مش اتفقنا نبقى صحاب ؟ قالتلي مش هينفع و الله !! 
طب فكي البلوك خلينا نتكلم ، لا و الله مش هينفع 
طب انتي ليه عملتي كل ده الموضوع كان خلصان من بدري ليه رجعتيلي مره و اتنين و تلاته !! 
قالتلي رد قاسي جدددا : 
قالت عشان انت مش شبهي 
و ياريت متكلمنيش تاني او تحاول توصلي 
و حتى صحوبيتنا انا مش عايزاها !!

انا بكتب كل الكلام ده لاي تعبان جدددا و مش طالب حاجه و لا عارف افكر اصلا عايز بس اشوف رأيي الناس ايه ؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Banana_73298 🇪🇬

منذ شهرين

شعور محبط

انا تعبان مخنوق من محاولات حاولت كتير معاها سابت البيت وقالت كلام كثير يوجع انا غلطان في الاول وعارف ان غلطان فاعتذرت بس هي للاسف كانت ساكته ما كانتش بتقول على الوجع الحقيقي مش شايفه كل اللي انا بعمله معاها انه حاجه مهمه شايفه اي حد ممكن يعمل كده مش مقدره حبي ليها شايف ان انا اتغبيت عليها ومش شايفه

Jackfruit_62917 🇪🇬

منذ شهرين

شعور غير مكتمل

موضوع:

إيه أكتر حاجة مفتقدها في حياتك ؟؟

حبيبتي القديمه اللي سبتها علشان شكلها ووزنها مكنش حلو نهائي ومكنتش عاوزه تتغير خالص ولا تخس ولا اي حاجه كانت فوق ال ١٠٠ بس كانت مريحاني اووووي وبعد م سبتها حرفيا زعلت اوي حتى البنات اللي عرفتهم بعدها مكنوش زيها ابدا للاسف الوجع ده بيقتلني من جوا بالبطئ 🥹🥹🥹🥹🥹

Nutella_52552 🇪🇬

منذ شهرين

شعور مرتبك

أنا عايزة اقول كلام كتير اوي بس مش عارفه اقول اي... أنا بكره الرجالة أنا عايشة في بيت في حوالي 10 رجالة كل يوم في وش بعض دول العشرة الوحيدين اللي بحبهم اكتر من كده لا بكره اي راجل دخل حياتي وكدب بكره اي راجل دخل حياتي وقل بحبك ومكنش بيحب فعلا بكره اي راجل حبني ومعرفتش احبو فبقي بيقول اني مش كويسة وا

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Sugar_21815 🇪🇬

ليه الدنيا مش سهله وكلنا أحلي بشعرنا وبلبسنا؟

جماعه احنا ليه مش عادي ننزل بشعرنا و نلبس ضيق و قصير و فساتين مفتوحه و نفرد شعرنا ليه مكانتش الشهوه اللي عند الرجاله قليله عشان نقدر نعمل كدا ليه مكانتش الدنيا مفتوحه و نعجب و نحب و نكلم و نعيش قصص حب جميله و نعمل علاقات ليه الدنيا مش سهله دي حاجه انا كنت بتمناها لكن للاسف الناس اللي احنا عايشين معاهم هيعتبرونا سلعه و اداه تسليه و ترفيه و الدين محافظ علينا من كل ده بس ليه احنا كلنا احلي بشعرنا و بلبسنا ليه مينفعش ابقي معجبه بواحد نحب بعض بكل حريه حاسه اني مكتئبه ...عرض المزيد

3 الدعم

29 نصيحة

Tofu_77801 🇪🇬

مش مبسوطة مع جوزى.. هل الطلاق هو الحل؟

انا جوزى حد كويس هو بيقدرنى وبيحترمنى وانا كذالك .. احنا بقالنا اربع سنين متجوزين وفى عشرة كبيرة ما بينا ونوعا ما الدنيا بينا متستقرة ولكن المشكلة انى مش مبسوطة معاه .. ومش بحس ان فيه مشاعر ما بينا يعنى احنا بنعامل بعض كويس وخلاص.. وحياتنا روتينية قاتلة .. ومفيش اى تجديد فيها ..حاولت كتير الاقى حل .. واتكلمت معاه ولكن كل مرة بنرجع لصفر وحاسة انى مش لاقية نفسى معاه وانه غير شخصيتى للطريقة اللى تناسب حياتة ولكن دة مع الوقت بدا يتعبنى ..هل ممكن يكون الحل فى الطلاق؟ ...عرض المزيد

1 الدعم

22 نصيحة

Mushroom_83350 🇪🇬

إزاي نعيش في عالم مقزز كده؟!

كدة هنضيع يعنى الآب ده مفيش حد حقيقى اصلا كله كلام خارج و اباحى ديه عقلية الشباب ولا ايه!!! انا عمرى شفت كدة والله مقولتش بدور على دكتور نفسانى ولا شيخ أو شيخة بس المستوى هنا بشع و مفيش حوار محترم متحضر حصل بينى و بين حد حتى البنات صدموني كل تفكيرهم كدة طيب الناس الى زيى يقفلوا على نفسهم طول العمر مفيش اونلاين بسبب ناس تفكيرها كدة!! مفيش حوار و يبقى ليا دعوة بحد عالم مقزز و بشع لأبعد حد إزاى الى بيتكلموا دول هيبقوا أب أو أم أو يبقوا فى مجال عمل يعنى إزاى دول يبقوا وسط مجتمع و أطفال و صحاب و عيلة إزاى ...عرض المزيد

6 الدعم

21 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع