مرحبا هلأ انا محملة التطبيق جديد وما بعرف بالزبط ازا حقدر الاقي حد يساعدني هنا. لكن مش مشكلة ازا ما في حد قدر يساعد لاني عارفة انكم زيي وصدقوني حاولت ادور على طبيب نفسي لكن للاسف مفيش دكاترة هنا. هلأ انا بصراحة ما عمري طلبت مساعدة من حدا وما عمري فرجيت لحد اني ممكن اكون ضعيفة لأني دايما الشخصية القوية اللي الكل بعتمد عليها لكن انا جد تعبت. المهم هلأ انا من سكان غزة وعمري ٢٢ سنة، اه انا من الناس اللي قدرت تنجو من حرب الابادة والمذلة طول سنة واربع اشهر، لكن مشكلتي اني سمحت للحرب انها تضيع مني شخصيتي وترجعني لنقطة الصفر . هلأ بدايةً حياتي ما كانت بسيطة قبل الحرب...كان في عندي اكتئاب قعد معي ٣ سنين ( من ال١٥ ل ١٨ سنة) الاكتئاب كان سببه اشياء كتيرة لكن المهم اني قدرت اتخلص منه هلأ كانت فش مشكلة صغيرة اني في عمر ال ١٨ سنة ما كان في عندي ثقة بنفسي وكانت شخصيتي سيئة بالمرة وما كان عندي اصدقاء وولا حاجة يعني...المهم بصعوبة شديدة قدرت احسن من شخصيتي وقدرت اكون البنت الواثقة من حالها اللي طول عمري كنت بحلم فيها، وقدرت اكون علاقات كنت انحسد عليها وحياة كنت جدا مبسوطة فيها...لكن المشكلة انه هاد كله قدرت انجزه قبل الحرب بدقايق تقريبا ف إجت الحرب واخدت مني كلل حاجة، اخدت مني شخصيتي ورجعتي لنقطة الصفر، اخدت مني كل علاقاتي وقدرت ترميني وحيدة تاني. ومش بس ع قد كدا حتى العالم الخارجي لما يعرف اني من سكان غزة بتطلع فيّ بنظرة شفقة وحزن للأمانة الموضوع مش لطيف بالمرة. وما بعرف ازا عندي القوة او الطاقة اني ارجع أبني كل اشي من الصفر لاني قعدت سنين وانا برتب بحياتي ولهلأ ما قدرت اخد اجازة وبطل فيا طاقة لاكمل. هلأ بعرف انه الحرب كانت على الكل وانه الكل خسر كل حاجة وبدأ من اول وجديد وانه رينا حيعوضنا واحسن لكن برضو الواحد بزعل على اللي تعب عليه خصوصا ازا كانت شخصيته مش ماله مش شغله بل نفسه..الواحد بزعل لانه سمح للحرب بأنها تضيعه....هلأ عندي سؤال صغير في حد قبل هيك مرق بمرحلة في حياته حس حاله رجع لنقطة الصفر؟ وكيف قدرت تتخطاها وتكمل؟ لأنه صراحة انا فش عندي طاقة لحاجة حالياً وحاسة حالي حستسلم.

9

0