أنا عايزة رأيكم انتو كرجالة ف الموضوع دا، إحنا هنا م عارفين بعض، ف احنا م محتاجين ان إحنا نبين المثالية لأننا لا يمكن نعرف بعض، عشان كدا عايزة أسألكم، هل طبيعي إني أكون ف علاقة مع راجل وهو بيحبني، وتبعتله واحدة كان يعرفها قبلي وراجعة تكلمه من اسبوع وهو رد عليها وفضل يكلمها لمدة اسبوع وأنا معرفش حاجة، وجه قالي النهاردة بعد ما نزلو واتقابلو وقعدو سوا وهي مشيت رن عليا وحكالي، حكالي وقال انه من اسبوع هي بعتتلي واحنا كنا بنتخانق كتير ف الفترة دي ووقتها كنا متخانقين ف رديت عليها ونزلنا اتقابلنا النهاردة عشان كنت عايز اثبت لنفسي حاجة وهي ان هي بتحبني لسا وانها م هتنساني ومنسيتنيش وعرفت انها اتخطبت وطلبت منها نتقابل عشان اشوف هتيجي ولا لأ وجات ومسكت ايدي وحطيت ايدي على كتفها واحنا ماشيين ومعترضتش، وقالي أنا زعلان اوي من نفسي اني عملت كدا لأن واحنا سوا وهي ماسكة ايدي خطيبها رن عليها 4 مرات بيطمن عليها وكانت بترد عليه بإيدها التانية، فحطيت نفسي مكانه وحسيت اني وحش جدا وزعلت من نفسي وحسيت اني عنلت حاجة غلط فجاي أقولك، وهنا سألته سؤال يعني لو مكنتش نزلت مكنتش قولت؟ كان رده آه مكنتش هقولك، ولما سألته رديت ليه قالي كنا متخانقين ملقتش راحتي معاكي فلما بعتت رديت عشان أتسلى، ولما قولت يعني انت م شايف ان ردك عليها اصلا غلط، قالي أنا راجل يعني المفروض ألاقي عندك الراحة لو ملقتهاش هدور عليها برا، عارفين بقا إحنا الفترة الي فاتت زي ما بيقول كنا بنتخانق ليه؟ عشان واحنا بنتكلم أنا سألته سؤال م عاجبه زي مثلا لما سألته هو وزميلته في الكلية هينزلو سوا، أو لو بنتكلم وفجأة وأنا بحكيله حاجة يقولي انت غبية ف اتضايق فيقول انت بتفصليني ونكدية، أو عايزة أنزل مع صحبتي الوحيدة الي مشفتهاش من شهر ورفض ف اتحايلت عليه ف كدا بزن ونكدية، وهكذا، أنا م زعلانة وقلبي واجعني بس م أوي، معرفش ليه بس يمكن عشان حتى لما قالي وسكت وعملت نفسي عادي وبكلمه لاقيت انه شايف ان من حقه يدور برا ف من كسرة خاطري بكيت فهو خد باله فكان رده، بتعيطي ليه هتخليني بعد كدا محكلكيش حاجة، فقولتله معيطتش أنا كويسة فقعد يقولي أنا بجيلك انت ف الآخر وانت الي بحبك وكل الكلام دا، ولأني م عبيطة وم صغيرة وناضجة وفاهمة وحياتي مكانتش سهلة ولأني كنت مستنيا الشخص الي هيحبني طول الوقت عشان ييجي وأحس بأمان، جاية دلوقت أسألكم دا عادي؟ يعني انتو كرجالة دا بيحصلكم عادي؟ بتحبو وتعملو كدا عادي؟؟

5

12