دمي اتحرق من متجوز عايز يتقدملي!

Question

عندي ٣٨ سنة شكلي حلو و باشتغل في position حلو …ماتجوزتش قبل كدة و ده نصيب أكيد يعني ..المهم امبارح واحد متجوز و عنده ٣ أولاد متصل بيا يقولي عايز أتقدملك …بجد دمي اتحرق..مع العلم نفس الشخص ده رفضته من ١٥ سنة ..بس الحقيقة المرة دي دمي محروق جداً و مش عارفة ازاي اتجرأ يقولي كدة

Marshmallow_68139 🇪🇬 · Accepted Answer

ممكن جدا يكون لسه بيحبك وعاوزك على فكره

Watermelon_68785 🇪🇬 · Answer

خلينا نقسمها قسمين القسم الاول احساسك بحرقه الدم ده نتيجه انك شايفه انا رفضتك مره ف انت متخيل ان علشان كبرت ف هقبل بقا باي حد ف ده مضايقك وده المفروض متحطيهوش ف بالك لان الحواز نصيب ونصيبك جايلك ف وقته 
القسم التاني طرفه هو لو افترضنا حسن النيه هو انه كان بيحبك وقتها ولسه بيحبك ف حاول يوصل لحلمه الي مطالوش وقتها اي كانت الاسباب
ولو افترضنا سوء النيه هيكون انه شايف انك متجوزتيش ف ترفضي ليه 
انت بس

Watermelon_68785 🇪🇬 · Answer

الي تقدرى تحددي هو حسن النيه ولا سئ النيه وقتها تقدرى تحددي هتتعاملي ازاي

Chocolate_55188 🇪🇬 · Answer

هي أسوأ حاجة إن فيه ناس متخلفين بيربطوا  بأن الواحد ممكن يقبل بأي حاجة بقى عشان كبر

Banana_66333 🇪🇬 · Answer

دا طلب مشروع من حقك تقبلي أو ترفضي زي ما تحبي إنما السن دا مفهوش دعوة بطلب زي كدا خلي عندك ثقة بنفسك

Watermelon_68785 🇪🇬 · Answer

ده تخلف موجود ف مجتمعنا ومحتاج نغير ثقافه مجتمع كامل بس اعتقد ان الدنيا بدات تتعدل شويه ف الاتجاه ده ف مفيش سبب انك تحرقي دمك افتكرى ديما الي انت قولتيه ف اول مشكلتك انت واحده جميله وذكيه وناجحه ف حياتها مش ناقصك حاجه ف مفي شحاجه او شخص يستاهل تضايقي بسببه

Onion_68412 🇪🇬 · Answer

الناس هتبدأ تبص ليكي نظره مش حلوه عانس و كده تفكيرنا ك مصريين يعني ف فكك اهم حاجه حسي بقيمه نفسك و متهتميش لنظره الناس

Banana_66333 🇪🇬 · Answer

لالا مفيش تنازل دا قلب ومشاعر مش مزايدة ملهاش دعوه بسن معين

Chocolate_55188 🇪🇬 · Answer

عمري ما فرق معايا كلام الناس لأني عارفة إيه المناسب ليا و إيه اللي مش مناسب ده غير إني عندي حياتي و شغلي و اهتماماتي لكن اللي مضايقني جرأته لأنه عارف و متأكد إني مش ممكن أوافق على طلبه ده

Pineapple_62201 🇪🇬 · Answer

الستات عامه دمها بيتحرق لما بيجي شخص هي حاسه أنه أقل منها بكثير يطلب ايدها أو يعترف بحبه ليها لأن ده بيترجم في مخ الستات أن الراجل ده حاسس أن أنا وهو متساويين وأحنا مش متساويين خالص

Pineapple_62201 🇪🇬 · Answer

الفكره أن الراجل يقدر يتنازل عن أنه يتجوز واحده مش فرجينيا جميله الجميلات. إنما الستات ما تقدرش تعمل الموضوع ده.

Chocolate_55188 🇪🇬 · Answer

هي المشكلة اجتماعيا بس ؟ بعض النظر إن فيه فعلاً فرق اجتماعي و إننا مش مناسبين لبعض إطلاقاً و ده مالوش علاقة إني شايفة نفسي أحسن منه بس طبيعي لازم يكون فيه تكافؤ …طيب  و بالنسبة إنه متجوز و مخلف ٣ و عارف من شخصيتي إن دي حاجة مستحيل أقبلها

Strawberry_66678 🇪🇬 · Answer

وليه دمك محروق فكك 
هو ما بيفهمش لو كنت حتقبلي دلوقتي كنتي قبلتي زمان

Chocolate_55188 🇪🇬 · Answer

بالظبط لأنه زمان كان لسة مش متجوز أصلاً

Apple_66014 🇪🇬 · Answer

طيب انتي اخذتي الموضوع ليه كده لوفعلا شخص بيحبك من زماان وشاري انه يكمل حياته  معاكي يبقي هو ما عملش حاجه غلط وحضرتك  من حقك ترفضي او تقبللي العرض ده

Pineapple_62201 🇪🇬 · Answer

هو قليل يجرب لانه مش خسران حاجه لو انت قلتي له لأ ثاني.

Coconut_67772 🇪🇬 · Answer

وايه يحرق الدم ف ده الراجل حقه يطلبك للجواز زى ما حضرتك حقك واستخدمتيه انك رفضتى

Banana_68809 🇪🇬 · Answer

تكرر الطلب ممكن يكون حب المشكلة ان انتي مش شيفاها زوج بس ممكن تشوفيها بشكل تاني افضل لي نفسك من غير زعل

Sugar_68848 🇪🇬 · Answer

دا شىء عادى جدا انه او غيره يتقدم كل واحد شايف نفسه يستاهل هو شايف كدا وانت شايفه تستاهلى احسن منه 
المشكلة قد تكون فيكى (( دمى محروق )) ربما انت طموحك عالى جدا وموش موجود فى السوق ولفترة طويلة ..نصيحة حاولى تتجوزى فى الاخر بتتجوزى شخصية وليست الظروف 
تحياتى

Strawberry_66678 🇪🇬 · Answer

فكك منه خالص ده رايي