بخيبة أمل فظيعة وخوف من إني انتحر تاني

Cherry_87390 🇪🇬

منذ 12 ساعة

شعور متوتر

انا حاسة بخيبة امل فظيعة هحكي اللي بمر بيه الفترة دي بكل صراحة شعوري بالخوف الشديد من اني احاول انتحر تاني والفكرة نفسها ب تسيطر عليا بطريقة بشعة خصوصا لما بكون فوت جرعة أو اتنين من الأدوية بغرض اني منمش ليالي الامتحانات فبضطر ألجأ لأي حد يكون جنبي حتي لو سوشيال وللأسف اللي اعرفهم في نفس السنة ونفس الظلام بتاع الكلية دا اللي محدش فاضي فيه لحد للأسف بقيت بكلم ناس من ابليكيشن مجهول لغاية ما اتحسن شويا واعرف ارجع لطبيعتي ودا حساه بقا بيعرضني لاستغلال كبير خالص وضغط نفسي أكبر وكره لنفسي فظيع اني بكون انا اللي محتاجة حد يكون معايا عشان خوفي

وثقت فيها ضد الكل واخدعتني

أقنعت كل الي حواليا انها تستاهل فرصه وقفت ضد الكل واخترتها علشان كنت بقول انها محتاجه حد ينشلها من العالم الي هيا عايشه فيه الكل قال انها ماتستاهلش انك تحاول علشانها بس أنا كنت فاكر ان لما اكون موجود علشانها كانت هتتغير بس هيا اختارت انها تطلع زي ما هما شافوها بتاعة مصلحتها ! ...عرض المزيد

1 الدعم

4 نصيحة

مديري ف الشغل بقى بيتعامل معايا مش حلو ويستناني الغلط

مديري ف الشغل (شغل اونلاين) كانت علاقتنا كويسه (كويسه بمعنى بنتعامل باحترام وأسلوب كويس ) لحد ما ارتبط بواحده صحبته من وهما اطفال وجربت تشتغل معانا ومعرفتش وفجأة مرة واحده بقى بيعاملني بأسلوب مش حلو واللي فهمته منه أن هي اللي قايلاله يتعامل كدا ويستنالي اي غلطة أو لو حد غلط يجيب الذنب عليا ( مقدرش اسيب الشغل عليا التزامات) ف اللي كانت جيبالي الشغل ده احنا اصحاب وكدا ف كلمتني ف حكتلها عن كل اللي حصل ف راحت والدتها كلمت والدته عشان هما صحاب برضو ووالدته هزقته وهو رن عليا وخلاني اكلمها وقولتلها كل اللي حصل بالظبط من ناحية أسلوبه واللي حصل وكدا ف أنا قولت خلاص كدا مش نشتغل تاني بعد ما قفلت معايا بعتلي بعدها بربع ساعة يسألني ع عميل معين ف الشركة وكدا ف قولت يبقى مقررش يمشيني الفكرة هنا هل ده هدوء ما قبل العاصفة وأنه ممكن يكون ناويليي نية شر ...عرض المزيد

0 الدعم

6 نصيحة

مبقتش عايز أتعب علشانها... اكتشفت إني كنت بحارب غلط

مكنتش متخيل إن اليوم هييجي وأقول إنّي مبقتش عايز أتعب علشانها. كنت فاكر إن حبّي ليها كفاية يخليني أكمّل، أتحمّل، وأحارب الدنيا كلها عشانها. بس بعد عشرين مقابلة شغل، وعشرين خيبة أمل، اكتشفت إنّي كنت بحارب في الاتجاه الغلط. كنت فاكر إن سعادتي مرتبطة بيها، وإن كل خطوة في حياتي لازم تكون ليها علاقة بيها، بس الحقيقة إنّي كنت بنسى نفسي كل مرة بدوّر على رضاها قبل راحتي، وبنحرق عشانها وأنا اللي بتكوي. دلوقتي فهمت… إن مفيش حب يستاهل أضيع نفسي عشانه، وإن اللي فعلاً بيحبك مش بيخليك تشوف الدنيا تقيلة بالشكل ده. اتعلمت إنّي أتعب عشان نفسي، أطورها، أحقق حلمي، وإن اللي هتحبني بجد، هتفرح وأنا بنجح، مش تستناني وأنا بتعذّب. مش ندمان إني حبيتها، بس ممتن إن التجربة علمتني أختار نفسي الأول. ...عرض المزيد

2 الدعم

2 نصيحة