حياتي الرديئة وخطيئة الكسل - اعترافات مهندسة متكالية

Question

أنا شخصية اتكالية جدا ومعنديش أدنى درجات تحمل المسؤولية، خطيئة الكسل أكبر خطاياي
اتخرجت من 5 سنين ومشتغلتش مع أني مهندسة وظروفنا مش أحسن حاجة وأمي اللي بتصرف عليا
طول عمري اوفر ويت لحد من 3 سنين قررت أخس واكتشفت أني كان ممكن أخس عادي بس مكنتش بحاول بجدية
عندي صلع وراثي ظهر من بدري جدا يمكن وأنا 14 سنة بس، ومحافظة ع الشعرتين الباقيين وإن شعري يكون مقبول إلى حد ما بالمينوكسديل والفايتامنز والاسبراي
كل شيء فيا وحش ورديء وأمي ع الأقل متستاهلش بنت زيي
مكتئبة طول عمري بس بدأت أخرج ظاهريا من حالتي دي، أي شيء يخفف غصة أمي عليا
لكن أنا مش بخير

Chocolate_72149 🇪🇬 · Accepted Answer

طالاما معاكى شهادة وتقدرى تشتغلى يبقى دورى على شغل واشتغلى وبينما انتى بتشتغلى هتخسى لوحدك وتبقى احلى لكن اربى لربنا اكتر وصلى  لان قربك من ربنا هيصلحلك مشاكل حياتك كلها❤

Jackfruit_62917 🇪🇬 · Answer

نصيحه حاولي تتعافي نفسيا قبل جسديا ع الاقل علشان مامتك وعلشان تبني حياه تسندك لقدام لانك لو اخدتي حد وشافك كدا هيهد فيكي اكتر ما هيبني

Cookies_72215 🇪🇬 · Answer

انزلي جيم وخسي من بعدها الحياه هتحلو في عينك وهتشوفي الدنيا من منظور تاني نصيحه عن تجربه شخصيه

Coffee_67699 🇪🇬 · Answer

بلاش مينكسوديل يا فندم هاتي ديرما رولر و استخدميها مع عصير البصل و الثوم و زيت الروزماري

Blueberry_72439 🇪🇬 · Answer

مش عارفة أعمل ايه نفسيا بس أنا اشتغلت ع نفسي كتير، كل ما بفتكر طفولتي ومراهقتي بحمد ربنا اللي مثبتني ومخليني أصبر ع نفسي وميأسش، ولكن التقدم بطيء ربنا يسهل

Blueberry_72439 🇪🇬 · Answer

أولريدي خسيت كتير الحمد لله كلو بيقولي كفاية كدا بس عمري ما شوفت نفسي خاسة

Blueberry_72439 🇪🇬 · Answer

مفيش حل للصلع الوراثي غير المينوكسديل، ممكن أعمل الباقي دا كعوامل مساعدة لكن مش هينفع أعتمد ع مادة غيره

Cookies_72215 🇪🇬 · Answer

للاسف طبيعي انا برضو مش قادره اشوف نفسي خاسه وعندي اضطراب طعام

Sugar_49832 🇪🇬 · Answer

بداية الطريق.. خطوة 
اول حاجة لازم تعمليها انك. تقعدى مع نفسك لوحدك وتشوفى اللى ليكى واللى عليكى بهدوء 
واكيد محتاجة تنزلى تشتغلى ويمكن دة اول حاجة 
بعدها لازم تروحى ل Life coach الموضوع مش عقدة ولا مرض قد ما انتى بس محتاجة حد يرتب معاكى حياتك ويحط رجلك على اول الطريق 
حاااولى تعوضى مامتك حتى لو بكلمة حلوة او هدية بسيطة كل فترة عشان متحسش ان اللى هى بتعمله فى الفاضى

Sugar_49832 🇪🇬 · Answer

اهتمى بنفسك وخلى الرياضة جزء من يومك مش عشان تخسى بس عشان تجددى نشاطك وتفرغى الطاقة السلبية

Banana_70794 🇪🇬 · Answer

ليه طيب المود دا والكلام الصعب دا هوني علي نفسك

Blueberry_72439 🇪🇬 · Answer

للأسف أنا أكبر مشاكلي الكسل، أنا مش فاشلة بالعكس المرات البسيطة اللي اشتغلت فيها سديت، بس مبقدرش أكمل حتى بكسل أفكر في حياتي ممكن آخد شهور لحد ما أقرر أرتب عقلي

Blueberry_72439 🇪🇬 · Answer

يا رب تخسي وتشوفي نفسك أحلى واحدة

Blueberry_72439 🇪🇬 · Answer

دا أكتر مود متزن

Banana_70794 🇪🇬 · Answer

لا اهدي اكتر ورتبي حياتك

Banana_70794 🇪🇬 · Answer

احسبيها اولويات وهتمشي واحده واحده

Coffee_67699 🇪🇬 · Answer

انا عندي صلع وراثي و اللي قولته لحضرتك ده جايب معايا نتيجه رهيبه

Blueberry_72439 🇪🇬 · Answer

ونعم بالله، الحمد لله حتى مع كل دا نعم ربنا عليا مقدرش أوفيها شكر، ربنا يقربنا منه دايما ويجعلنا من الشاكرين

Blueberry_72439 🇪🇬 · Answer

كدا كدا ماشية بفضل الله، ربنا يهدينا للخير لينا ولديننا

Blueberry_72439 🇪🇬 · Answer

ما شاء الله ربنا يشفيك منه شفاء تام
هجيب ديرما بإذن الله

Banana_70794 🇪🇬 · Answer

ونعم بالله ♥️

Cookies_72215 🇪🇬 · Answer

انا وانتي ياحبيبت قلبي يارب🤍🤍

Sugar_49832 🇪🇬 · Answer

على فكرة انا كمان كدة 
عشان كدة بقولك محتاجة تاخدى خطوة تربطك بالشغل يعنى تبداى لان طول ما انتى سايبة نفسك لنفسك مش هتتحل 
وحوار ال Life coach من باب التشجيع والدعم مش اكتر يا جميل