خسرت أهلي ونفسي من أجلها وفي النار تخوني!

Question

انا حبيت بنت من قلبي عملت كل حاجه علشانها لدرجه اني وقفت قدام اهلي وخسرتهم كلهم امي واخواتي واخوالي وعمي خسرتهم كله وقفت قدام اهلها علشان تكون معايا سبت كليتي وشتغلت شغلنتين علشان اعرف اعمل كل حاجه ليها وقبل ما اروح اخطوبها بيومين امسك موبايلها بصدفه ولاقي حد بيرن عليها كان متسجل بأسمي رديت عليه لقيته شاب واجهتها بتقولي كنت هعملوا بلوك انا اقسم بالله قلبي اتقسم مليون حته روحت علشان اصالح اهلي رفضوني انا حرفيا بموت خسرت اهلي خسرت نفسي علشانها وفي الاخر تخوني وتشتمني انا تعبت اقسم بالله

Coffee_62707 🇪🇬 · Accepted Answer

انت تحصد ما زرعت، انت مكنتش راجل لما خضعت لواحده وخسرت اهلك عشانها، خليك راجل دلوقتي وخد حقك منها وصلح علاقتك بأهلك

Chocolate_65745 🇪🇬 · Answer

حاول تراضي اهلك بي اي طريقه وسيبك من البنت دي و مش تخسر اهلك عشان حد لأن ماحدش يقف جنبك غيرهم وربنا يسعدك ويفرح قلبك باللي تتمناه يارب

Avocado_66394 🇪🇬 · Answer

عملت كل حاجه علشان اصالحهم كل ما اروح يقفلوا بابهم في وشي والبنت خلاص انا استعوض ربنا فيها وفي قلبي وحياتي الي ادمروا بسببها

Avocado_66394 🇪🇬 · Answer

ومازلت لحد دلوقتي بحاول اصالح فيهم

Waffle_66164 🇪🇬 · Answer

ربنامعاك حاول تفكر بعقلك مش بقلبك محدش يستاهل انك تخسر واحد من من أهلك لأى سبب امشى صح وفكر صح لتكون حياتك صح انت بتبنى ابنى صح

Avocado_66394 🇪🇬 · Answer

كنت معتبرها كل حاجه وكنت مستعد اعمل اي حاجه واهو عملت وندمان لانها طلعت ولا تستاهل اي حاجه

Avocado_66394 🇪🇬 · Answer

حقي سبته لربنا انا بحاول اني اصلح علاقتي مع اهلي تاني بس بالله عليك بلاش كلام يوجع لاني مدمر لاني كنت بحبها بجد مش مجرد تسليه بس اهو كان خساره فيها حبي ده

Coffee_62707 🇪🇬 · Answer

ياض اجمد اقسم بالله انا عايز مصلحتك، شخصيتك الي لسه بتتكلم بيها لحد دلوقتي دي متنفعش، دوس عليها خليها مش من مقامك دي زباله ولا تسوى انت الي متتعوضش

Cherry_62151 🇪🇬 · Answer

انت غلط وهي ما دام خانت هتخوان و هتلقي يعوضك و اهلك مع الوقت هيرڞو عنك بص لمستأبلك وبس

Avocado_66394 🇪🇬 · Answer

لعله خير ان شاء الله

Durian_52455 🇪🇬 · Answer

كلامك ده درس لينا
ان اللى يستغنى عن اهله علشان خاطر بنت يبقى ملوش خير فالدنيا

Marshmallow_65283 🇪🇬 · Answer

خير واللي زيك مفيش منه كوير انت حبيتها بجد وهي كانت بتتسلى او حابه حبك ليها 
غير كدا هي محبتكش هي خاينه واللي بيحب عمره ما بيخون 
ركز في حياتك وانسى حاول تخرج غضبك في اي حاجه انزل جيم روح صلي وعيط لربنا لكن متفضلش كاتم في نفسك كدا انت اللي هتتعب في الاخر صدقني
وعلاقتك باهلك واحده واخده هترجع

Avocado_66394 🇪🇬 · Answer

حبي ليها كان مخليني اخسر اي حد

Avocado_66394 🇪🇬 · Answer

حياتي الي هي اصلا ادمرت معدش في حياه اصلا وان شاء الله اهلي هيسمحوني

Marshmallow_65283 🇪🇬 · Answer

متقولش كدا بإذن الله هتكون كويس حاول انت ومتستسلمش هي مكانتش تستاهلك

Avocado_66394 🇪🇬 · Answer

انا في حاجات كتير حصلتلي بسببها ومنهم اني جالي السكر من الزعل ف حياتي ادمرت حرفيا

Avocado_66394 🇪🇬 · Answer

ودخلت في حاله نفسيه وصاحبي اخدني لدكتور علشان اتكلم معاه معرفتش اتكلم ولا حتي ارد علي اي سؤال في اكتر من اني بروح شغلي انا شغال حاليا دليفري من كتر التفكير عملت حادثة لاني مش مركز في الطريق والله دمرتني انا مش مسامحها ولا دنيا ولا اخره

Marshmallow_65283 🇪🇬 · Answer

ربنا هينتقم منها كما تدين تدان 
ربنا بيسامح في كل حاجه الا حق العباد 
ارمي حمولك على ربنا وهتبقى كويس هتاخد وقت تتعافي بس هتبقى كويس صدقني

، وحاول تروح تاني للدكتور لو نفسيتك اتحسنت السكر هيروح هتقلل الجرعات وممكن بنسبه كبيره يروح بإذن الله متيأسش ولا تشوف ان اللي حصلك نهاية الدنيا ،دا بدايه لحاجات كتيره اوي هتحصلك لسه

Avocado_66394 🇪🇬 · Answer

هو الحمدلله على كل حال بس السكر مرض مزمن يعني مش بيروح وانا والله حتي نفسي كرهتها وكرهت اتعامل مع كل الناس ليكونوا خونه بردو

Marshmallow_65283 🇪🇬 · Answer

السكر بيروح احيانا لو سبب نفسي اتنين قرايبي كانوا لسبب نفسي وفضلوا اقل من سنه على انسولين وراح منهم تماما بس اهم حاجه يبعدوا عن الضغوطات عشان لو رجع تاني هيبقى مدى الحياه + مش كل الناس وحشه ولا انت شخص وحش انت شخص اتأذيت بسبب حبك ليها وبسبب كدا شايف ان الناس هتبقى كلهم شببها ،هي خلاص راحت سيبها حاول بس تهدي نفسك ومتفكرش فيها كتير هتتعب اعصابك اكتر وربنا هيجيبلك حقك لحد عندك هي مستاهلش انساها.

Avocado_66394 🇪🇬 · Answer

هو للاسف السكر الي عندي دايم خلاص 
قوليلي اثق ازاي في الناس تاني وانا اكتر حد حبيته اذاني انساها ازاي وهي قدام عيني 24 ساعه انساها ازاي وانا الملعون قلبي برغم انوا مدمر لسه بيحبها ومكرهتهاش انساها ازاي وانا مامتها كل يومين ترن عليا وتقولي انت متخاصم معاها ليه ومش بيكون هاين عليا اقولها بنت خاينه انساها ازاي

Avocado_66394 🇪🇬 · Answer

انا حاولت كتير انساها لدرجه اني كنت بروح اقعد من همي ووجعي عند قبر بابا وفضل طول اليل اتكلم  واعيط له

Avocado_66394 🇪🇬 · Answer

انا اقسم بالله ما في حد هيحس بالوجع الي انا حاسه

Marshmallow_65283 🇪🇬 · Answer

حاول تتكلم مع حد يعرف القصه كلها حاول تفضفض واحكي الوقت صدقني هينسيك، الوجع مش بيدوم والله +انا حاسه بيك احساس انك تتخذل من اكتر حد حبيته في الدنيا احساس صعب بس صدقني هتبقى كويس خلي عندك نيه للتغير وحاول تبعد عن اماكن تواجدها حاول معتش تشوفها وهي ازاي اصلا بتظهر قدامك هي مش مكسوفه من نفسها

Avocado_66394 🇪🇬 · Answer

انا مش بعرف  اتكلم مع حد ولا اطلع الي جوايا يمكن بتكلم هنا علشان في خصوصيه شويه لاكن انا في العذاب ده بقالي 3 شهور وهي موجوده عندي في الشارع علشان كده بشوفها كتير  لاكن انا والله مش كويس بقيت اقعد لوحدي وقافل الاوضه عليا ويوم ما بفكر انزل يأما الشغل او اروح عند بابا الله يرحمه لاكن انا والله مش عارف اتكلم ولا احكي دخلت في اكتأب بسببها نفسيتي بقيت تحت الصفر