خايف أدعي عشان قلبي يتعلق بحاجه ويتعزب

Question

السلام عليكم 
مره سمعت شيخ بيقول ان لو قلبك اتعلق ب اي حاجه ربنا هيعزبك بيها وبجد من ساعتها وانا بخاف ادعي لدرجه اني لو فجأه اخدت بالي اني بدعي اي دعوه بحكم العاده يعني بسكت نفسي بسرعه و اشوف اي حاجه اعملها عشان اخلي عقلي ميكملش حتي اصل يعني ايه لو قلبك اتعلق بحاجه هتتعزب بيها م انا بشر و اي حاجه هبقي بدعي بيها اكيد هكون بحبها وقلبي نفسه فيها انا بجد من بعد الفيديو دا وانا مش بدعي خالص حتي في الصلاه مع ان في حاجه كتيير جدا نفسي فيها بس بخاف الموضوع دا يبقي بجد و ابقي انا الي بضر نفسي ف بسكت احسن حد عنده معلومه موثوق منها في الموضوع دا ياريت يفهمني

Coffee_27700 🇪🇬 · Accepted Answer

ربنا خالقنا وعارف صفاتنا وحبنا لمتاع الحياة الدنيا من مال وبنون وغيرها. وأمرنا بالدعاء ووعدنا بالاستجابة. الرسول كان قلبه متعلق بالسيدة خديجة والعام الذي توفيت فيه سمي عام الحزن. كثير من الأنبياء والصالحين دعوا باشياء في الدنيا زي سيدنا سليمان (وهب لي ملكا لا ينبغي لأحد من بعدي).
الصح بس إن تعلقك بالشيء لا ينسيك أو يلهيك عن الله سبحانه.

Coffee_33188 🇪🇬 · Answer

انا مش عارف اي الفيديو اللي انت شوفته .. بس مسمعتش ان ف حاجة ب كدا … والمفروض لما حاجة تشوفها ف الدين لازم تشوف ليها كذا مصدر وتدور متاخدش الكلام من شخص واحد مهما كان لان مفيش بني ادم معصوم من الخطأ

Biscuit_30461 🇮🇶 · Answer

هو معلش شنو هالغباء هذا
يعني ربك مايعرف شنو الخير الك وشنو الشر الك

Coffee_28495 🇪🇬 · Answer

انا وصلت لمرحله اني خفت ادور يطلع الكلام بجد

Coffee_44872 🇪🇬 · Answer

الفكره من الاول غلط اصلا والشيخ ده مش فاهم أو متعقد لأن ربنا كريم وعمرو ميعمل كده هو قال الصياغه غلط اصلا

Coffee_33188 🇪🇬 · Answer

لازم تدور ي حبيب برضه لأن مفيش حاجة اسمها كدا او يمكن انت فهمت غلط.. انت تعرف اننا هنتحاسب ع جهلنا شوفت ودورت ف الموضوع دا ان يوم القيامة هتتفاجئ انك بتتحاسب ع ذنب مكنتش تعرف انه ذنب اصلاً … لان انت ف الدنيا مأمور بالعبادة وتتفقه ف الدين .. نصيحة اقرأ كتاب ( ما لا يسع المسلم جهله ) هيفيدك جداً جداً

Corn_32699 🇪🇬 · Answer

لا ادعي ربنا في كل سجود وبعد كل صلاة 
الشيخ قصده ان انت لو حبيت الحاجة اكتر من حبك لربنا ربنا هيحرمك من الحاجة دي ربنا بيغار من العبد اذا احب حاجة اكتر من ربه ، انت ادعي وحب وعيش ، بس لازم يكون حبك لربك لا يطغى عليه شيء انك تصلي وتشكر وتستغفر وتخاف من غضب ربنا ، وغيره من انواع حب العبد لله .
غالباً ده كان قصد الشيخ

Coffee_28495 🇪🇬 · Answer

تمام م انا اكيد بحب ربنا وبستغفر وبشكر و بصلي بس طبيعي اني هحب الحاجات التانيه الي بدعي بيها و ازاي اصلا اعرف اذا كنت حبيت الحاجه دي اكتر من ربنا استغفر الله العظيم يعني

Coffee_27700 🇪🇬 · Answer

ومصطفى حسني هتلاقي ليه فيديو بيرد على سؤال شبيه لده

Corn_32699 🇪🇬 · Answer

انك تحب ربنا يعني تخاف من غضبه وتكون اولويتك انك ترضي ربنا  وتنسب ليه كل حاجة حلوة في حياتك وتشكره على كل نعمة ربنا انعمها عليك  وتادي صلواتك كلها وتدعي كتيير اوي 
وتخلي حبك لله سبحانه وتعالى ( نمبر ون ) عندك بعدها النبي (ص) وبعدها حب ما تشاء . 
هتلاقي ربنا رضى عنك وباركلك في الحاجة اللي بتحبها ، وبس كدة .

Coffee_29902 🇪🇬 · Answer

الكلام ده لو انا اتعلقت بحاجه بعدتك عن طريق ربنا

Coffee_29902 🇪🇬 · Answer

ربك عارف الأصلح و الخير ليك فين و بيكتبهولك حتى لو انت نظرتك مش جايباه و شايفه وحش بس هو خير