ضغوط عائلية

Plum_62202 🇪🇬

منذ 3 أيام

شعور محبط

دلوقتي انا في بنت بحبها من وانا ف الكليه 4 سنين لحد ما لسه متخرج السنادي وطبيعي عاوزاني اتقدم حقها ولاكن في كذا مشكلة الاولى انا لسه متخرج مش معايا الماديات المتاحة زي انا مش عندى شقة حاليا لسه مقدم على اسكان اجتماعي ودى حيلك ع ما تستلمها بقي الثاني انا لسه متعين ف شغل مرتبه قليل جدا جدا جدا بس عمل

Blueberry_72340 🇪🇬 خليك راجل ومسؤول وقد كلمتك وادخل بقلب جامد لما جيت اخطب جبت دبله وجبتها سلف كمان وعلفكرا انا انت بس 24سنه خليك مسؤول وروح اتكلم انت

عرض الكل 10 نصيحة

عبّر عن شعورك بشكل مجهول

دلوقتي انا في بنت بحبها من وانا ف الكليه 4 سنين لحد ما لسه متخرج السنادي وطبيعي عاوزاني اتقدم حقها ولاكن في كذا مشكلة الاولى انا لسه متخرج مش معايا الماديات

المتاحة زي انا مش عندى شقة حاليا لسه مقدم على اسكان اجتماعي ودى حيلك ع ما تستلمها بقي الثاني انا لسه متعين ف شغل مرتبه قليل جدا جدا جدا بس عملت كده علشان اعرف يكون عندى حاجة اتكلم بيها عندى شغل ولسة مقدم ع شقة

بس النقطة ف اهلی رافضين انت معندكش شقة رسمي هتعمل اي ازاى معندكش شقة مينفعش تروح وانا لسه ورايا جيش ف شهر 4 كمان ف لا متروحش تكلم ابوها ولا تعمل حاجة ف دى مشكلة

وان ابوها راجل يعني هي اول بنت ليه ف بيحبها جدا جدا جدا بيخاف عليها من الهوا اعتمدا يدلعها وحقه بس هو بردو لما عرفته كانت ساكته في منطقة متوسط الحال زي لاكن السنه اللي فاتت مستواهم اللهم بارك على جدا جدا ونقلو ف مکان ف کمبواند

ده عملى مشكلة نفسية بس عادي

ولاكن ابوها دايما بيقولهم هاتوا حد ميتعبكوش يكون جاهز والحاجات دى وان هو ممكن لما يعرف أني معنديش شقة ميقعدش معايا اصلا ولا يكلمني

انا مخنوق جدا وخايف اوى اوى وهي عملت علشاني كتير اوى واستنيتنيتي تمنعت عرسان كتير وفي حد صاحب ابوها متقدملها واهلها بيحبو جدا جد جدا بيلمح كثير لابوها يتقدم وأبوها موافق عليه وحابه وعائلتها كلها حابه

انا جنبه مش جاهز بای حاجه لسه هو صاحب ابوها ف الشغل وعنده شقة وعربية وكبير مش صغير 30
 سنه وانا وهي  22
ف هو جاهز انا جنبه ولا ايه حاجه بس ف أقل حاجه قابل باباها اکلمو خايف من رده فعلو كلامة وخايفه اتكسر
الفكره انا اهلى بيقولو انت معكش اى حاجه دلوقتي ف كلمو وروح عرفو أنك بتحبها بس مش هقدر تعمل اى خطوة رسميه دلوقتي اى خطوة هتكون بعد الجيش بس روح واتكلم معا 
انا مش عارف طب اروح اتكلم معا ف اي ولا اقول اي واحاول ازاى اتكلم معا ف حته اني دلوقتي جايلك علشان مش عاوز اعمل حاجة غلط و الدراسه خلصت ومليش تواصل معاها بس انا قولتلها اني بحبها وهي قالتلى تعالى كلم بابا ف عاوز اكون قد كلمتي وجيت لحضرتك انا ممكن اكون مش جاهز حالياً ولاكن فعلا بحبها وعاوز ها مش عارف كلامه هيكون اي او انا اقول اي او ارد ازاى أو اى حاجه او اتكلم ف اي او هو ممكن يقولى اي انا مقدر انو اب وعاوز كل حاجه لبنته واحسن حاجه بس انا خايف من حاجات ومنها
ومكلمهاش تاني وحاجات تانيه كتير اكيد بس انا مش عارف حتي اعمل اي واتكلم ف اي حتي وهو ممكن يقولى اي وهي تعمل اي علشان تقف معايا وتكلم أهلها تقول اي 
محتاج حلول او اراء

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_73151 🇪🇬

منذ 4 أيام

شعور مرهق

انا عندي مشكله او مش عارف هتتحسب مشكله ولا ايه انا حياتي كلها عباره عن مشاكل مع الاهل دي مش المشكله. اي مشكله معاهم و غالباً بتكون بسبب الدراسه المهم كل مشكله من المشاكل دي بتأثر ع نفسيتي وانا مش بعرف اتكلم ولا احكي ل حد بفضل اني اقفل ع نفسي بابي و مع نفسي هل ده هيضرني قدام ك تراكمات و كدا ولا اي

Olive_70992 🇱🇧

منذ أسبوع واحد

شعور ضاق ذرعًا

السلام عليكم جماعة ما بعرف اذا لازم احكي بالموضوع بس انتو غرباء عادي لو حكيتلكم مارح تفرق معي لأنكم ما بتعرفوني ولا بتعرفوا ابي انا اصغر فرد بالعيلة عم شوف كيف ابي عم يكبر بالسن وعم يتعب وبلشت تبين عليه اعراض الكبر بس في كثير تصرفات عم تمنعني حبو والله انا كنت كثير حب ابي وللأن بحبو بس عندي مشكلة حا

Coconut_71798 🇪🇬 قال الله عز وجل ونعيدكم كما خلقناكم اول مره صدق الله العظيم يعني ربنا سبحانه وتعالى لما الواحد مننا بيكبر في السن ما بيقدرش في على حاجات كان بيواظب عليها ما بيقدرش يعملها ففي الفتره دي الناس الكبيره بيبقوا محتاجين حد يساندهم حد يعينهم حد واقف جنبهم حد يهودهم ويسمع كلامهم وحاضر ونعم بس اللي انت بتفكر فيه ده الموضوع ده صعب ان انت ما تتقبلهوش وزعلان ان هو مقصر في حق ربنا لا انت ممكن تعينه انه يصلي مم

عرض الكل 6 نصيحة

Cherry_33009 🇰🇼

منذ أسبوع واحد

شعور مستنزف

موضوع:

قرارات من الأهل كانت سبب في تغير حياتك

طول عمري اهلي كانوا بيتحكموا بكل تفصيلة بحياتي، شو البس، مين اصاحب، وين اطلع، شو ادرس ووين، حتى اني تغربت اكتر من مرة بسبب انهم كانوا بلحظة يغيروا قرارهم و يحسوا انه ما بقى بدهم انه ادرس بهالبلد، لحد ما وقفت بوجههم قبل فترة، و حكيت اني تعبت من الغربة، و من حقي كمل حياتي و دراستي بالمكان اللي بدي ياه

Coconut_70851 🇪🇬

منذ أسبوع واحد

شعور محبط

عبّر عن شعورك بشكل مجهول

كنت اكتر شخص بيتمنى الخير للغير لحد ما حبيت شخص من سنتين افتكر حماسي وقتها ومشاعري اللي كانت له وفرحتي اللي متتوصفش وكانت علاقتنا رتمها سريع جدا جدا لدرجة بعد ما اتعرفنا بشهر ونص اعترفلي بحبه وبعدها بإسبوعين قعد مع بابا ومش بعيد لو كانت مشيت بنفس الرتم كان هيبقى زماننا متجوزين 
كان وعدني بحاجات كتير قال هيجيب اهله قبل مايدخل الجيش بعدها فضل يأجل يأجل يأجل ومرة لما ادخل ع نص الجيش لا لما اخلص لا لما اشتغل وبعدها لما اشتغل في مجالي وفضلت مستنية بس في وسط كل ده كان فيه ضغوطات من اهلي ان هتفضلي مستنية كتير وان مقدركيش وان فيه ناس كتير تتمنالك الرضا ترصي
الفكرة في خلال الوقت ده كان كل شوية يغير حاجة فيا لحد ما بقيت معرفش نفسي هو كان متناقض جدا جدا وكان بيضغط عليا نفسيا وبيحسسني ان محدش هيحبني قده وده خلى جوايا خوف من التجربة اصلا او اني ادي اي حد فرصة او اثق في حد 
بس كل مشكلة بينا كان بيسمعني كلام سم وييجي عليا لحد ما لقيت ان خلاص سنة ونص عدت ولما اقول الموضوع طول يقولي ده فيه ناس بتستنى بالعشر سنين ف زهقت وحصل مشاكل وبعدنا ومامته كلمتني وقالتلي شهر وكل حاجة هتظبط وهو مش عايز ييجي غير وهو معتمد ع نفسه رغم ان عنده شقته وكان شغال واهلي كان مش مستنيين منه حاجة لا بيطلبو دهب بمعرفش كام ولا اي حاجة اهم حاجة يكون بيحبني ويخاف عليا ويراعي ربنا فيا وفعلا رجعت واستنيت بس احساسي من افعاله انه دايما مدخل اهله وصحابه في علاقتنا يعني بعد ما يتفق معايا ع حاجة يرجع في كلامه واصلي الراجل ف لا 
يقولي هاجي اخر الاسبوع ولما اقوله تمان هعرف اهلي يقولي لا اجليها لحد مازهقت خالص وبعدت بس المرادي وانا مش مسمحاه ع جرحه ليا ووعوده الكدابة وخذلانه ليا قدام اهلي والكل لانه اول حب حبيته واول حد وثقت فيه وحاول يرجع بس رفضت 
من وقتها او من تاني  سنة في علاقتنا وانا بدأت اضايق لما اشوف بنت بتتخطب ع حد بتحبه وجالها وقدرها علطول وحسسني احساس وحش ان بطلب حاجة وانا مبحبش اطلب حاجة حتى لو حقي 
ولحد دلوقتي جوايا الزعل ده بزعل لما يقولو واحد اتقدم لواحدة وبزعل لما بشوف حاجة رومانتيك 
وبزعل لما حد بيحاول معايا
وحتى اتعرفت ع شخص مش فاهمة مسمى لعلاقتنا بس هو اكبر منه ب ٨ سنين وناضج وطيب وحنين وبيحاول يرصيني بس مش فاهمة انا عنده ايه وزعلني من الموقف الاول بيخليني مش قادرة أسأله احنا ايه وف نفس الوقت متعلقة بيه اوڤر كأن بعوض مشاعري ومنكرش ان معاه بحس نفسي القديمة المبسوطة مبيحكمش عليا وحش ولا اي حاجة بس غصب عني بتوقع منه الأسوأ ف انا مش عارفة اعمل ايه ومضغوطة  جدا  من البيت في موضوع ارتباطي وان ضيعت كتير بقا ولازم ارتبط بس منكرش ان الشخص التاني لو قالي بحبك هنبسط وهحب اكمل حياتي معاه لانه شخص مؤهل لده بس مش فاهمة ازاي مقعش في غلطة انتظاري تاني ومفروض اصبر قد ايه اقصى حاجة عشان علاقتنا تبقى رسمي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Potato_53654 🇪🇬

منذ أسبوع واحد

شعور محبط

Watermelon_69418 🇪🇬 قول لوالدك يشوفلك حل مش هو اللي رمالك كلام من وانت صغير؟ فين بقى الكلام دا دلوقتي!؟

عرض الكل 1 نصيحة

عبّر عن شعورك بشكل مجهول

الواحد محتار الصراحة 
انا اتولدت في اسرة محافظة مقفول عليها اوي وطبيعي كنت منطوي علي نفسي ومتفوق في دراستي ودخلت اسنان بعد الثانوية 
تجنبت اي علاقات عاطفية وفرص قدامي مع ان شكلي  مميز لان شوفت قصادي نماذج لناس حياتها اتدمرت بسببها 
والسبب التاني ان كنت بحسب عندي حد
لان والدي من وانا صغير كان بيرميلي كلام انه ناوي يجوزني لبنت اخته الفكرة ان الموضوع رضيت بيه وتقبلته لانها شخص محترم ولطيف ومتدين واهلها كانو امتقبلين الموضوع 
فاعجبت وكونت نوع من المشاعر ناحيتها وكانت دايما في خيالي كشريكة حياتي
لحد اما جت الثانوية العامة بتاعتها وجالها في التنسيق اسنان هي كمان انا طبعا فرحتلها ولكن الصدمة هنا اني حسيت نظرتهم اتغيرت عني ساعتها لأنهم اتكلموا كلام وانا قاعد في مامعناه ان كليتي ملهاش مستقبل و حتي كانو بيسألوا عني ويشوفوا ستوريهاتي لقتهم مرة واحدة انسحبوا من حياتي 
انا وقتها انسحبت لمدة سنة وبعدين رجعت لمشاعري تاني
لان انا وهي معجبين ببعض من غير ما نتكلم و انا وهي عارفين
 ده من خلال الاشارات والتلميحات اللي بنبعتها لبعض
بس بيني وبين نفسي كل اما اقعد مع نفسي افتكر الموقف ده لاني كرهت اهلها بسببه 
انا مش عارف ازاي بينظروا ليا كده انا الحمدلله ربنا انعم عليا بكل حاجة ليه عاوزين يقللوا مني بالشكل ده
انا عاوز اعرف اعمل ايه في الموضوع ده؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_66883 🇪🇬

منذ أسبوع واحد

شعور مستنزف

عبّر عن شعورك بشكل مجهول

انا يعتبر المرتين الرسمي اللي كانو ف حياتي كل واحده فيهم عملولي فوبيا من حاجه او من حاجات ب أسبابها 
يعني اول رسمي كان فوبيا من جوز الاخت والاب 
اولا كده الاب ملوش رأي وكان بيجري علي جوز اخت مراته بحيث انو هو مجوز بناتو الاتنين وعامل فيها فاهم وعارف كل حاجه ومن اول اعده كان جايبلي فيها جوز اخت مراته انا قفشتو عشان كان بيتكلم ف اتفاقات علي مزاجه وأبوها ساكت
أما بقا جوز اختها كان عامل فيها شبيح العيله واللي مجاش منو اتنين
أما العلاقه الرسمي التانيه طلعلي خازوق وعملي فوبيا اسمو امها وكانت من النوع بتاع المظاهر والمناظر اللي علي الفاضي وطبعا (اقلب القدره علي فمها تطلع البت ل امها) حرفيا بقا ف البنت من امها ب ليفل اعلي وده كان سبب من اسباب الفشكله
فوبيا تاني كان ف العلاقه دي بردو ابوها كان مهمشين شخصيته اوووي كانو معملينو معامله البنت المتنقل 
وفوبيا تالته العيله كلها كان علي طول اعدين عندهم وسهر وخروجات ف اوقات غريبه لدرجه اننا مكناش بنتكلم اصلا كان آخرها روحت نزلت رجعت وشكرا
طبعا كل ده ف العلاقتين جزء من أجزاء المشكله
وده عملي فوبيا في حتت الخطوبه عمتا والحواز بقيت شبه عندي خوف وبشيل الحوار من دماغي الحمدلله على كل حال وكل حاجه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Chilli_69774 🇪🇬

منذ أسبوعين

شعور مرتبك

انا شاب عندي ٢٣ سنة و والدي متوفي و انا اللي مسؤول عن البيت و من فترة اتعرفت على بنت اكبر مني ب ٤ سنين و بعد اسبوعين إتقدمتلها و كنا بنحب بعض ف انا كنت حاطت رينچ في الشبكة ٣٠ الف و لما عرفتها اتدايقت جداً و قالتلي انه قليل و مش هيكفو يجيبو حاجة و انا كنت هجيب خاتم و دبلة و محبس المهم بعد نقلش طويل

عبّر عن شعورك بشكل مجهول

انا شاب عندي ٢٣ سنة و والدي متوفي و انا اللي مسؤول عن البيت  و  من فترة اتعرفت على بنت اكبر مني ب ٤ سنين و بعد اسبوعين إتقدمتلها و كنا بنحب بعض ف انا كنت حاطت رينچ في الشبكة ٣٠ الف و لما عرفتها اتدايقت جداً و قالتلي انه قليل و مش هيكفو يجيبو حاجة و انا كنت هجيب خاتم و دبلة و محبس المهم بعد نقلش طويل و كلام كتير ع الموضوع ده قالتلي ان هي نفسها في شبكة كاملة و دي حاجة كانت عوزاها ف قولتلها من عيوني

ف المهم روحت قعدت مع باباها بعرفه على نفسي و اني عندي شقتي و هي اه مش عجباني بس اهيه تقضي الغرض و لما ربنا يكرم هغيرها قالي يبني انا مش فارقلي الشقة ف قولتله طيب و الدهب بفكر اجيب كذه كذه قالي يبني مش فارقلي الدهب المهم راحة بنتي و قعدنا نتكلم و نتعرف على بعض

اهلي كلهم كانو رافضيني الموضوع بسبب السن و حصلت مشاكل كتير و قولتلهم اني مرتاح و مبسوط و مش حاسين بفرق و مع انهم كانو ضدي بس كملو معايا للآخر المهم باباها كلمني بعد اسبوع قالي في قبول و ظبط مع عمامك

ف المهم كلمت عمامي و حصلت نفس المشاكل تاني و بردو اقنعتهم و ظبطنا معاد عائلي هروح انا و امي و اخواتي بس العيلتين يتعرفو على بعض و انا هقعد مع باباها نحدد تفاصيل الإتفاق عشان ميبقاش في مشاكل و المفروض اني هقعد انا و هو لوحدنا ف لسه داخل و يدوب بسلم عليه لقيته بيكلم اخوه في الموبايل بيقوله يطلع يقعد معانا المهم طلع قعدنا نتعرف على بعض و نسلم و بتاع

ف ف بعدها بقوله ع الإتفاق و الطريقة اللي هي شقتي هتشيل ٥ اوض انا هجيب ٣ و الأجهزة و هما أوضتين و الفرش و المطبخ ف المهم قالي عارف يبني انا لما حيت اتجوز جهزت بيتي بالكامل و دفعت مهر و جيبت دهب و طلعتها عمره بس عشان الظروف بتاعت البلد احنا بنساعد بعض ف قولتله طيب الإتفاق ده مناسب قالي اه تمام بس لازم نشوف الشقة الأول اذا كنت هتغيرها ولا نعمل العفش اصغر ولا ف حسيته بيتكلم في تفاصيل مالوش فيها بس معلقتش 
ف بقوله طب و الدهب انا فكرت مع نفسي و هجيبلها شبكة كاملة و مرضتش اقوله ان هي طلبت مني عشان محرجهاش قدامه ف راح قايلي بص يبني هو اقلهن مهراً أكثرهن بركة بس ده مش معناه انك تبخثها حقها 😂 ف قولتلها تمام ياعم و متقلقشقتلي اه انت هتجيب لأختك صح ولا ايه قولتله تمام راح اهوه وادد و قايل ايوه اقل شبكة دلوقتي تعملها ٥٠ الف ف قولتله تمام و حددنا معاد يجي يشوف فيه الشقة

المهم روحنا المعاد انا طبعاً سبقتهم و شويه و هما جم ف طلعنا اول م دخلو الشقة لقيتهم كلهم كشرو كانت هي و باباها و مامتها و اختها ف انا قعدت ساكت ف المهم الست اللي مأجرة الشقة فضتلنا السكة و دخلتها هي الأول تتفرج و هما وراها يدوب دخلت الطرقة بتاعت الشقة و راحت راجعه تاني و انا واقف في الصاله لقيتها بتقولي لا الشقة صغيرة مش قادرة قولتلها صغيرة عليا انا و انتي؟ ف قالتلي اه ضيقة ف انا سكت و بعدها كلهم دخلو يتفرجو و هي واقفه معايا في الصاله ف خلصو و انا واقف ف بقولهم هصور الشقة و دخلت اصورها الڤيديو معايا بالظبط دقيقه و ببص ملقتهمش ع السلم و انا ساكن في السادس ف المهم لبست الكوتشي بسرعه و نزلت وراهم لقتيهم ركبو العربية كلهم و باباها واقف بيقولي هي الشقة بتجيبلك كام إيجار قولتله ١٠٠٠ قالي اه قليل كنت هقولك تحطهم في شقة تانية إيجار ف انا سكت

و بعدها هما مشو و انا مشيت وراهم و طبعاً متشي دمي محروق و لقيتها بعتالي بتقولي انت متعصب ليه انا مش عارفه اهديك ولا اهديهم بقولها تهديهم ليه تقولي بابا شايف انك محترمتهوش انك وديته مكان زي ده و هي عارفه ان الشقة دي كنت عايش فيها انا و اهلي ف قولتلها انتو فاهمين انتو بتقولو ايه؟ انا كنت عايش فيها انا و عيلتي ف المهم متكلمتش ف لقيتها بتقولي عمالين يحرقو في دمي و يقولولي انتي معززتيش نفسك و معملتيش لنفسك قيمة ف انا بقولها كل ده عشان الشقة مش عجباكو ف قعدنا نهري في موضوع الشقة تاني ف هي مش هاينه عليا حد يزعلها ف بقولها حد قالك حاجة تاني بتقولي اه بابا قالي منتكلمش لحد م تتصرف في حوار الشقة قولتلها ابوكي قالك كده؟ امال ليه في الأول قالي انا مش فارق معايا و انا مش عاوز و راحة بنتي و هعمل و هخلي و جه في أول مطب خلع بتقولي اللي بتقولو ده عيب ف المهم قعدنا كده يومين لحد م هي قررت منتكلمش

و بعدها ب إسبوع بعتتلي ڤويس نوت ٨ دقايق اني محاولتش عشانها و اني كان في ايدي اعمل حاجات كتير و انا اتساهلت و معلومة صغيرة انا اول م اتقدمت كان عليا ديون ١٥ الف و كان حالي واقف في الشغل و هي عارفه و متأكدة و كنت حاكيلها كل حاجة و كنت قايلها اني مش هتقدم غير لما احمع تمن الدهب و لما حسيتها زعلت قولت هتوكل ع الله و مش هيخذلني

دلوقتي هاوز أعرف انا غلطان في حاجة او فعلاً محاولتش او معملتش اللي عليا؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coffee_68523 🇪🇬

منذ أسبوعين

شعور غاضب جدًا

في حاجه كده دايما تضحكني من بابا 🤨 مع إني دارسه علم نفس بس مش عارفه اشخصه حالته. بس المهم، آكتر حاجه بيضحكني إن ساعات بحس إن هو حاسس إنه وحش معانا و فجأة بلا هدف الاقيه من العدم يسألني يقولي 'هو أنا بتقل عليكي يا بنتي' لا خالص ده حتي مش مخليني عايزة انتحر مثلا أو اهرب من البيت خالص 🙂 (مع العلم إن

Mango_64751 🇪🇬

منذ أسبوعين

شعور متعب

عبّر عن شعورك بشكل مجهول

كل اللي يشوفني يديني اكبر من عمري و الشقا باين عليا ولا عمري جالي حاجه نفسي فيها مهما كانت هي ايه ولا عملت اي حاجه نفسي فيه أو حتي حاجه مشيت زي منا عاوزة ولو لمرة شكلي مش زي البنات اللي في سني ظاهر حياتهم كويس مشاكلهم أحسها جنب مشاكلي بسيطة تكاد تكون تافهه زي واحده محتارة تلبس انهاردة ايه تعمل لون شعرها ايه ضوافرها صحبتها خانتها حبيبها اللي مرتبطه بيه في الحرام من وري اهلها خانها نفسي في مشاكل زي دي مش مشاكل أهل مبتخلصش و كل يوم تملي الواحد عقد بكره نفسي و شكلي بسببهم بقيت بمشي ابص علي البنات اقول ليه انا مش شبههم ليه انا مش رقيقه زيهم هل أنا بجد جايه علشان اخدم اهلي بس زي ما امي بتقول ابسط حاجه مش بيجيبوها نفسي اشتغل حتي مش راضيين علشان افضل اخدمهم انا تعبت من كل حاجه كل ما اقول مش مهم الدنيا ييجوا هما يصعبوها عليا مفيش حاجه واحده فيا مظبوطه ساعات احس بالرضا واقول الحمدلله علي كل حال بإقتناع و لما ييجوا هما يتدخلوا ارجع للصفر تاني عمري ما طلبت منهم حاجه ولا جيت عليهم في حاجه و مع ذلك مطلعني وحشه و مقرفه حتي محدش بيهون ولا بيطبطب عليا انا لما حد ييجي يتقدملي حتي لو شخص مش كويس بقول ليه بصلي انا مبصش لغيري هو انا اصلا فيا حاجه تتحب

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_62681 🇪🇬

منذ أسبوعين

شعور متعب

انا شاب 26 سنة بجد تعبت من التفكير عايش مع اهلي مش محوشينلي فلوس خالص حاجه بسيطه جدا بشتغل شغلي مبيجبش حاجه حرفيا غير مصاريفي وكل م يزيد معايا فلوس ابويا يخلقلي فجوه ميدفعش النت مثلا يبطل يجيب حاجه اساسيه بحيث اني اصرف علي البيت حاسس اني مهما عملت او اشتغلت عمري م هتجوز او بالمعني الاصح امارس الجنس

Strawberry_67601 🇪🇬

منذ 3 أسابيع

شعور متوتر

مش عارفه اختار بين إرضاء اهلى وارضاء نفسي وطموحى ومستقبلى انا طول حياتى عيشت البنت المطيعه إلى بسمع كلام اهلى فى كل حاجه المرادى مش قادره اسمع كلامهم ومستقبلى يتأثر وبالتالى حياتى تكون صعبة

Coconut_15891 🇪🇬

منذ شهر واحد

شعور منزعج

هو طبيعي يكون عندي 21 سنه وأبويا بيتدخل فكل تفاصيل حياتي بالعافيه والحاجه اللي مبرضاش أعرفهاله بيروح يكلم زمايلي وصحابي ويقلب الدنيا لغايه ميوصلها هل ده طبيعي ؟؟؟؟؟

Nutella_63601 🇪🇬

منذ شهر واحد

شعور ضاق ذرعًا

Biscuit_25419 🇪🇬 هو غلط فعلا وانتى عندك حق ما ولاد إخوة ليهم ام واب يخرجوا معاهم ويعيشوا واللى يعاير حد بمرض دا انسان غير سوى نفسيا بجد حاولى تتكلمى معاه وتفهمية أن دا من حقك وان تخرجوا انتو وتستمعوا لان واضح زى ماقولتى هو آخر العنقود ومتعلق بأمة وهى برضوا بس حاولى تتكلمى براحة وحطى حدود لباقى العيلة بس باحترام وذوق

عرض الكل 4 نصيحة

عبّر عن شعورك بشكل مجهول

انا متجوزة من ٣ سنين عندي ابني ٩٠٪ من فلوسنا بتتصرف علي علاجه وبالتالي طبعا الظروف معظم الوقت مش احسن حاجة  واهلي كتر خيرهم ياما جريوا معانا علي دكاترة وساعدونا بفلوس في حين أن علي الجانب الآخر كنت بتعاير بتعب ابني من أهله بس للاسف مش دي المشكلة .
المشكلة أنه دايما بياخد نصائح  مامته كأنها أمر واجب التنفيذ والمفروض أن الواحد ياخد من النصيحة اللي تنساب حياته بس وكمان دايما اولاد اخوه مفروضين عليا في كل حاجة خروجة زيارة عائلية يجوا يقعدوا ويخربوا في البيت مع العلم أن اول سنتين كنا مستقلين تماما بحياتنا بس الموضوع ذاد بعد وفاة باباه (بقت مامته فضيالنا وهو آخر العنقود عندها ) .
انا اتلغالي مصيف بسبب أهله كل خروجة مامته تفضل ترن لغاية ما نرجع تستعجله يروح  حتي لو مشوار للدكتور واتخرنا فيه ( مامته شغاله معاه في المحل بتاعنا ) أو أنها عيزانا ناخد حد من عيال اخوه وهكذا بقي ف كل اقتراح مصيف أو خروجة وكأن محرم عليا أخرج وأبسط مع جوزي لوحدي 
دلوقتي هو منكد عليا عشان مش عايزة اخد بنت اخوه معايا المصيف اللي بحلم بيه بقالي سنتين وانا مش عارفة  افصل حياتي عنهم ازاي انا نفسيتي تعبت وهمومي كتير ومابصدق الاقي يوم ابسط فيه مع جوزي وابني

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Banana_57519 🇪🇬

منذ شهر واحد

شعور مستنزف

انا عارف ان الكلام اللي هقوله ده مش طبيعي بس انا بجد بقيت بكره عيلتي كلها بما فيهم امي وابويا واخواتي ويتمنى اليوم اللي اعيش لوحدي انا بدرس وبسافر ولما ببقى بعيد عنهم بكون مرتاح اوي ونفسيتي كويسه بس لما برجع نفسيتي بتبقى في الأرض وبجد مش عارف اعمل ايه نفسي بس اني اشتغل واستقل عنهم خالص بس ده موضوع

Banana_69853 🇪🇬

أنا بنسي كتير وعملت ليا أزمة في حياتي

......انا بقيت بنسي كتييير و عامله ليا ازمه لدرجه اني الصبح و انا رايح الشغل باخد ساعه بدور علي حاجتي الشخصيه الاقي التليفون انسي المفاتيح الاقي المفاتيح الحمدلله و خلاص طالع من البيت احمدك يارب انسي الشاحن لاني نسيت احط التليفون علي الشاحن من بليل ارجع تاني اجيب الشاحن اتأخر علي الشغل المحفظه🤦🏻 وها كذا دا روتين كل يوم حتا و انا ماشي في الشارع لو قابلت واحد اعرفه و اتكلمت معاه شويه انسي انا كنت عايز اي و في مناسبات ببقي معزوم عليها ينساها و في ناس كتير بتزعل مني بسبب كدا و ممكن يكون واحد بيحكيلي حاجه و بيكلمني و بعد شويه اسأله انت كنت بتقول اي مكنتش كدا خااالص و بحاول بحاول بجد اتخلص من الموضوع دا مش عارف و حاليا مش لاقي مفاتيح الشغل هعطل ناس كتير الصبح عن شغلها بقالي ٣ ساعات بدور عليها الحمدلله المشكله ان دا طبيعي و مش بشرب حاجه و لا بتعاطي حاجه عندي مشاكل ؟ عندي محيط مشاكل في حياتي و كل يوم واحد يجي يقعد معاك بحكيلك مشاكله و المطلوب منك انك تسمعه و اقسم بالله ببقي نفسي اسمعه و احل معاه بس انا مش معاه اصلا ببقي في كوكب تاني يا جماعه الحياه مشقه و ربنا يخرجنا منها علي خير ...عرض المزيد

0 الدعم

0 نصيحة

Banana_66504 🇪🇬

شعب مظلوم مقهور واتنزع منه إبداعه

احنا شعب مظلوم مقهور شعب اتوحل في الديون والمشاكل شعب اتنزع منه إبداعه أصبح غير قادر الابداع أصبح غير قادر علي التميز كلنا مديونين كلنا عندنا مشاكل مع الناس القريبين لينا وسقطت كل الاقنعه المزيفه علشان نفهم أننا بعاد عن ربنا اوووووى وربنا سبحانه وتعالى هو الملجئ لكل عباده لا يغير الله ما بقوم حتى يغيروا ما بأنفسهم يارب افرجهااااااااااا ...عرض المزيد

0 الدعم

0 نصيحة

Chilli_19172 🇪🇬

خطيبتي بتتكسف مني كتير قبل الفرح.. أعمل إيه؟

هقرفكم شوية الفترة دي لأن معنديش حد اخد رأيه ف قولولي ازاي اخلي خطيبتي تبطل تتكسف مني علشان هي لغايت دلوقتي وبتتكسف مني خالص وفرحنا خلاص قرب وهي خجولة وأقل حاجة لو عاكستها بتتكسف مني دايما بحاول اقنعها ان هي كمان شهرين وهتبقي مراتي وهي تقولي ماشي ان شاء الله وبتتكسف مني كسوف مش طبيعي ...عرض المزيد

0 الدعم

6 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع