عايز حلول للإدمان وضاع مني الشغف في الحياة

Question

عايز حلول متجربه ف الإدمان أنا بشرب مخدرات و فاقد الشغف ف الحياه كلها من كلًحاجه فلوس خروج بنات كل حاجه فاقد الشغف فيها و الفكره إني ببعد عن المكان الي فيه مش بشرب أي حاجه خالص أنا حرفيا بقضي يومي كله نوم و سايب الشغل وًكل حاجه لو حد يعرف ازاي أغير طريقه التفكير او أحسنها يقولي ازاي 
و الفكره إني الي اعرفه مدمن مفيش أي وقت يقدر يقعده من غير شرب و أنا ممكن اقعد ب ال٣ شهور لو بعيد عن المكان الي فيه شرب ف ده ايه حله

Coffee_27700 🇪🇬 · Accepted Answer

أولا انت شخص جميل من جوة عشان أنا عارف قد ايه الموضوع صعب بس انت عايز تتغير.
الإدمان بيبقى وراه أسباب نفسية لإشباع احتياجات نفسية غير ملباة عندك. المعالج النفسي هيقدر يساعدك جدا تعرف الاحتياجات دي وتشبعها بطريقة صحية.
ولو بتحب تقرأ انصحك تقرأ كتاب (ممتلئ بالفراغ) هيفيدك

Watermelon_35550 🇪🇬 · Answer

إبداءب الصلاه

Biscuit_33979 🇲🇦 · Answer

تعليق الأول إختصر كل شيء اعد علاقتك بالله تعد لك نفسك

Biscuit_33979 🇲🇦 · Answer

+ اعن نفسك بصحبة الصالحة و تفكر وش اضرارو عليك كل ما تجي تفكر تشربه

Biscuit_38298 🇪🇬 · Answer

احسن حاجه ان انت من جواك عايز تتغير و دا اللي هيدفعك ان شاء الله انك تحسن من حياتك و حوار انك بتقدر تقعد بالشهور منغير ماتعمل كدا دي كمان حاجه ايجابيه يعني انت لسه في البدايه و تقدر انك تبعد خالص ..انت كدا كدا لازم تبعد عن اي صاحب ليك كنت تعرفه بيعمل كدا و اي حد عرفك علي السكه دي عامة لان دا مش عايز مصلحتك... المكان دا تقطعه خالص و ماتهوبش نحيته و تنساه اصلا و حاول تصاحب ناس كويسه و قرب من ربنا،،،

Biscuit_38298 🇪🇬 · Answer

و بجد بدعيلك ربنا يصلح حالك و يريح بالك و يرزقك بصحبه صالحه

Coconut_38288 🇪🇬 · Answer

اولا روح مكان ييساعدك وتبقي عايز ده من جواك  واتاكد ان المخدرات دي مخلياك تفقد مشاعر مهم انك تحس بيها ووقت انت اولى ييه  اقتع مع اي حد عرفك عليها وابعد عن  قعدتهم اصلادور ع حلم انت عايزه وقرب لربنا

Strawberry_38139 🇪🇬 · Answer

والى مبشربش بردو فاقد الشغف ف انتا هتسيب نفسك كدا لا طبعا اولا تبعد عن المكان والناس الى عرفتك عليها والهى نفسك بأى حاجه بتحبها وصلى وقرب من ربنا يمكن تبقا فرصه كويسه انك تتوب عن كل حاجه عملتها زمان وتبعد عن المخدرات

French Fries_38295 🇪🇬 · Answer

الفكره إني الوحيد ف صحابي الي بشرب و الي بيبعولي يعرفوني و عارفين إني مش وش كدا كل مره باجي اشتري الي بيبيع بيبقي زعلان

Marshmallow_27828 🇰🇼 · Answer

شوف بودكاست د. عماد للمتعافي

French Fries_38295 🇪🇬 · Answer

الفكره ان ده المكان الي عايش فيه لما يبعد يروح عند اخويه او اختي و صحابي مفهمش حد بيشرب

French Fries_38295 🇪🇬 · Answer

م الفكره ان صحابي مش بيشربوا أصلا و أنا لما ببعد عن هنا مش بشرب اجي هنا بشرب بخرج و يروح حتت حلوه و صحابي كلهم لغات و شغل كويس أنا الوحيد الي بعمل ده أنا حتي لما بينزلوا علي القهوه سعات كتير بكسل

French Fries_38295 🇪🇬 · Answer

هعمل كدا في حجات زي دي دكاتره بتحكي تجارب او كدا

Strawberry_38139 🇪🇬 · Answer

خلاص خليك معاهم بدام كويسين وبدام انتا ناوى تتغير ربنا هيكرمك انشاءلله

French Fries_38295 🇪🇬 · Answer

ربنا يصلح حالي و حالك يارب

Avocado_29715 🇪🇬 · Answer

اهم حاجه طبعا واول حاجه انك تقرب من ربنا وتنتظم فى صلاتك وتدعيه من كل قلبك انك فعلا عايز تبطل وان عايز تبقى شخص احسن وتتحسن 
كان فى كتاب اما قرأتو انصحك بيه جدا وهو كتاب (ربع جرام)لعصام يوسف الكتاب بحكى عن تجربه شاب مع المخدرات بدأها من وهو عندو ١٢ سنه لغايه وهو فى الثلاثينات وازاى كان فاقد كل احساس لدرجه انو سرق اهلا كلهم عشان كان مش قادر يقعد من غير والشرب وازاى فعلا خد خطوه انو يبطل

Avocado_29715 🇪🇬 · Answer

وبيحكى ازاى الشاب بدأ يتعافى وبدأ فى نفس المجموعات والناس إللى اتعافى فى وسطهم يوعى الناس إللى كانو زيو فى الاول 
واهم حاجه فى المخدرات التحكم فى النفس ولو مش هتقدر يبقى تخلى حد يتحكم فيك يعنى مثلا كنت خلاص مش قادر وهتموت وتشترى او تشرب او هكذا على حد مثلا يقفل عليك فى اوضه او هكذا ده لو انت مش هتقدر تتحكم فى نفسك

Chilli_38338 🇪🇬 · Answer

ابعد عن ايه حد بيشرب مخدرات صحاب ناس بتصلى وانت هتكون كويس اعرف ربنا كويس وهو هكون معاك

Olive_38329 🇪🇬 · Answer

لازم مصحه ولازم تبقي قوي ولازم تبعد عن القعده والصحبه دي

French Fries_38295 🇪🇬 · Answer

الفكره إني خايف اخش مكان او كده مستفادش حاجه