ما الي بالعاده احلم ولو حلمت ما بتذكر احلامي بوضوح بس اليوم حلمت حلم عن كل احلامي طول حياتي لدرجة وانا بالحلم بدعي ما يكون حلم واقنع حالي انو انا صاحيه صح ما بحلم؟؟! صحيت من الحلم بشاهق ودموعي عخدي اول مرة بحلم فيك وما بتكون شخص تاني بالحلم يعني بالعاده بس احلم اني شفتك و بركض عليك بدي احضنك مشتاقلك بدي اعيط بحضنك بطلع حد تاني بشبهك حتى بالحلم!!! المرة هاي لا ،اليوم كنت انت ما بعرف كيف وليش بس انت كنت عنا بالصالة ممدود عالكنباية وجنبك ولاعه اجى بابا اخدها يعطيها لخالو عشان بدور عولاعته ومش لاقيها بالتفصيل خالو نازل من الدرجات بطلب بولاعة اجى بابا اخدها من جنبك انت رفعت حالك! كانك كنت بغيبوبه طويلة مو كنت ميت بس بالحلم كنت عارفه انك ميت ما اوصفلك شعوري بس شفتك رفعت راسك صفنت للحظة،انت جد رفعت راسك؟ انا بتهيألي صح! لا استنى انت جد قمت و بتتطلع حواليك زي دايما لما كان اي حد يوخد ولاعتك تقوم تسأل مين اخدها مع انها يمكن اصلا مش الك وماخدها من حد تاني😂 اخد مني نص دقيقه عشان استوعب رحت ركاض حضنتك مش مستوعبه ايش في شو الي صار انا الي شايفه حقيقي جد؟ قعدت انت بالصالة ما بعرف مع مين وانا فتت عغرفة ماما وبابا بعيط و بستوعب و بفكر انا بحلم معقول؟ بس انا متأكده اني صاحيه مش بحلم والله انا مو بحلم،،بس للاسف كان حلم... لسا ما خلصت بعدها رجعت قعدت عندك بالصالة حضنتك وما سكتت عياط نفسي احكيلك قديش مشتاقلك قديش انا بحبك قديش في اشياء بحياتي صارت كان نفسي انك تكون جنبي فيها بس ما قدرت دموعي ما كانو راضيين يوقفو ما بدي اشي تاني مو هامني اشي غير انك انت عايش وانا بحضنك ما بعرف مين اجى وشافني بعيط هيك حكالي ول عشو كل هاد تراه عمك مش ابوكي بس ماما حكتلو انو اه هو عمها بس هو ابوووهااا او بالحرف Yes, he is her uncle, but to her he is her father كنت ماسكه ايدك وحاضنتك وبعيط لدرجة صحيت وانا بشاهق ودموعي عوجهي صحيتت!!!!!!! ليش هو انا كنت بحلم؟ لااااا احكولي انو ما كان حلم طب خلص بدي ارجع انام رجعوني لهالحلم بديش اكتر من هيك قمت مش مستوعبه اشي حولي انا هون بس مش هونن انا لساتني عندك مش قادر استوعب مشيت بالبيت وقفت بالصالة مكان مكنت نايم ومكان ما حضنتك و كان نفسي اشوفك هناك بس للاسف الحلم ما بستمر للابد وللصدفه كنا معزومين عندكم ولك ان تتخيل كيف طول اليوم ماسكه حالي بالزور ما تنزل دموعي وانكد عكل الي حوالي ،،انا عارف كل واحد فيهم جواه غصه ونفسه يعيط و بدو حد يطبطب عليه اشتقنالك كتير اشتقتلك كتيييييييرررررررررررررر فوق متتصور بتعرف اني لهسا عقلي مو قابل يصدق اصلا انك رحت مش مستوعبه وغالبا ما بدي استوعب لاني عارفه ما رح اقدر اتحمل الواقع ما بعرف اذا بتعرف هاد الاشي عني بس انا بعرفش افتح قلبي لحدا بعرفش اعيط قدام حدا بس نفسي نفسي حد بس يسمعني و يوخدني بحضنه اعيط واعيط واعيط بحبك كتيييييرررر اكتر حتى من ما كنت انا متوقعه الله يرحمك يا حبيبي ويغفرلك ويسكنك فسيح جناته ويا رب نقابل بعض بالجنه يا حبيب قلبي انت حبيبتك وبنتك و"حصتك" لُّ لَّ *رسالة من المستحيل ان تصل*❤

7

1