بكلم نفسي كتير.. هل ده مرض؟

Question

كلام مش مش مترتب
حكايه بقالها معايا كم سنه 
انا بقيت والحمدلله بكلم نفسي كتيير للاسف ده مش ذنبي 
بقيت أخلق أشخاص في دماغي وتتكلم والتفاعل معاهم بس لسه مردوش عليا (مع اني نفسي )هو انا بس بخلقهم انها بيسألوا وانا اجاوب أو مثلا من غير م يسألوا بكلم معاهم مين دول بقي ممكن يكونوا ناس انا قابلتهم ف الحقيقه  ويمكن ناس اصلا انا اللي بشكلهم في دماغي  
هل ده مرض
وانا بتكلم هنا يمكن عرفت الاقي مكان اعرف اتكلم فيه  
مع العلم انا كويس جدا والحمدلله هي بس حته الادمان اللي عندي دي (وهضل اقولها لحد متعافي منها)

Potato_56051 🇺🇸 · Answer

بصراحه الموضوع شدنى ممكن تتكلم عنه اكتر خصوصا
اعتقد انى ف بداياتو

Banana_28893 🇺🇸 · Answer

بقالي ١١ سنه تقريبا كدا .. الموضوع في أوله جميل و هتلاقي نفسك بتطلع طاقة فيه وبتلاقي حد تحكيله (رغم انك واعي وعي تام أن دا خيال) بس بتكون مرتاح .. بعدين مش هيكون كفاية بالنسبالك انك تتكلم بس ف هتخلق مواقف زي مثلا انك تقابل واحده وأحبها وقد ايه انت ناجح ومفيش منك اتنين .. شوية شوية هتلاقي كل حاجه خلصت .. هتلاقي نفسك حرفيا استهلكت كل افكارك ومش قادر تجمع افكار تانية عشان تبني عليها العالم بتاعك

Banana_28893 🇺🇸 · Answer

ف هترجع للواقع وهتتصدم بيه ومش هتكون مرتاح وعايز ترجع للعالم بتاعك بس مش قادر لأن افكارك خلصت .. هتفضل كدا لغاية ما حاجه جديده تحصل في حياتك .. شخص جديد او شغل جديد او اي حاجه غير مألوفه تبني عليها مواقف جديده في مخيلتك .. كل الناس بتكلم نفسها بس فيه فرق بين الي بيعمل كدا مره كل اسبوع وبين الي بيعمل كدا ساعات كتير كل يوم ( زيي مثلا ) .. ف حاول تلحق الموضوع من أوله لانه هيضيعلك وقت كبير قدام

Strawberry_58478 🇺🇸 · Answer

ده بيبقا هروب من الواقع او انت نفسك تعيش حياه ورسمها فدماغك غير إلى انت عايش فيها

Marshmallow_59452 🇺🇸 · Answer

انا عندي برضو نفس المشكله وبقت اوفر برضو معايا لدرجة ان بتخيل ان بحكي لناس مش موجوده حاجات حصلت معايا وكلو جوه دماغي وطول الوقت انا كده لدرجه انها بقت حاجه مزعجه اوي

Cookies_59710 🇺🇸 · Answer

انا كدا باردو بس باستخدام الموضوع دا ف المذاكره أكثر او وانا بخطط لحاجه او بكلم نفسي كاني طرف تالت وبقتنع بكلامي والله .تحس اني ملبوس ..بس اعتقد ان دا زكاء ويمكن عبقري اللي عندو المشكله دي

Strawberry_57507 🇺🇸 · Answer

دا ذكاء و قلته هتفصلك عن نفسك أو عقلك 
دا معناه تصالح مع الذات انك قادر تصادق نفسك

Banana_59263 🇺🇸 · Answer

السلام عليكم ورحمة الله وبركاته  هو حلو قوي انك تكون اسرارك مع نفسك بس مش حلو انك تتخيل اشخاص وكمان تكلمهم بدل ماتكلموا نفسكوا في حل احسن بكتير وفي الاخر هتلاقي المشكله اتحلت هي انك تفرش سجادت الصلاه وتتكلم مع ربنا في كل حاجه نفسيا هتستريح خالص وعمليا المشكله اللي وكلتهاله هتتحل.. جرب صدقني انت الكسبان