هو انا لو دايما حاسس بحزن متخزن ف قلبي وبحس ان قلبي اوقات يوجعني من الحزن ده بس مش بيطلع دايما موجود وبيزيد اكتر اوقات بس هو موجود دايما بالفعل ومهما عملت او حاولت اعمل حاجه تساعدني اني اتبسط مش بيمشي الحزن ده مهما صليت مهما دعيت و مهما حاولت اعمل خير او اساعد حد او اسعد حد بردو مش بيمشي الحزن ده وبيفضل ملازمني كانه مكتوب معايا وقت ولادتي وانه ماينفعش يسيبني ابداا وبيقلب معايا بخوف كبير جدا من الحياة ومن الناس وبكون عايز اقفل علي نفسي طول الوقت ومش اتعامل غير مع اللي اعرفهم بس حرفيا وبكون دايما عايز اموت مش عايز اعيش بفضل احسب الايام ليا وبقول هو معادي امتي بقا اكيد دي مش حياة حد طبيعية او ربنا مش بيكتب علي حد يكون موجوع طول الوقت وطول حياته دي اكيد مش كدا واكيد فيه حاجه غلط ازاي مش عارف اكون علي الاقل مرتاح البال او هادي داخليا لان بيكون فيه حرب حرفيا بتهلكني وبتدمرني جوايا وطول الوقت بكون عايز اعيط وأخرج الألم ده مش بعرف يعني مثلا ممكن اكون ف خروجة المفروض رايح اتبسط او مثلا رايح فرح بفضل وانا ف اي مناسبه المفروض انها سعيدة بكون جوايا حرب ولوم وعتاب وخوف وكل المشاعر اللي تكرهني في نفسي اصلا وتخليني مش قادر استمتع ابدا ولا افرح وبكون عايز اعيط وانا وسط المناسبة اصلا بجد انا تعبت وبحاول بقدر الإمكان اكون كويس بس مش قادر وبجد استنفذت محاولاتي اني اكون مش حزين دايما وبقول يارب اكيد دي مش المفروض تبقي حياة حد انه يفضل حزين اوي كدا

4

0