حواليا ناس كتير، بس عمري ما حسّيت إن في حد سمعني بجد. الكل بيرد، الكل بيهز راسه، بس مفيش حد وقف وسألني: "إنت عامل إزاي بجد؟" محدش خد صمتي على إنه وجع، ولا شاف ضحكتي اللي مافيهاش طعم وقال: "مالك؟" بقيت أتكلم وأنا عارف إن الكلام هيقع في الهوا، وأحيانًا بسكت علشان الصمت أرحم من الردود الجاهزة. أنا مش معقد، ولا محتاج معجزة، أنا بس كنت مستني حد يشوفني… من غير ما أشرح. حد يحس إني مش تمام، ويفضل موجود… من غير ما أطلب.

4

0