حاسه بالتيه بعد التخرج وعايزه أغير دا

Question

حاسه اني من بعد م اتخرجت وانا تايهه جدا مش عارفه اعمل اي ولا ابدا ازاي بيجيلي اوقات شغف وأوقات لا اني اعمل حاجه او اتعلم حاجه ببعد عن ربنا شويه وبرجع تاني ويعمل ذنوب بس برجع تاني لربنا أنا مش حاسه اني حد كويس بجد وعايزه اغير دا وعايزه اصلا افهمني وأحط بلان صح امشي عليها

Sugar_64726 🇪🇬 · Answer

سيبها علي الله وادعي ربنا انه يدلك علي طريق صح

Coconut_65176 🇪🇬 · Answer

صلي كتير
وقربي من اسرتك اكتر

Apple_68133 🇪🇬 · Answer

اللي إنتي فيه طبيعي جدًا، وبيحصل لناس كتير بعد التخرج.
فكرة إنك تحسي إنك تايهة، مش معناها إنك فاشلة معناها إنك لسه بتبدئي، ولسه بتدوّري على نفسك وسط الزحمة
مفيش حد شغوف طول الوقت، عادي جدًا إن الحماس ييجي ويروح، المهم إنك لما يرجع تكوني جاهزة تبدأي، حتى بخطوة صغيرة
وبالنسبة لربنا، إنتي مش لازم تكوني مثالية علشان تقربي،هو عارفك وعارف نيتك، والرجوع له دايمًا أصدق من أي حاجة
1

Apple_68133 🇪🇬 · Answer

2

أما موضوع “أنا مش حاسة إني حد كويس”،
فده أخطر إحساس ممكن يسيطر على البني آدم، لأنه بيخليه يشك في أي خطوة حلوة بيعملها.
وإنتي كويسة، بدليل إنك بتفكري تشتغلي على نفسك وتفهميها، وده لوحده أكبر دليل إن جواكي حاجه كويسة
والأهم:
بلان الحياة مش ورقة جاهزة، دي خطوات بتتبني يوم ورا يوم، والمهم إنك تفضلي ماشيه حتى لو ببطء