حاسه انى مخنوقه اوي عقلى عمال يفتكر حاجات كتير اوى حاولت انساها لكن مش قادره انسى بقالى سنه كامله مش بعمل حاجه غير انى بحاول اتعافى وبحاول ابقى كويسه عارفه أنها فى الاول والاخر كانت علاقه حرام ومترضيش ربنا لكن نفسي فى العوض بحس انى بحجه وانا بقول نفسي في عوض ربنا وانا أصلا عصيتو منين بطلب منو حاجه وانا أصلا اللى مشيت غلط حاسه بتوهه وانى حتى دعائى مش هيستجيب وإنى مليش عين ادعى وزعلانه من نفسى وعلى نفسى كان نفسي مش اعيش كل دا كان نفسي ميبقاش ليا زكرى وحشه اوى كدا على قد ما اتعلمت منها على قد ما وجعتنى وجعتنى اوى انا مش بعرف اثق فى الناس عموماً مش بعرف اصدق حد مش بعرف ولا قادره اصدق إن حد تانى حبنى وممكن فعلاً يكون عايزنى في الحلال لكن انا حتى مبديش لحد فرصه طول الوقت حيطه سد محدش يجرأ حتى يقولى حاجه من كتر ما انا فعلاً قفلت الباب دا خالص عارفين لما تكونوا مش عايزين اى حاجه غير انكم تحبو حب حلال حب فيما يرضى الله نفسكم في حاجه كبيره حاجه مكنتوش تحلمو بيها حتى حاجه تنسيكم كل اللى فات بحس انى عمرى ما حد حلو ممكن يحبنى بحس ان جمالى قليل عن باقى البنات واللى بحس حتى انى معجبه بيه وعسول وحلو بحس انو عمروا أصلا ما هيبصلى عارفين انا حاولت كتير احب نفسي وحبتها كتير وطول الوقت بقيت خايفه عليها وبخاف ازعلها وبخاف اجرحها محافظه عليها لكن اوقات كتير بقف قدام المرايه وبقول هوا انتى حلوه بجد ولا بتوهمى نفسك عشان تحاولى تعيشى حياتك من غير زعل هوا انتى فعلاً ممكن تتحبى وتحبى تانى مبلقيش اجابه حتى على نفسى..انا مخنوقه فعلاً اوى ولأن مفيش حد هنا ممكن يعرفنى اتكلمت لو حد عندو كلمه حلوه ياريت يقولهالى يمكن كلامكم يهون عليا

3

11