جوايا جفاف عاطفي سنين ومش عارف أتعامل

Question

حاسس بجفاف عاطفي بقاله سنين ومش عارف أتكيف معاه عندي 23 سنة ومحصلش في حياتي أي تجربة عاطفية حقيقي  مش إن المشكلة في إني بدور على علاقة والسلام  بس في جزء جوايا حاسس إنه بقى ناشف كده من كتر الحرمان
اللي مزعلني أكتر إني شخص بحاول أطور من نفسي واهتميت بنفسي كتير في حاجات بس الجزء ده تحديدًا دايمًا فاضي
مش عايز شفقة بس بجد هل في ناس تانية حاسة كده؟ وإزاي ممكن أتعامل مع الإحساس ده من غير ما أتحول لإنسان بارد أو منطوي؟

Marshmallow_58784 🇪🇬 · Accepted Answer

شفقة ايه وبرنجان ايه دانت اللي تشفق علينا! دانت الصح واحنا الغلط! انا عايز اقولك لولا حُرمانية الجهر بالذنب كنت قلتلك انا بجاهد في حياتي بسبب الفتنة دي اد ايه ، كل ماجتنب الاقي الف باب بيتفتحلي ، بس اقسم بالله وربنا رقيب علي يميني يمكن صدق كلامي تستشعره ف مثال بسيط هقولهولك هتفهمني ، انا عندي صاحب ميتخيرش عنك ولا عمره كلم ولا سوا ولا خاض اي تجربة ، ولسة خاطب من يومين انتمش متخيل هو عامل ازاي!

Sugar_51886 🇪🇬 · Answer

يمكن ربنا مخلي الجزء ده عليه ستاره لسه مظهرش عشان ربنا عايز يبعتلك الشخص الصح اللي تخرج مشاعرك دي معاه بس ما تدخل في تجربه عاطفيه وتتكسر وتبقى معندكش القدره انك تدي الحب مره تانيه 🤷🏻‍♀️
لعل الله يحدث بعد ذلك امرا

Sugar_51886 🇪🇬 · Answer

الجفاف العاطفي أن حد يديلك مشاعر وانت مبتتأثرش ولا بتحسها حتى
والجفاف العاطفي انك متعرفش تدي مشاعر 
حاول تخلي شخصيتك تنضج اكتر نفسيا واجتماعيا وعاطفيا عشان تبقى مؤهل نفسيا و عاطفيا أن حد يدخل حياتك

Avocado_54882 🇸🇦 · Answer

الزمن دا الحفاف العاطفى والحرمان بقو سمه العصر علشان تتخطى الموضوع دا لازم تفكك من او تفكير وتفكر فى نفسك وشغللك وتركز فيه الناشف هو اللى بيعرف يكمل الزمن دا

Lemon_52655 🇪🇬 · Answer

بالعكس أنا شايف إن مشاعري ناضجة وبعرف أدي وبعرف أحتوي وبفهم كويس أنا حاسس بإيه وعايز إيه يمكن النقطة كلها إني مش لاقي الشخص اللي يخليني أخرج اللي جوايا

Lemon_52655 🇪🇬 · Answer

يمكن مش ناشف بس بحافظ على اللي جوايا لحد ما ييجي اللي يستاهله وبرضو الواحد ساعات بيحتاج يحس باهتمام من شخص معين

Lemon_52655 🇪🇬 · Answer

:

عندك حق يمكن فعلا ربنا مخبي الجزء ده علشان لسه مظهرش اللي يستحقه ويمكن ده لطف منه علشان ما ادخلش قلبي لحد ماكانش قد المشاعر دي

Marshmallow_58784 🇪🇬 · Answer

بيعيش كل حاجة شغفها في الحلال ! كل حاجة لاول مرة ! كسوفه وتوطية صوته وقلبه بقا اللي عمال يدق ! وشراه لخاطرها وزعلها !! انا قلتله انت طول عمرك بتقول عليا انا اللي مفتح وادرجي ومقطع السمكة !! لكن ف الحقيقة هو اللي صايع ومفتح لانه عَف نفسه

Marshmallow_58784 🇪🇬 · Answer

ربنا بيحبك وله حكمة ،هتفهمها لما ربنا يرزقك خَير زوجة ان شاء الله ، ساعتها كله هيبقا في طاعة ربنا ، الكلمة الطيبة والحلوة اللي هتقولها ليها ولا تسمعها منها هبقا ف ميزان حسناتكم وهتبقا صدقة ..
اسمع نصيحتي والله والله انت الصح

Avocado_58487 🇪🇬 · Answer

يعني انتا عاوز تكلم بنات علشان متحسش بالجفاف العاطفي، احمد ربنا انتا في نعمة، وعلي فكرة انتا مش لوحدك في كتير أعمارهم كبيرة وعمرهم ما فكروا أو حاولوا يعملوا حاجة ذي دي واقرب مثال أنا عندي ٢٣ سنة عمري ما كلمت بنت حتى لو شات ولو حصل وحد بعتلي بعمل حظر علي طول من غير مقدمات.

Lemon_52655 🇪🇬 · Answer

انا مش قصدي ان انا عايز اكلم و كده لا بس الاحساس نفسه رخم و  دائما بصبر و بدعي ان ربنا يرزقني بالزوجه الصالحه في الحلال ربنا يعافيك يا اخويا و يعينك على الخروج منه سليم يا رب

Lemon_52655 🇪🇬 · Answer

لا انا مش عايز اكلم بنت عشان كده ولا انا اصلا بحب الحوار ده بس انا قصدي عن المشكله نفسها هو الاحساس اللي رخم شويه

Avocado_58487 🇪🇬 · Answer

انتا محتاج تراجع نفسك، حول تشد علي نفسك شوية طالما الموضوع مشاعر

Sugar_51886 🇪🇬 · Answer

انت جاوبت على نفسك اهو 🤷🏻‍♀️✨لسه الشخص هيجي في الوقت المناسب اللي ربنا هيبعتلك فيه زي ما قولتلك الجزء ده اكيد ربنا مخلي عليه ستاره عشان ميجيش اي حد تديله مشاعرك ع الأرض وع الفاضي