.png)
Watermelon_35031 🇪🇬
منذ 8 أشهر
.
شعور مكسور القلب
حاسس ان ربنا بيكرهني اوي !! كنت شاب وطالب ازهري وبحب اقراء في الـ ما ورائيات ، والشياطين ، والجن ، الخ.. وجت عليا فترة بقيت بسال نفسي ليه المسلمين ضعفاء ... معلش يعني ، بقالنا ٩٠ سنه بندعي علي الظالمين ويارب حرر (البطيخ) والخ ، ٩٠ سنه ربنا مش بيستجيب دعائنا ؟ ايه كلنا انجاس يعني ؟ مع طبعاً دخول شريف جابر وامثاله والافكار والتشكيك بتاعهم ، فا حصل المتوقع ، ان دماغي راحت بعيد وبقيت زيهم ، ومبقتش اصلي نهائي ، المشكله مش هنا ، المشكله اني اتصاحبت علي شخص (ساتانك) وقربنا من بعض لحد ما دخلني وسطيهم ، وعرفني علي مجموعه ، وهما دول بقو اصحابي القاعد معاهم طول الوقت وبعدت عن بقيت اصحابي ، ساعتها الدنيا اتغيرت وبقيت بعمل الانا نفسي فيه حرفياً، الحرام كان سهل اوي اوي ، كل الكنت بتمناه كان بيجيلي ، وحظي كان حلو اوي في كل حاجه ، بس جيت في يوم من الايام ، كان يوم الخميس ، و (مكنتش في وعي) روحت البيت ووالدي طلب مني اخد شاور عشان تاني يوم الجمعه، وبالفعل عملت كدا ، وطلعت علي السرير ونمت، صحيت قبل الفجر بساعه ، كانت اسواء ساعه طول حياتي ، عذاب من برا وجو جسمي ، وكنت شايف شخص واقف جنبي رغم ان انا بتشارك مع اخويا في السرير ،هو واخد السرير التحت وانا واخد السرير الفوق ، ومع ذالك الشخص دا كان واصل لحد عندي ، اول ما اذان الفجر اذن ، كل حاجه بدات تختفي واحده واحده ، من عذاب وتقطيع في الجسم وصهد جاي من الحيطه الجنبي ، واخر حاجه اختفت هوا الشخص الطويل دا ، واختفي بطريقه غريبه ، قعد يصغر حرفيا وحدا وحدا وببطئ لحد ما اختفي خالص ، بس ومن بعديها بعدت عن كل اصحابي دول لاني ترجمت ، طالما في شياطين ، يبقا في ملائكه ، وطالما في ملائكه يبقا في اله ، وهكذا ، وقررت ارجع تاني للاسلام وانا مؤمن تماماً زي ما بيقولو صدق الايمان، بس في حاجه اتغير ومرجعتش من بعد رجوعي للاسلام ،،، حظي ، البركه ، الرزق ، الحلال. اي حاجه حرام سهل اوي اني اعملها ، وحظي فيها حلو اوي ، يقدر يغير حالتي الماديه وحالي عموما ، والحلال صععععب ، صعب اوي ، وحظي فيه وحش جدا جدا ، رغم اني اسلمت بقالي ٤ سنين ، وصليت وصومت وتصدقت ودعيت وعملت كل حاجه ورقيت نفسي ، ومع ذالك ، في حاجه اتغيرت وحاسس انها مستحيل ترجع ... وهيا حب ربنا ليا. بدات احس انو بيكرهني ... فتحت اكتر من ٣ مشاريع وصارف فيهم كل فلوسي وطاقتي وصحتي ووقتي ومع ذالك بتفشل. ايه الحل ؟
10
8
.png)
.png)
.png)
