حاسس إني عايش ع الهامش، مش هامش المجتمع، لأ… هامش الوجود نفسه. كأني مش محسوب، ولا في حد واخد باله إنّي لسه موجود. بقيت باصحى من النوم وأنا حاسس إني مرجعتش، كأني كنت في حفرة وفضلت فيها، وكل حاجة فوق بتتحرك وأنا تحت، ثابت، مخنوق. مش بنهار، بس في انهيار ماشي جوايا على البطيء، كأن في سقف بيقرب من وشي كل يوم سنتي، وأنا بضحك للناس عادي، وبقفل الباب عليا أستنى السنتي اللي بعده. مش عايز أتكلم، ومش مستني حاجة من حد، أنا بس زهقت من فكرة إني موجود وخلاص، ومحدش واخد باله… ولا أنا حتى.

2

0