حاجة غريبة مكان تقدر تقول فيه كل اللي جواك.. من غير ما حد يعرف انت مين تحس ان ده الحاجة اللي هتنقذك.. تقول في نفسك "الله اخيرا التكنولوجيا اتطورت.. ده فعلا اللي كنت مستنيه" تتخيل ان كل مشاكلنا هتتحل عشان كان ناقصنا بس اننا نقول.. نتكلم.. نشارك وفي نفس الوقت لما حد يقولنا مالك.. نقول احنا كويسين.. جايز تكون بتكتب للدنيا دلوقتي الحاجة اللي كاتمة على نفسك والغصة في زورك.. وحد يسألك.. مالك.. تنفي براسك بمعنى لا عشان حتى متتكلمش ويظهر في صوتك الحزن ويعرفوا انك مهموم فتعرف اخيرا.. ان المشكلة مش الامتحان اللي بعد بكرة اللي مش مذاكرله ولا الراتب اللي لسة منزلش ولا الخناقة مع صحابي امبارح.. المشكلة هي.. اننا مغرورين.. مبنقبلش على نفسنا الضعف.. عشان كدا بلا استثناء لما حد يقول لصاحبه.. ايه اول صفة كنت بتحسبها فيا واكتشفت انها مش موجودة.. هيقول كنت بحسبك مغرور.. لا احنا مغرورين فعلا.. مقبلناش شعور التوهان في مكان جديد فرفعنا راسنا بتكبر وكإننا مش محتاجين حد حوالينا.. فلما مدلنا ايده نزلنا تاني.. زي بالضبط الابلكيشن.. بتحسب انك كويس.. مش عايز تتكلم.. واول ما اتحط قدامك اوبشن تكتب من غير ما حد يعرفك.. اتكلمت كأضعف انسان على وجه الارض.. مافيش زي الابلكيشن ده انسان ؟ اللي يقبلك بكل حالاتك وفي نفس الوقت تفضل قدام الناس الانسان الذي لا يُقهر ؟ اشك ان الناس هتفكر تدور عليه اصلا وهي في ايديها الاوبشن الاكثر اختصارا وتوفيرا.. حيث اسمي فول سوداني واسمك اوفوكادو..

8

0