جوزي ضربني جامد وقلبي وجعني منه - مش عارفه اعمل معاه ايه

Question

امبارح انا وجوزي شدينا مع بعض ف الكلام ورديت عليه قام ضربني جامد وعملي كدمات ف وشي ووشي وارم كله ووجعني وكل ده قدام بنتي الصغيرة اول مره يعمل كده كان بيضربتي بغل احنا بقالنا ٥سنين متجوزين ونزلت وانا نازلة اخد مني موبايلي ومفاتيح والفلوس وسابني انزل ١بليل لوحدي روحت ع اهله علشان مكبرش الدنيا مع اخواتي بس انا صعبان عليا نفسي اوي وقلبي وجعني منه اوي اوي 
مش عارفه اعمل معاه ايه

Donut_26173 🇪🇬 · Accepted Answer

لاذم تاخدي إجراء و اهله يكلموه يعقلوه ولو تعرفي تمضيه علي اقرار مضيه عيب جدا و مش من مبادئ الرجولة خالص مهما كان الشد ما بينكم و انا راجل و بتكلم لاني فاهم في دا كويس دي الأصول مهما كان و النبي صلى الله عليه وسلم وصانا بكدا

Donut_26173 🇪🇬 · Answer

مفيش اي مبرر للضرب مهما كان الظروف و مهما كان الاسباب الضرب بالذات مهما عملتي

Blueberry_27226 🇪🇬 · Answer

الموضوع كبير اصلا ولو ماخدتيش موقف وعرفتيه ان وراكي رجالة هيسوق فيها ويعمل كدة تاني

French Fries_27287 🇪🇬 · Answer

لازم تكبري الموضوع و تاخدي موقف لو عدتيها و حس ان ملكيش ضهر هيكررها تاني و تالت

Nutella_26046 🇪🇬 · Answer

اقلبيها ع دماغه ع شان ميكررهاش تاني لو سكتي كل هتتكرر تاني وعاشر

Watermelon_27203 🇪🇬 · Answer

مليون المية الضرب مش حاجة كويسة وخصوصاً لو مبرح وهو غلطان . بس الناس متقدرش تحكم علي الموقف من وجهة نظرك ممكن يكون الخلاف اللي حصل انتي غلطانة فيه في حاجات زي ما هو غلط ، ممكن يكون حاجة حصلت ليه خلته ينفجر مره واحدة خصوصاً ان انتي بتقولي انه اول مره يعملها وانتوا متجوزين بقالكم ٥ سنين.  الخلاصة 
اتكلمي معاه  او خلي حد كبير باباكي مثلاً او باباه يفهمه ان دا غلط .واسرار البيوت متتطلعش علي النت

Watermelon_27203 🇪🇬 · Answer

الناس بيفهموا غلط او ممكن يخربوا بيت علشان مش كل الناس نيتها كويسة