هل أرجع لـ"الاكس" مع إنها دمرتني؟ بحبها بس خايف أخسر كل حاجة

Question

اية هو جزاء اللى يفكر يرجع للاكس مع العلم انها حرفيا فشختنى فى حياتى وبالعقل مينفعش نرجع بس ليها واحشة واخدت فترة كبيرة لحد ما رجعت لنفسىى انا شخص عاقل بس بفكر حقيقى ارجع او على الاقل نرجع صحاب تؤ لا مش هينفع انا متعلق بيها من فضلكم ساعدونى انا لو رجعت ليها هخسر كل اللى حوليا اصل الهانم دمرتى نفسيتى حبيتين خيانة وقرف بس هى حلوة جدااا ودمها خفيف وكنت بشرب علشان انسى ولسة محسن علاقتى بأهلى واصحابى بعد ما بطلت شرب وخلاص الكل شايف انى بقيت شخص جديد

Coffee_27700 🇪🇬 · Accepted Answer

هي فترة صعبة يا صديقي أرجوك استحمل عشان نفسك. التعلق صعب حاسس بيك  أنا لما رجعت ندمت لأن لقيت نفس النتيجة بتتكرر.
اشغل وقتك ونفسك بصحابك وخروج وشغل وسفر ورياضة.
حاول تحكي مشاعرك لحد عاقل من اصحابك يفهمك ويقويك ويمنعك انك ترجعلها 
ربنا يسعدك 💪🏼♥️

Cheese_41865 🇪🇬 · Answer

قرب من ربنا وانت لو ليك نصيب فيها هتاخدها

French Fries_27181 🇪🇬 · Answer

الفكرة انى من كتر ما انا سمعت كلام بقى اى حد يسمعنى بلمح فى الموضوع من بعيد خلاص غور احنا اتخنقنا

Coffee_27700 🇪🇬 · Answer

يا سيدي كل ما تفكر ترجع تعالى اكتب هنا وانا مش هقولك غور.
لو بتحب القراءة إقرأ كتاب حلو اسمه (أحببت وغداً)

French Fries_27181 🇪🇬 · Answer

ومين قال انى بعيد يا جماعة بأمانة بصلى + البنت مش من دينى كمان فا الموضوع مش صعب مستحيل

Chilli_39554 🇪🇬 · Answer

هي ملهاش واحشه ولا حاجه علفكره انت واحشاك ذكرياتها و الحاجات الحلوه الي حصلت بينكم بس مش هي شخصيا

Chilli_33918 🇪🇬 · Answer

بص يا صديقي انتا مش وحشاك انتا وحشك الذكريات اللي بنكم غير انها مش من دينك انا كنت ذيك فعشان كدا بجد علاقه اذتك و ملهاش نهايه كجواز و عايز ترجع طب مفكرتش تستني تقابل حد يكون كويس فعلا يعوضك من اللي شوفته و يكون نهيتها جواز  اصل متتوقعش اللي اذاك مره مش هيعملها تاني وتالت و سعتها هترجع اوحش من الاول بمراحل

Strawberry_41599 🇪🇬 · Answer

انا حصلي كدا الاكس الدمرني رجع بعد ٤ سنين و انا دخلته حياتي ثاني على اسا ان اكيد كل حاجه اتغيرت و اننا كبرنا خلاص و هو عارف هو بيعمل ايه بس للاسف هو دمرني اكثر من زمان و اكتشفت مكنش ينفع اديه فرصه ثانيه

French Fries_27181 🇪🇬 · Answer

حقيقى شكرا جداا+ قرأت الداء والدواء لأبن القيم وساعتين وداع لأحمد مهنى

French Fries_27181 🇪🇬 · Answer

حاولت ادى نفسى فرصة مع بنت تانية بس مقدرتش  وحسيت انى بظلمها وفى وقتها قولت بلاش انا لوحدى تمام الفكرة حضرتك انى راجل عندى 23 سنة وليا أسمى مش مراهق