ثقتي في نفسي اتهزت وانا مهندسه ومحترمه

Question

انا هتم ال ٢٢ سنه ف شهر مايو الجي انا عارفه اني لسه صغيره و ان لسه الحياه قدامي طويله بإذن الله بس انا صحباتي اتجوزو كذا حد فيهم يعني مش كلهم والي خاطب و كده و ابن عمي اللي اتقدملي قبل كده وانا قولت لا هو كمان اتجوز و كنت انا و ماما عنده بنباركلهم مراته لذيذه اوي و حاسه امي اعرفها من زمان بس حسيت انها عارفه انه كان متقدملي فالأول كده مكنتش مرتاحه خالص لنظاراتها + ماما قالتلي النهارده هو مفيش حد ناوي يتقدملك كده خالص؟
.....حسيت سيكا ان ثقتي ف نفسي اتهزت واني مش حلوه كفايه مع العلم اني محترمه جدا و بحفظ قرآن و مهندسه و الحمد لله لبسي يرضي ربنا بس مش عارفه اتهزيت من جوايا ...انا عمري مدخلت ف علاقه مع ولد نهائي ولا حتي ايام المراهقه

Pineapple_74263 🇪🇬 · Accepted Answer

والله يبنتي من وجهة نظري انتي زي الفل و مفكيش حاجه والدتك بس هي الي مستعجلة عشان على ايامهم الناس كانت بتتجوز بدري و غير كده خديها مني انا عارف الرجالة الي بجد بتدور على ايه و الي بيدورو عليه هو بنت زيك محترمة اهم حاجه عندها ربنا و ناجحة في حياتها و انتي استمري على كده و ىبنا هيبعتلك الي زيك باذنه

Strawberry_71160 🇪🇬 · Answer

م معنى انه كله. اتجوز في سن زي دا يعني انتي كبرتي لا عادي لسا بدري ونصيبك هيجيلك

Marshmallow_74232 🇪🇬 · Answer

انتي من الارياف

Pineapple_60617 🇪🇬 · Answer

مش محتاجه يعني اظن واضح 🤷‍♀️😂

Marshmallow_74232 🇪🇬 · Answer

خلاص كبري مخك من شغل الفلاحين ده وانتي انسانه متعلمه وفاهمه ودماغك غير فعيب لما كلام فلاحين يأثر علي دماغك المتكلفه يابشمهندس

Pineapple_60617 🇪🇬 · Answer

شكرا

Pineapple_60617 🇪🇬 · Answer

عندك حق

Coffee_69082 🇪🇬 · Answer

يعني لسه عندك 21 سنه ومامتك تقول لك هو ما فيش حد ناوي يتقدم لك كده خالص اكيد طبعا مامتك غلطانه ما ينفعش الكلام ده يطلع منها ولازم تنبهيها ان الكلام بياثر عليكى نفسيا وتاخد بالها من كلامها معاكي .. وتفكيرك السلبي دا عن نفسك لازم تشتغلي عليه ويكون عندك ثقة في نفسك اكبر من كدة كتير ولازم تطورى من نفسك ونفسيتك عشان الجواز مسؤولية والحياة في الزمن دا مش سهلة ولا وردية

Coffee_74540 🇪🇬 · Answer

الجواز نصيب وربنا قال وخلقنا لكم من انفسكم ازواجاً لتسكونوا اليها يعنى انتى من نصيب شخص الله اعلم مين هو فمتزعليش على اللى فاتك علشان مش من نصيبك اكيد ليكى نصيب احسن بأذن الله وبالنسبة لوالدتك اكيد قالتلك كده علشان نفسها تفرح بيكى مش اكتر وبعدين انتى لسه صغيرة يعنى لسه ياما هتدخلى ف تجارب وحاجات كتير وياريت تثقى ف نفسك اكتر من كده

Banana_63629 🇪🇬 · Answer

انا مرضاش أتجوز واحدة 22 سنة عشان صغيرة هي أمك مستعجلة ليه

Pineapple_60617 🇪🇬 · Answer

خضتيني 🙂😂
حاضر والله

Mango_68959 🇪🇬 · Answer

طبقا لكلامك اكيد ربنا محضر ليكى خير او بعد عنك شر او في حد ربنا عايز انك تكوني مكافأة ليه وربنا عارف انه هيكون عوض ليكى

Pineapple_60617 🇪🇬 · Answer

اوكيه شكرا 💗

Pineapple_60617 🇪🇬 · Answer

عشان انا الكبيره و دي ديما المشكله بيني و بينها انا مش عايزه اتجوز قبل ٢٥ عشان اكون اشتغلت و عملت كل حاجه بخطط ليها و هى عكسي تماما عايزه النهارده قبل بكره

Pineapple_60617 🇪🇬 · Answer

ان شاء الله ❤️

Watermelon_41769 🇸🇦 · Answer

خليكي مع ربنا دوما

وربنا سبحانه وتعالي هيرزقك من ترضيه زوجا لكي

كلام والدتك غير صحيح لسه العمر قدامك لا تستعجلي

رزقك جي فلا تستعجليه يا بشمهندسة

Grape_73664 🇪🇬 · Answer

بصراحه اهالينا كان بيفكروا أن البنت لازم تتجوز فى سن صغير بس اللى احنا معرفنهوش 
إن ساعات كتير كل واحد فى دماغه احلام و حكايات 
نفسه يخلصه قبل ما يدخل فى علاقه 
او على الاقل اختيارك لشريك حياتك ده مش سهل 
لازم نبقى نفس mindset 
think about the future 
goals and missions

Watermelon_72972 🇪🇬 · Answer

لو مامتك قلتلك كدة قوليلها البركة فيكي هاتيلي حد عدل وانا مش هقول لا 😂

Pineapple_60617 🇪🇬 · Answer

منا مش عايزه انا 🤦‍♀️😂😂 والله بحس اني لسه طفله جواز ايه🤷‍♀️😂