ي احباب الله دلوقتي انا بقيت بقول لذاتي دايما اكيد مفيش حاجة انا بعملها بتكون كويسة وترضي يعني ف الدراسة دايما اقلل من مجهودي واقول ف ناس كتير اشطر واحسن مع ان انا بردو بقول انا مش ف سباق مع حد ده طريقي لوحدي انا لا احسن من حد ولا حد احسن مني كل واحد وليه قدرات بتميزو عن غيرو واحنا عمرنا مهنكون كاملين عشان نفضل كلنا نساعد بعض والكمال لله.. لكن ف نفس الوقت ف صراع جوايا وبقيت بحس اني شخصين عكس بعض تماما ف كمية تقليل للذات لما اي حاجة تعملها بشكل فظيع.. لدرجة انو وصل معايا الوسواس ده لما اغسل حتي ملعقة اقول اكيد مغسلتهاش كويس والموضوع ده بدأ يدخل ف امور كتير اكيد انا مثلا مش بعمل اللي عليا ع اكمل وجه اكيد مش بعبد ربنا كويس وغيرو كتير وغير اني لسه صغيرة اي يعني تانية ثانوي ويحصلي كل اللغبطة والدوشة دي

3

1