تعبت من نفسي ووافقت أكون النسخة اللي مش أنا

Potato_63928 🇪🇬

منذ شهرين

شعور لا مبالٍ

أنا تعبت من نفسي. بقالي ٣ سنين بضيّع وقتي، بهرب من كل حاجة، وبأذي نفسي من غير ما أحس. كل سنة أقول "هتغير"، وكل سنة أرجع لنفس النقطة. التسويف بقى أسلوب حياة، وجلد الذات بقى صوت في دماغي ما بيسكتش. فشلت في حاجات كتير… يمكن في كل حاجة. مش لأنّي غبية، لأ… بس لأني سيبت نفسي تغرق، ومحدش شدني. الدنيا كانت صعبة عليا، والظروف فعلاً خنقتني… بس المشكلة إني استسلمت. سكت، ووافقت أكون النسخة اللي مش أنا. وافقت أكون البنت اللي دايمًا تقول "مش قادرة" بدل ما تحاول. وافقت أعيش في دور الضحية، بدل ما أقاوم. أنا دلوقتي لوحدي. مش عارفة أبدأ. مش عارفة حتى أحب نفسي. أنا زعلانة… مش بس من اللي حصل، أنا زعلانة مني… من كل لحظة سكت فيها، من كل فرصة ضيعتها، ومن كل مرة كنت عارفة إن فيّ حاجة أحسن… وسكت عليها.

مش جدع مع نفسي: اعترافات فاشل بيوهم ذاته

الهروب نص الجدعنة، طب ازاي تبقي جدع مع نفسك وانت مش بتواجها بعيوبها اغلب المشاكل الي انا فيها علشان لسه معتقد اني لسه الشخص الكويس المحترم الهادي الذكي بس انا فعلا غبي و معتش هادي و مش كويس خالص خصوصاً دلوقتي في حد قالهالي صريحه انت مش مظلوم انت بتوهم نفسك انك كويس مع انك غبي و الناس التانية الي بتقارن نفسك بيهم هما فعلا كويسين بس حظهم كان وحش نصيبهم كده، انما انت الي فعلا وحش وانا كمان وحش ( قصده على نفسه) وفعلا علي ارض الواقع كلامه صح و الدلائل الي قدامي لاتعد ولا تحصي كفايه ان الناس التانية دي من الأوائل علينا دلوقتى وواحد كان بعيد الشر عنا و عنكم شال ماده و ما شاء الله دلوقتي ال gpa بتاعه بقا اعلي مني في سنه ونص بس، ما شاء الله ربنا معاه هو بيتعب ويستاهل انما انا انا فعلا مبعتبش و معتش بحس بالتعب ولا بالضمير ولا اي حاجة و عايش وسايب الدنيا زي ما تيجي تيجي هل انا مبسوط كده...... لا هل عايز افضل كده..... لا هل هقدر ادوس علي نفسي علشان احسن منها..... اتمني من ربنا دا بس حاليا لا هفضل حاطط نفسي مظلوم لاني كنت قبل كده حد كويس يارتني كنت زي الناس العاديه وانا صغير الي بيعمل اي حاجة و ميفرقليش حد ولا نصيحه ولا تعليق على اي حاجة كان بيعملها، علي الاقل كنت هحس بالذنب دلوقتي و اقدر اقول لا انا لازم اخد موقف وابقي انسان كويس انما انا اعتقد ان الي كان كويس و مهما كانت الظروف او اي حاجة خلته يبقي اقل من الي كان فيه مش هيقدر يرجع بسهوله الا لما ياخد علي وشة جامد ويفوق انا مش عايز اوصل للمرحله دي بس مش عارف افوق بدري برضو ...عرض المزيد

6 الدعم

1 نصيحة

جوايا لخبطة كتير وحاسس بلا روح... مش عايش ولا ميت

جوايا لخبطة كتير و تعب بيستنفذنى. حاسس إنى عايش بلا روح (ميت اكلينيكيا) فالغالب مبقتش احس بحاجة لا حلوة ولا وحشه. دايما مجهد معنديش طاقة لأبسط الأشياء، بطلت ارد عالناس (حتى لو chat) و كتير ببعد و ده اكيد مزعل ناس منى … بس حقيقى مش قادر و مؤخرا ضغطى بقى عالى و دايما حاسس بنغزه و بنهج كأنى بأجرى. كتير بتمنى ادخل غيبوبة او حاجة فأفصل من الدنيا ديه جايز ارجع احسن و الاقى ناس البيقدرونى أو ليا معزة عندهم واقفين جنبى احس انى مش لوحدى و ان رحلة الحياة ديه فيها حد بيقدرنى فعلا او حتى وجودى بيفرق معاه. انا اه بغلط كتير و اخرهم انى بسبب ضغط نفسى بطلت ارد عالبنت الكان فى اعجاب بينا و هى مكانتش فاهمة ليه انا اختفيت و حقها طبعا و للاسف بسبب تصرفى ده ضيعتها من إيدى (كان هيبقى فى حاجة حلوة مابينا بس اكيد ده نصيب 😞) جوايا سكاكين بتقطعنى و مستحقر نفسى جداً و مش عارف اسامحنى و بجلد فنفسى كتير بسبب غلطاتى. يمكن ده كان درس ليا بس درس قاسى شويتين. نفسى ارجع احس انى عايش تانى، ان فيا روح، احس بفرح. اى حاجة حلوة تطبطب عليا و تقولى الدنيا هتتحسن و تشاورلى على اى حاجة كويسة فيا. أنا مش عارف ليه كتبت كل ده و بكل تلقائية و لا حتى عارف مستنى ايه لما اكتب هنا 😅 بس جايز علشان مش بعرف احكى لحد 🤷🏻‍♂️ يمكن علشان جايب اخر الدواسة بشوية حلوين 🤷🏻‍♂️ ...عرض المزيد

5 الدعم

1 نصيحة

انا فحاله غريبه دماغي مش بتشتغل ومش طايقه حد

انا فحاله غريبه دماغي مش بتشتغل حرفيا بقعد بالسبع ساعات اذاكر فصفحه واحده ومفيش فايده ولا بقيت عارفه اعمل حاجه وحرفيا قاعده زي المتحنطين ولا بتكلم ولا بعمل حاجه وممكن اكون جعانه مثلا ومتكلمش ولا اكل افضل قاعده ساكته كل ما حد يكلمني ابصله بقرف وارد بطريقه وحشه واعيط بعدها مش طايقه اشوف الناس ولا طايقه حد طول الوقت زعلانه ومش بتكلم وانا طبعي اصلا بتكلم كتير وبحب الحركه بس دلوقتي حاسه اني انطفيت ولا عايزه حد ولا طايقه الناس ومش عايزه اتكلم مع حد وبسرح بطريقه غريبه وبنسي اصلي بقيت بسرح كده ممكن اضيع اربع ساعات مثلا وانا قاعده اتخيل حاجات كان نفسي تحصل مفيش حاجه بعملها غير وانا مغصوبه عليها حتي الاكل باكل عشان اقدر اكمل يومي بس لو عليا مش عايزه اكل ومليش نفس وامتحاناتي خلاص قربت باقي 22 يوم وانا معرفش حاجه ونسيت كل الي ذاكرته ولما برجع اذاكر مش بعرف ذاكرتي بتتمسح بالتدريج بنسي القرآن وبنسي المذاكره وبنسي كل حاجه والله تعبت اوي ربنا يعدي الايام الجايه دي علي خير ...عرض المزيد

5 الدعم

1 نصيحة