تعبت من معاملة أهلي ونفسيتي باظت

Question

جماعه انا جايه اكلمكم عن اهلي.. كملو قرايه للاخر بالله عليكم انا بنت عندي 21 سنه من محافظه صعيديه.. بابا متوفي من وانا 5 سنين وعندي اخت واخ وانا الكبيره وطبعا امي.. هكلمكم عن امي الاول امي دي اعظم ام في  الدنيا بس عقليتها قديمه شويه جابتلي كميه عقد نفسيه مقدرش اشكرها عليهم عمري ماحضنتني مفتكرش جات مره بالغلط حتي تحضني علطول بتعامل اخواتي احسن مني وعلطول بتقولي ان شكلي وحش ومش احسن حاجه بتتنمر علي جسمي و وشي وشعري حتي خلتني اكره شكلي واكره اخرج حتي.. واختي بقي دي علطول تقول ان انا حمل كبير عليهم وامتي هتجوز واغور علطول بتعايرني بفشلي وبتتريق عليا عمرها ماكانت اخت بجد ليا.. واخويا دا مقدرش اقول عنو كلام كتير ببساطه كده هو مش فارق معاه انا عايشه ولا ميته الحالتين زي بعض.. انا بقي تعبت منهم ومن معاملتهم ليا ونفسيتي باظت ومبقتش قادره استحمل كده ومش عارفه اعمل ايه والله العظيم 💔.

Banana_66650 🇪🇬 · Accepted Answer

مفيش أهل بيكرهو بنتهم والله 
بس سبيني اقولك حاجه لو حاسه كده عيشيش لنفسك  اظبطي حالك لحالك  واستمري علي ده اسمعي كلامهم ومتفكريش فيه ولا اكن حد بيتكلم من الأساس.

Watermelon_66598 🇪🇬 · Answer

قلبي عندك

Apple_66657 🇪🇬 · Answer

محتاج اتكلم مع حد خاص ضروري

Watermelon_63493 🇪🇬 · Answer

الامل اللى اترملت بدرى بتتحول شخصيتها لكدة علشان تعوض غياب الراجل في حياتها 
ثانيا انتى الكبيرة فهتعاملك معاملة المسؤول غير المسؤول هتطلع عقدها عليكي ودة غصب عنها كمان
ثالثا اختك مخها صغير وهى بتزيط في الزيطة اللى شايفة امك بتعملها معاكى
رابعا نظرا للظروف فانتى لازم تكونى العاقلة الفاهمة المستحملة
حياتك هتتحسن كتير لما تتجوزى حد يصونك ويحتويكي
خلى بالك من نفسك

Mango_64782 🇪🇬 · Answer

يمكن كل دا حصل عشان لما تلاقي إبن الحلال يعوضك عنهم خير ز يكون هو السند و العوض في الاخر كل واحد له ظروفه بس زي ما كل الناس قالت استغلي حياتك دلوقتي عشان تكوني احسن صوره من نفسك

Chocolate_65230 🇪🇬 · Answer

طب اهدي انا جمبك والله العظيم 🥺 ومتقوليش كده انتي اجمل انسانه في الدنيا كلها وانا شرف ليا اتكلم مع حد جميل زيك♥

Chocolate_65230 🇪🇬 · Answer

انا معاك

Apple_66657 🇪🇬 · Answer

ابعتي رساله خاصه

Coffee_52706 🇪🇬 · Answer

عامليهم بنفس المعامله اللي يهون عليه يجرحك ويوصلك للي انتي حساه دلوقتي ميستاهلش يصعب عليكي انا عن نفسي مكنتش كده بس بقيت اي حد اهون عليه ويقبل انه يضايقني ويزعلني بقيت ادوس عليه عادي واكمل في طريقي لان ببساطه محدش ليه الحق انه يعيش حياته كويس ويعيشني انا في هم ونكد محدش احسن من حد حتي لو هما اهلك

Ice Cream_65895 🇪🇬 · Answer

ممكن الظروف اللي ولدتك اتحطت فيها بعد وفاة والدة تكون سبب 
او ممكن ولدتك ي بيئه صعبه شويه اثرت عليها

French Fries_66695 🇪🇬 · Answer

ممكن ده يكون بسببك إنتي ، ممكن أكون يكون بيقولو كده قدامك وف وشك بس من ضهرك بيحبوكي جداً بس شايفين فيكي حاجه مش بتتغير أو عايزين يحسنو منك بس طريقتهم سلبيه شويه مش كل م الأهل يظهرون شئ لابنهم بيكون حقيقي وفي امثله كتير ف الدنيا كده أم مش بتظهر حب ابنها وهيا بتعشقه وأب مش بيحن علي ابنه وهو من ضهره بيقول فيه كلام كتير حلو عكس أب تاني ممكن يكون بيقول كلام حلو قدام ابنه وبيدلله وهو من ضهره بيهين كرامته