دائما احاول اطلع من ضيقي باني لازم احتك بالعالم الخارجي واطلع من غرفتي لكن هالشي تعبني لاني ماعندي ثقة بنفسي وماقدر اطلع لاني ماحب شكلي،، وانا اشوف بنفس الوقت ان خطوة للتخلص نن الاكتئاب هو اني اطلع واكون اجتماعية مما يخليني ادور في دوامة مفرغة. آكل لأني مضايقة وفي نفس الوقت اتضايق لأني اكلت فاروح اكل اكثر واضل في دوامة الاكل العاطفي،، وصلت لأسوأ مرحلة في حياتي شكلي سيء وسمينة وماحب شكلي ابدا والملابس ماتناسبني وماعندي ثقة بنفسي ،،، ياما شفت ملابس عجبتني وستايلات عجبتني وتصير في خاطري ومااقدر البسها واتالم بيني وبين نفسي ويكون خاطري احصل جسم جميل ونحيف اقدر البس اللي ابيه ومااحاتي شلون شكلي طالع. وبغض النظر عن اني سمينة انا اعتبر الاكل ملجأ ومااقدر اوقف حتى لو شبعت اغصب نفسي اكل عشان اسكت شعور داخلي ماعرف شنو هو. على طول اكل حتى لو اشعر بالملل حتى لو مااحس بشي بس اكل وما اوقف ابدا ومااعرف وش هي الخطة حتى انحف وكل ما اجرب شي مااستفيد لاني مو قادرة التزم واحس بخمول من ابسط حركة اتعب واحاول اسوي تمارين من يوتيوب لاني ماقدر اروح الجم بس ماعرف اذا تضبط معاي او لا لاني بصراحة ما الترم وماعرف التزم. انا مو كل همي اني ابي انحف لكن انا ابي اطلع للعالم لاني مكتئبة ولان مايعجبني شي ولاني اكره كل شي وعندي افكار واحلام يقظة وجنون احتاج اطلع منه والوسيلة هي الاحتكاك بالناس، فكيف احتك بالناس وانا مو حابة شكلي؟ انا مو محتاجة كلام تحفيزي وانتي جميلة بكل حالاتك لالا فعلا انا محتاجة انحف وتعبت من نمط حياتي الكئيب وشكلي الكئيب تعبت حرفيا

2

0