أنا تعبان جدًا، الحياة بقت مرهقة جدًا اليومين دول. أنا لسه متخرج، بس في الخمس سنين اللي فاتوا اشتغلت على نفسي كتير، خصوصًا في آخر سنتين لما اتعرفت على بنت كانت سامة شوية. هي ماكنتش بتحبني وفضلت تديني إشارات متلخبطة. في يوم قالتلي “لو انت جيت او حد تاني جه هوافق علي اللي هيجي الاول ”، وإن باباها وصل للي وصله علي التلاتينات (يعني بقى عنده سُمعة كويسة وفلوس وبقى جاهز للجواز) . عملتلها بلوك واشتغلت على نفسي لمدة حوالي ٣ سنين. اتعلمت حاجات كتير ودخلت كورسات برمجة، واتعرفت على بنت جديدة بس سيبتها قريب عشان اتخرجنا وهي مبقتش تتكلم أو تهتم زي الأول. عمرنا ما خرجنا مع بعض عشان أهلها كانوا محافظين جدًا، وأنا احترمت ده. كنت عارف إن المشاعر هتقل مع الوقت، وقلت لها كذا مرة إنها مش بتشاركني يومياتها زي أي اتنين بيعملوا، بس كانت بتقول “ماشي” ومبتعملش حاجة، فسبتها. بعد التخرج بدأت أشتغل فريلانسر، ومستني الجيش، اللي على فكرة مش عايز أروحه عشان أنا مرهق من كل اللي حصلي. وأيوه، جدتي كمان ماتت السنة دي. السنة دي كانت مليانة أحداث مخي مش قادر يستوعبها. أنا حاسس باكتئاب وتعب ومش عايز أعمل أي حاجة، حتى الجيم بطلت أروحه. حتى أهلي مش بيدوني الوقت اللي محتاجه أكون معاهم فيه، هم مركزين على جواز أختي السنة دي. آسف على التتابع العشوائي، الأفكار داخلة في بعض.

6

7