دايما بنسمع ان التروما بتيجي من مرور الشخص بحاجات وحشه ف حياته، بس الأصعب اللي بتجيله بسبب الدلع.. اخويا عمره 14 سنه وهو اصغر واحد فينا والوحيد وطبعا مميز عند امي من وهو صغير وهو طلباته اوامر بالنسبه لماما وياما قولنا ان دا غلط وبابا قالها مينفعش دا ولد ولحد الآن اخويا بينام جمب ماما ولو سافرت يخاف ينام لوحده وبياخد منها فلوس ولو مفيش تبقى مشكلة كارثه مع أنه بيبقى معاه فلوس اصلا وكمان بيشتغل، تعبنا من الكلام اخويا من كتر ما كبر لقى ان أمي بس اللي بتبقى ف صفه وكلنا بنقولها مينفعش مبقتش احس انه بيحبنا وقاسي اوي معانا واوقات بيبقى قاسي مع امي كمان وشايف ان كلنا مش بنحبه وبجد بسبب كده بعيط كتير اوي لأنه بيمد ايده عليا وانا اخته الكبيرة وبينا 4سنين وابويا مش بيسيب حقي وبيكسره بس امي بتقف قصادنا لدرجة ان في اخر خناقه قاطعت اختي الكبيره عشان وقفت في صفي واخويا بيضربني وضربته.. ازاي بقى الوريث مثلا يضرب؟ بقت مشكلة كبيرة وامي كل ما اقولها انتي السبب في اللي بيحصل تضايق وتزعل وحاليا انا داخله في شهر انا واخويا متكلمناش بالغلط حتى وعايشين في نفس البيت! والتروما اللي جات لأخويا ان كلنا مش بنبحه إلا أمي.. الموضوع ملهوش حل غير الدعاء، فضلا ادعوا ان كل حاجه تبقى كويسه وأنه ميكبرش ع كده.

4

1