انا البنت الكبيرة عندي حاليا 21 سنةوالوحيدة في بيتنا ليا اخوات بس ولدين من صغري اتربيت تربية معرفش اذا هي صح ولا لا وهي اني لازم ابقى بيرفيكت علشان ابقى مقبولة و لا لا مش علشان اتحب لا علشان اوصل بس لمرحلة القبول بيا بطبيعة الحال كنت مع ماما اغلب الوقت في البيت وبابا مش موجود اغلب الوقت بطبيعة الحال برده مع ان هما الاتنين شغالين في نفس الشغل مدرسين ولكن ده اللي بيحصل وطبعا معروف مع الشغل اكيد هيبقى فيه جوانب تقصير ولكن علشان نتلاشاه في البيت طبعا كانت مل حاجة لازم تبقى بيرفيكت وعلى المسطرة يا كده يا إما الناس هتقول علينا ايه بربي في ولاد الناس وانا مش عارفة اربي وحاجات زي كده الحقيقة ماما كانت عاملالي رعب من بابا في حياتي مفتكرش اني في مرة عرفت اطلب منه حاجة كان اول ما يدخل البيت بنام ده لو عرفت او اكون في المطبخ بعمل اي حاجة ممكن اشيل المطبخ كله اقلبه وانظفه واقعد للفجر في سبيل ان مقعدش معاهم بس المهم من صغري وانا كنت تعبانة كان عندي حساسية على صدري مزمنة ولسه موجودة كنت كل يوم عند الدكتور ومستشفيات وتعب لحد ما في مرة الدكتور قالي اقعد سنة كاملة في البيت مخرجش في مكان ولا اختلط بحد نهائي المهم الفترة عدت وجه وقت ادخل المدرسة ودخلت المدرسة وابتدينا عقدة البيرفكشنزم كل حاجة لازم تبقى مظبوطة بالشعرة مش مسموح ولا غلطة لازم الدرجات اطلع الاولى واكون مقفلة واكون شكلي حلو مش الجمال العادي لا لا الجمال التحفة اللي محصلش ده اللي ماما عايزاه فاهمين ممينفعش اغلط علشان اتعلم لا مينفعش اكون مش عارفة دي حاجات مش مسموح بيها دايما كانت بتقولي كلام يحرق في قلبي قبل دمي والله مع ذلك عمري ما رديت عليها بولا كلمة واحدة حرفيا كنت بقف قدامها اسمع الكلام كله وانا باصة في الارض وساكتة ولما تخلص و تقولي غوري مش عايزة اشوف وشك امشي بكل هدوء اشوف ايه هيتعمل اعمله علشان مينفعش اعيط ولا ادخل الاوضة لأني بالنسبالها لا بحس ولا عندي دم علشان لو عندي دم مكنتش غلطت او مكنتش عملت كذا ده اترتب عليه اني عمري ما عيطت قدامها ولو في يوم اكتشفت اني بعيط بيبقى يومي مش فايت ...... دايما طول الوقت كنت في مقارنات مع ناس كتير اشهرهم بنت خالتي خلينا نسميها مثلا "منى" واللي بالمناسبة كانت ومازالت عايشة مع امي كل حاجة انا معشتهاش ولا مامتها مش متوفية ولا بتعاملها وحش المهم دخلت في دايرة من المقارنات في كل حاجة ممكن تتخيلوها جسمك مش زي منى شعرك مش زي منى لون بشرتك مش زي منى الدرجات بقى كنت طول عمري بطلع الاولى مش علشان انا شاطرة وبحب المذاكرة ومش علشان نفسي لا علشان انا مش مسموحلي بأقل من كده مينفعش انقص نص درجة مينفعش اطلع التانية مثلا لا لازم الاولى المرة اللي كنت ممكن انقص درجة او اتنين وابقى طالعة الاولى برده كنت ممكن اترن علقة فيها دي وكمية معايرات بقى انا بأكلك بشربك بعالجك انتي كده متستاهليش حتى النفس اللي بتتنفسيه خسارة فيكي لحد ما جيت دخلت اعدادي وبابا وماما هما الاتنين كانوا معايا في المدرسة علشان هنا مدرسين اعدادي طبعا هنا كل حاجة ابتعدت تزيد من ناحية البيرفيكشنزم علشان اي حاجة تحصل مني كده او كده هيقولوا ده ابوها وامها هما اللي بينجحوها والبيئة اللي انا كنت فيها كانت مساعدة على التفكير ده عدت اولى اعدادي جيت في تانية اعدادي للأمانة يعني نقصت درجة ونص عن المجموع الكلي بس كنت الاولى برده والمدرسين اللي في المدرسة زوروا في الدرجات علشان يخلوا واحدة تانية هي الاولى واتكشف الموضوع وطبعا الموضوع بقى دخل في شكاوي ونيابة وحاجات كتير وشهدوا زور اه والله زي ما بقولكم كده مش متخيلة حد دماغه تعبانه يشهد زورعلى موضوع كده وطبعا مين السبب اللي بيتلام على ده كله ايوه صح انا بقت ماما تقولي كده الناس دول شغالين مع بعض من 17 سنة القرف ده كله مجاش غير منك وكلام وضرب واهانة حاجات كتيرة المهم المواضيع دي اخدت سنتين كنت انا خلصت 3 إعدادي ونبدأ بقى الأهم ..

4

3