تجربتي مع العلاج النفسي: رغم التعب، خلتني كويسه

Question

تجربه العلاج النفسي عموما علي اد ما كنت مش مستحمله الحياه في الفتره دي علي اد ما هي خلتني كويسه قدام اه ساعات لسه بتعب وجدا وبحس ان محتاجه اروح اتعالج تاني بس فتره العلاج خلتني احاول اقوم بعد ما اقع او علي الاقل اخد وقتي في ان ابقي كويسه

Coffee_68662 🇪🇬 · Accepted Answer

أنا بس هقولك ان اول خطوه للتعافي وأولها انك تدي نفسك وقت و فرصه الشعور بالزعل و تزعلي وتعيطي و خدي وقتك في كل ده

Apple_65735 🇪🇬 · Answer

حسسي نفسك ديما انك كويسه وتقتدري تتخطي اي صعوبات مهما كانت ضغوط الحياه أو الأجواء الي حواليكي انتي بجد كويسه

Olive_66804 🇪🇬 · Answer

ممكن أسألك ازاى ساعدك  يعنى انا رحت جلسه محستش ان هى ضافتلى حاجه جديده حسيت انها قالت نفس الكلام اللى انا عارفاه كويس فمش عارفه المشكله فيا ولا فيها ممكن الحاجه الوحيده اللى فرقت انى حسيت ارتحت لما اتكلمت

Strawberry_68964 🇪🇬 · Answer

مش دايما ده الصح عشان المبدأ ده بيحطك وبيحط عقلك في وضع ضغط دايم اوقات كتير بنحتاج اننا نعيط او نقول اننا مش كويسين عشان بعدها نبقي فعلا كويسين

Strawberry_68964 🇪🇬 · Answer

فعلا نص حل المشكله هي اننا نعترف ان في مشكله اصلا

Strawberry_68964 🇪🇬 · Answer

بطبيعه الحال العقل الواعي عارف كل الكلام الصح اللي ممكن يتقال الفكره ان اوقات كتير بنحتاج نسمع الكلام اللي احنا اصلا عارفينه عشان عقلنا وقت الزعل والخنقه مبيبقاش معترف بالمنطق ووقت الخنقه لازم حد يساعدك هيبقي صعب تساعد نفسك 
وكمان مبتبقاش جلسه واحده لا بتكون سلسله جلسات علاجيه علي حسب المشكله يعني انا قعدت سنه اخد جلسات انما مش جلسه واحده

Apple_65735 🇪🇬 · Answer

دي حقيقه بس مش معنى كده أننا نستسلم ونقول أننا عندنا مرض نفسي ونبقا متشتتين ف أفكارنا بلعكس والله ديما لازم يكون عندنا احساس أننا بخير وكل حاجه كويسه أو ع الاقل ها تبقا كويسه