اتجوزت ٧ شهور و جوزي اتوفي وانا حامل في الشهر الخامس كنا متجوزين عن حب وارتبطنا كذا سنة قبل الخطوبة وفي خلال فترة الارتباط مكناش قريبين اوي بحكم ان مش بنشوف بعض كتير وكدة بس اكتشفت ان بيشرب حشيش اوقات لكن قال دة بيكون وقت مناسبات او كدة بس ف انا عديت الموضوع وكنت دائما احزره ان دي اكتر حاجة بالنسبالي خط احمر وكدة اتخطبنا وخلاص فترة الخطوبة كان زي بعض الشباب بيكون بنات كتير جدا وانا بعرف لان منهم اصحابي ولكن كنت بعديها بحكم ان معظم الشباب كدة وهو بيحبني انا والكلام دة بس هو كان عصبي جدا علي الرغم من اني مش الشخصية الي بترد او عندية بس هو كان عصبي اوي وفي مرة سرقت الاكونت بتاعه في الخطوبة اكتشفت انه بيكلم كذا بنت و بردو منهم بنت كان مرتبط بيها قبلي ولقيت كلام بينهم من فترة قبل الخطوبة بيقولوا انهم جربوا يشربوا حشيش مع بعض ولكن انا بردو عديتها وحتي مقولتش ليه ان شوفت حاجة وبعدين اتجوزنا اول شهر في الجواز كان بردو بيكلم بنات شات كنت بكتشف من وراه لانه اصلا مكنش بيديني باسورد موبايله ابدا ولا امسك موبايله وخلاص ال٧ شهور جوا. شوفت حشيش مخبيه في درج تحت حاجات كذا مرة و واجهته في مرة قال ان دة حد اداهوله وهو حطه ف الدرج وخلاص بس انا بدأت اشك كذا مرة انه بيشرب خصوصاً ان كان بيطلع السطح لوحده كتير وفي اخر شهر قبل الوفاه كان عصبي جدا و بدأ يقول ان حد بيراقبه وكلام غريب وعصبية وصلت لمد الايد ٣ مرات وقبل ما يموت ب يوم قالي يلا نروح عندكم وداني و سابني شوية و نزل و رجع تاني وقعدنا شوية و مشينا اول ما دخلنا الشقة تصرفاته بقت غريبة جدا وشرب قهوة كتير وقال انا هنزل اتكلم مع اخويا ونزل اول ما نزل لاخوه قاله انا عايز اموت حد وبدأ بتعصب و يتخانق واخواته بهدوه مش بيهدا وعشان يسكتوه اخوه اتخانق معاه ف هو خرج و استني القطر و رمي نفسه احنا طبعا فاكرينه خرج غضبان شوية و راجع اتفاجأنا ب الي حصل

5

5