موضوع:

اتعرضتي للتحرش قبل كدا؟ وعملتي ايه وقتها؟

جوز عمتي شيخ كنت ف تالته ثانوي وماما كانت شايفه اني محسوده عشان تعبانه طول الوقت طلعتني ليه يرقيني وكان بيتلامس معايا تلامسات وحشه ويقولي الوجع فين كنت مخنوقه اوي ومش عارفه اخد نفسي ف كان بيدلكلي صدري علي اساس كدا العفريت بيطلع وبتاع وجابلي مرهم دهنهولي وحاجه ف قمه القرف بجد ولما كانت عمتو تعدي ف الصاله وكدا كان يشيل ايده ويكمل قرايه قران اللي هو انت بجد؟؟؟ متضايقه من نفسي ساعتها لاني كنت مدياله الثقه وكنت ساكته مع اني عارفه من جوايا ان دا غلط وهو خايف لي طالما كان بيساعدني وكدا. عدي فترره وكنت ساكته متكلمتش ف اي حاجه لحد ما صديقي فتح معايا موضوع التحرش وسالته ساعتها ولقيت نفسي بعيط معاه وانا بحكي وقالي ان دا غلط وهو شجاع جدا ف شجعني اتكلم مع ماما واقولها بس لما قولت لماما تجاهلتني تماما ومعملتش اي حاجه وتجاهلها وجعني اكتر من اللي جوز عمتي عمله ف قولت لبابا تاني يوم علطول بابا اه معملش حاجه بردو بس قالي ان لو كنت قولتله كدا من ساعتها كان زمانه تنصرف معاه وجابلي حقي وفهمني ان سكوتي دا غلط وفهمني انه متضايق علشاني بس شدينا ف الكلام قالي دي اختي ودي الجوازه التانيه ليها ومقدرش اعملك حاجه قولتله انا ولا اختك قالي اختي انا اقدر اجيب غيرك ف اي وقت😂 وماما زعقتلي جامد لما عرفت اني قولت لبابا وقالتلي انت عبيطه وكدبتني وعملت مشكله كبيره قولت انزل اقول لتيته يمكن تعمل حاجه قالتلي دا شيخ هو هيبصلك انت علي اي دا انت وحشه!! حرفيا بنفس الطريقه ومش ثقتي ف نفسي بس اللي اتهدت دا حتي لحد دلوقتي مش بحس ان ليا حد يخاف عليا ويحبني من بعد الموقف دا مبقاش ليا سند او حد احب احكيله دي حتي اختي كنت بقولها عملوا فيا كذا كذا تقولي احسن وتنزل تقعد مع عمتو والدنيا عادي ودلوقتي فرح بنت زوج عمتي هو متجوز اتنين واحنا معزومين وماما وبابا بيتعاملوا معاه حلو اوي وبيحبوه وبيستضيفوه كانه معملش ف بنتهم حاجه وبقولهم اني مش هحضرله افراح ولا عايزاه يحضرلي حاجه وهم بيحاولوا يغصبوني اروح وانا بكرهه اوي ومش عارفه اتخطي مع اني روحت لثيرابست واتكلمت معاها بس لسا كل ما افتكر اتوجع.

6

7