اتخانقت مع الاكسان عشان العلاج النفسي

Question

اتخانقت مع الاكس انهاردة الصبح عشان بيقولي اني مينفعش ارتبط ولا اتجوز الا لما اتعالج نفسياً

وهو عارف اني بتعالج فعلاً وكنت بقابله بعد السيشن بتاعت الدكتور نقعد نتكلم مع بعض وكان بيحب يسمعني عشان كده كنت بتكلم ☹️

هو عارف برضه اني كويسة وكان معجب بيا جداً انا اللي مكنتش قادرة ابادله مشاعر الا لما يبقى في حاجة رسمي

قلتله ف بداية التعارف اني مش عايزة اتخذل !! 
وخذلني🙁

Hazelnut_52786 🇪🇬 · Accepted Answer

1.	قولي له إنك بتتعالجي فعلاً وبتخدي خطوات جدية، ومش من حقه يقلل من ده أو يستخدمه ضدك.
	2.	هو خذلك رغم إنك كنتي واضحة من البداية، وده يبين إنه مش قد المسؤولية ولا احترام مشاعرك.
	3.	الحل إنك تبعدي عنه وتحافظي على سلامك النفسي، اللي يستاهلك هيقدّرك من غير ما يكسرك

Durian_54507 🇺🇸 · Answer

بحاول افهم هل هو اكس عشانك سبتيه بعد الخناقة ولا انتِ لسه على تواصل مع الاكس بتاعك ولا ايه بالظبط

Nutella_55346 🇪🇬 · Answer

لا احنا بطلنا نتكلم من شهرين تقريباً لانه كان شايف اني بعطله عن امتحان المعادلة بتاعه فخلاص بطلنا نتكلم ومسحت رقمه ،،
امبارح بعتلي كل سنة وانتي طيبة فعاتبته لما لقيته عايز نرجع نتقابل تاني!

Nutella_55312 🇪🇬 · Answer

غلطتك 
عارفة ليه؟
عشان مش كل حاجة بتتحكي
لازم يفضل في جزء خاص بيكي محدش يعرفه في الدنيا غيرك 
اسمه شريك حياة مش شريك اسرار 
في حاجات احيانا لازم نحتفظ بيها لنفسنا سواء كانت اسرار او غلطات من الماضي او اياً كان 
لانه لازم هيجي اليوم والطرف التاني هيستخدمها ضدك

انسي الموضوع واتبسطي بالعيد واحمدي ربنا انك شوفتي الوش الحقيقي بتاعه وادعي كتير ربنا يعوضك ❤️

Apple_53482 🇪🇬 · Answer

كل سنه وانتي طيبه وعيد سعيد عليكي ، ثانيا هو اللي محتاج يتعالج نفسيا لانه عنده نقص كبير وحقك علينا

Coffee_55071 🇪🇬 · Answer

اظن ده شخص محتاج يتعالج نفسيا مع احترامي طبعا ليكي 
بس هو اللي غير سوي

Grape_55291 🇪🇬 · Answer

الي حصل حصل الحمدالله تعملي ان نقاط ضعف انسان مبتتحكيش لاي حد وان اتحكت فهي مسؤلياتك انا مبغلطكيش ع قد انه هو ال عاوزك من بدايه وصمم يقرب منك وهو ناقص لما يمسك نقطه ضعفك عليكي مبروك انتي فزتي مش ده الي هيسمعك ويبقى معاكي 
انتي تستاهلي حد يسمعك وميجيش ع نفسيتك لمجرد انه عايز يحس بمشاعر لصالحه انتي قويه وربنا نجدك ف وقت مناسب احمدي ربنا بيحبك بجد. والاهم كملي رحله العلاج لنفسك مش لاجل حدلاجل سلامك🤍

Pumpkin_55309 🇪🇬 · Answer

كل سنة و انتي طيبة متزعليش
انا الاكس بتاعي مشي يقول عليا مريضة برده عشان عرف اني رحت ثيرابي بعد ما سبته
عامة مش كل حاجة بتتحكي فعلا و بعد كدا متعرفيش حد عشان احنا مش في لندن و موضوع الثيرابي مش مقبول مجتمعيا لسه

Mango_55186 🇪🇬 · Answer

في حاجات معينه مينفعش تتقال لاي حد مهما كان زي اسرارك وانك بتتعالجي ومينفعش تقولي لحد خايفه اتخذل لان بيشوف اتك ضعيفه وكمان المعظم الوقتي بيتكلم ويقرب طول ماالطرف التاني مش مديله وش بيحاول واول مابيبدا يقربوا بيبعد فاتنتي اعرفي الناس كويس وطبيعه الشخص اللي بتتعاملي معاه

French Fries_54548 🇪🇬 · Answer

تعالاي نتعرف مش هخذلك ☺️

Durian_17011 🇪🇬 · Answer

قولتي ليه انك عندك مشاكل نفسيه نص الناس مش بتفهم يعمي اي مرض نفسي

Nutella_55346 🇪🇬 · Answer

منا عرفت كده متاخر للأسف بعد ما استأمنته وحكتله كل حاجة ،، كنت فاكراه راجل لكن للاسف عايرني بالحاجات اللي قلتها واحنا بنتخانق 😕

Nutella_55346 🇪🇬 · Answer

منا قلتله كده فعلاً وعملتله بلوك لقيته داخلي ابليكشن تاني يجرح فيا ويعايرني بالكلام اللي قلتهوله زمان ،، انا تجاوزته الحمدلله من ساعتها بس كلامه انهاردة ضايقني 😕

Nutella_55346 🇪🇬 · Answer

هو كان مصر نتعرف ونرتبط وانا كنت بقوله مش حاهزة عشان الفترة دي من حياتي مكنتش احسن حاجة واني بتعالج عشان ابقى احسن ،، وهو كان دكتور فافتكرته هيتفهم ده ،، لكن للاسف استغل كلامي ضدي

Hazelnut_52786 🇪🇬 · Answer

اتواصلي معايا افهمك