انا طالب في اخر سنه في الجامعه عندي ٢٢ سنه من خمس سنين بدأت شغل في مكان جمب بيتي واتصاحبت علي صاحب المكان هو حد محترم وبيعزني جدا لكن اتطورت صداقتنا لحد ما بقينا من ٣ سنين بنخرج سوا وهو كان بيشرب حشيش وخمرا وانا كنت الاول بخرج معاه بس عشان كنت يعتبر لوحدي في الدنيا بعدين شويه بقيت اشرب معاه نفسين تلاته شويه بقيت كمان ادوس في الخمرا لحد ما بقيت اتعود علي كدا لكن الحمد لله مطولتش في الخمرا كان شهر وخلاص ونويت النيه انها متدخلش بقي تاني والحمد لله من اول السنه دي بقيت احافظ علي صلاتي لكن للاسف الحشيش حاولت كتير اقطعه ويجي اسبوع كامل احور عشان منزلش ومشربش ولكن يجي حاجه تخليني اخرج وحاليا اطول قطعه كانت شهر انا زهقت من القرف دا وعايز ابطله عشان اشوف حياتي وابدأ مشروعي بس للاسف بقيت لو الظروف مجمعتناش اول امبارح وامبارح ابقي متلهف النهارده اني انزل معاه نقعد في العربيه واشد اول نفس ونتكلم ونضحك وارجع انام الساعه ٢ شارب ومزاجي عالي مع العلم انا عندي adhd والحشيش هو الشيئ الوحيد اللي بيسكت الاصوات اللي في دماغي قبل النوم وبقيت كمان صحيح معرفش انام بسرعه لو فايق

5

0