جماعة عايزة اقولكوا بجد خلوا بالكوا كويس جدًا من كلامكوا ، انا بسبب تنمر اهلي عليا و ان وزني كان كبير مقارنةً بأوزان بنات عيلتنا و كده (مع العلم اني كنت 49 kg ) يعني وزني مكانش كبير اوي كطفلة عندها 10 سنين بس بنات عيلتنا كانوا رفيعين جدًا و كنا دايمًا بيقارنونا ببعض و في الآخر ده يأثر على نفسيتي انا و كنت حرفيًا بكره التجمعات العائلية بسبب كده ، انا لحد دلوقتي فاكرة الكلام بالحرف و فاكرة اني كنت بدخل اوضتي اعيط كتير جدًا بسبب كلامهم و حاولت اعمل دايت كتير اوي انتوا متخيلين ان كل ده وانا 10 سنين المفروض الفترة اللى جسمي بيتبني فيها و محتاجة اكل كويس ، و كان في بردو ايام مكنتش باكل فيها خالص و لو كلت كنت باكل كميات و بعدين احس بالذنب فأرجّع كل الأكل اللى كلته بالقصد عشان خايفة اتخن و ساعتها مكنتش اعرف ان ده مرض اسمه اضطراب اكل لأن كنت صغيرة و بسببه جالي مشاكل كتير في الجهاز الهضمي ، انا كبرت بس لسه بعاني من كل ده و مع الأسف مش قادرة اسامح كل اللى قالي كلمة وحشة زمان و غصب عني والله لأن انا لوحدي اللى بتحمل نتائج تنمرهم و محدش فيهم بيمر باللي مريت و مازلت بمر بيه ، اتمنى ربنا يسامحهم بس انا مش مسامحاهم

8

0