انا اتعرضت لحاجة وانا صغيرة يعنى فى المرحلة مبين الطفولة والبلوغ كدا يعنى اولى اعدادى كدا اتعرضت لتحرش من حد من عيلتى يعنى من المحارم مش درجة أولى بس محارم انا حاليا حد ناجح الحمد لله فى كلية طب وبشتغل جمب الكلية وحاولت طول السنين دى أنجح دراسيا واجتماعيا عشان اثبت لنفسى انه الموضوع مأثرش عليا وانى تمام وتخطيته بس انا مش ناسية حاجة خصوصا انه الشخص دا حاول اكتر من مرة وانا مكنتش عاوزة اخرب بيته لان مراته يعنى مش عاوزة اشرح العلاقات بالظبط اي بس هيا حد يهمنى ومن عيلتى فسكت من الصدمة والخوف وانا صغيرة وبعدته عنى واتحملت كتير اوي لما بعدت عن عيلتهم ومراته اذتنى عشان بعدت بس لما كبرت واهلى ضغطو عليا اروح بيتهم قلت الىى حصل لناس فى عيلتى بس مش كله وملقتش رد الفعل الىى يهون فتعبت اكتر حاليا دايما بفكر فى العلاج النفسى لانى بقيت مش قادرة اسمع صوت حد من عيلته ولا تتجاب سيرته قدامى بحس انى بترعش وبسرح وافتكر الىى حصل وباخد وقت عشان ارجع اتعامل طبيعى او افكر طبيعى حتى وحاسة بخذلان من اهلى الىى حكتلهم انا جربت دكاترة نفسيين عندنا فى مستشفى الكلية كانت تجربه مش وحشة بس مساعدتش اوي والدكتورة كتبت دوا لانه بتجيلى حالة ببقى قاعدة بفكر بس فى الىى حصل ومش قادرة اذاكر لما يبقو موجودين فى بيتنا بس انا كطالبة طب وعارفة آثار الدوا الجانبية خفت اخده وقت الامتحانات وانام فمخدتوش والموضوع أثر عليا من جوانب تانية انا بقيت اخاف لما حد يتقدملى يعنى فكرة الجواز بقيت مخيفة مع العلم انا تمام كبنت الموضوع متخطاش انه حاول يحط ايده عليا بس انا بقيت خايفة من الفكرة انه حد يقرب منى بس اعجبت بحد فى الكلية معايا فاعتقد انه مش خوف مرضى ومتقبلة انه هيجى وقت وفى حد هيبقى فى حياتى بس الجواز نفسه فكرته صعبة عليا انصحونى ازاي اتعالج من أثر الموضوع دا عليا ولو حد عارف دكاترة اونلاين او طريق صح امشى فيه

2

10