اخواتي اللي عندهم بوردرلاين انا الفترة دي اول مرة تعدي عليا من حيث المشاعر ومن حيث التوهان والدوشة والخوف والقلق وكل حاجه غالبا بحس اني بتولد من جديد بمشاعر أصعب من تاني خوف و وحدة وتغيير وناس بتتغير حوليا وناس ببعد انا عنها كنت مستحيل افكر ابعد عنهم نهائي ف حياتي كلها.. بس بقيت عادي بتعامل اللي هو يا تري هيلاحظوا ان فيه حاجه غلط واني بعدت او فرقت ولا عادي مش فارقه .. انا عمري ما حسيت بحب حد ليا نهائي و ده مش اول مره عمري ما حسيت اني فارق مع حد وجودي زي عدمه ولا مرغوب فيه ولا حاجه كمالة عدد زي ما بيقولوا يعني بمعني اصح .. من كام يوم اتعرفت علي بنت بوردرلاين زيي بردو مش هكدب قولت انت كدا كدا وحيد ومعندكش حد عمتا صحاب بنات يعني ومجربتش عمتا ده كتير بس لقيت ان يوم كامل اتكلمنا وقولنا كل حاجه فجاة هي بعدت معرفش عنها اي حاجه ولا فاهم ليه عملت كدا .. انا بعيش فترة غريبة وفريدة من نوعها فعلا مش معروف انا مين ولا عايز اي ولا بعمل اي حتي يا دوب بروح الشغل اخلص شغلي اروح البيت مقتول عايز انام واصحي اكل لقمه اروح الشغل تاني وهكذا دوري بينا يا دنيا بقي علي الحال ده يا غريب .. بس مش هكدب عليكم انا لوحدي جدا بجد ونفسي احس حد جمبي وعندي خوف كدا اني هموت الايام دي معرفش ليه بس نفسي مموتش لوحدي بمعني اصح مبقاش عشت ٢٧ سنة والاقي نفسي اتنين تلاته بس اللي بيعزوا فيا والله اعلم غيابي هيأثر فيهم فعلا ويفتكروني بدعوة حلوه ولا خلاص كدا محتاج اشبع من شعور اني اتحب ده جدا واني حد كويس مش شخص غير مرغوب فيه لازق فيا الاحساس ده جدا وصعب اوي الحقيقه انا اسف طولت اوي عليكم بس كان نفسي اتكلم والاقي حد يرد يبقي فاهم حالتي

0

1