لما كان عمري ١٢ سنة والدي شغل انترنت في البيت و بدأت اتفرج على أنميات و مسلسلات كرتون منهم ناروتو و دخلت على موقع ترجمة أنميات المهم ظهر عندي اعلان لما ضغطت على زر تشغيل حلقة ناروتو و فجأة ظهرت صفحة فيها افلام إباحية ..أنا للاسف الصور و الفيديوهات إلى فيها أثارت فضولي قلت ادخل اشوف ايه الصور دي عبارة عن ايه و ليس الناس دول عريانين كدا مش لابسين اي حاجة و ايه الي بيعملوه دا ..هل دا شيء طبيعي ...هل فعلا بيحصل الكلام دا وعدت نفسي بعد ما دخلت اشوف الصفحة دي اني مرجعش اشوف تاني ...لكن مع الوقت زاد فضولي و بقيت ادخل اشوف مقاطع كاملة و استغل أن الأيام الي اهلي بيخرجوا فيها عشان اتفرج المهم انا استمريت بالمشاهدة حوالى ١٥ سنة من عمري لحد فترة قريبة بعدت عن الافلام الاباحية و اتحول تفكيري للانميات الرومانسية فاكرة أن هيكون أقل حدة و مش هياثر عليا حاسة من جوايا بفراغ عجيب و وحدة مش طبيعية حاسة بثقل في جسمي مع اني مش بمارس العادة ..بتفرج بس ..لكن حاسة أن معنديش دافعية لاي هدف في الحياة و أن عزيمتي اتدمرت كليا و كسل و فتور مش طبيعي لدرجة بتمر الايام احيانا و أنا مش بقدر اصلي كل الصلوات بحاول اجاهد و اعافر و كل ما احس بفتور بدخل اتفرج على مقطع ديني عشان يحفزني و يديني عزيمة اني اصلي الصلوات في وقتها و اجاهد نفسي لكن مفيش فايدة بجر نفسي للصلاة بالعافية علطول أغلب اليوم نوم لاما افتح مواقع التواصل معنديش صحاب أو أصدقاء عموما و هو دا يمكن الدافع الى خلاني اتجه للحاجات دي أن معنديش أصحاب أو ناس بتحبني لذلك دائما بحس بالفراغ و اني عاوزة تعوض الاحساس دا باي حاجة قعدت فترة ادخل تطبيقات شات و اكلم اولاد و حسيت بإحساس وحش و تأنيب ضمير و برجع احذفها و بعدين بعد كم شهر ارجعلها مرة تاني لما احس بفراغ و اكتءاب حاولت و عافرت كذا مرة دخلت تطبيق واعي و انضميت الجروب التعافي و كملت اكتر من مرة ٩٠ يوم و اكتر و كل مرة بضعف و ارجع بالإضافة إلى اني انطوائية في الواقع حتى في شغلي مش بعرف اشتغل أو امارس شغلي بطبيعية و اتعامل مع أي وقت بحساسية مفرطة و باخد الأمور على اعصابي

5

15